Apocalípsis 10:4 - Ñandeyara Ñe'ẽ

⁴ Ha oñe'ẽ rire umi siete arasunu, che amoĩ mo'ã umi mba'e kuatia rehe ha ahendu peteĩ ñe'ẽ yvágagui he'íva chéve: --Aníke reikuaauka pe he'i va'ekue umi siete arasunu ha ani remoĩ kuatia rehe.

Tûpâ Ñandeyára 1913

⁴ Ja oñeê rire umi siete osunúva, che aimema voi amoî jaguâicha umimbae co cuatiápe, ajendu ramo peteî osapucaiva ŷva guive jeivo: Ereconte ye iñongatujápente âmbae oñeê vaecue umi siete osunúva ja ani remoî cuatiápe.

Ñandejára Ñe’ẽ

⁴ Oñehendu rire umi 7 ára sunu, ahai mo'ã kuatiáre ha upe jave ahendu yvate guive he'íva: “Esella umi 7 ára sunu he'i vaekue, ha ani remoĩ kuatiáre.”

Ñandejara Ñe’ẽ ✟

⁴ Oñehendu rire umi 7 ára sunu, ahai mo'ã kuatiáre ha upe jave ahendu yvate guive he'íva: “Esella umi 7 ára sunu he'i vaekue, ha ani remoĩ kuatiáre.”

Ñanderuete Ñe’ẽ Porã 2015

⁴ Oñe’ẽ rire umi 7 arasunu che ahaise iñe’ẽnguéra peteĩ kuatiañe’ẽme, upérõ ahendu peteĩ oñe’ẽva yvágagui ha he’íva chéve: Ani reikuaauka avavépe umi arasunu he’iva’ekue, eñongatu porã uvei ha anítei rehai peteĩ kuatiañe’ẽme.

Apocalípsis 10:4 Referencias Cruzadas

Apocalípsis 1:11

ha he'íva: --Che ha'e Alfa ha Omega, he'iséva pe iñepyrũha ha ipaha. Emoĩ peteĩ kuatiañe'ẽme pe rehecháva, ha erahauka umi siete iglésia Asia peguápe: Efésope, Esmírnape, Pérgamope, Tiatírape, Sárdispe, Filadélfiape ha Laodicéape.

Apocalípsis 1:19

Emoĩ aipóramo, kuatia rehe umi mba'e rehecha va'ekue, umi ko'ãgagua, ha umi uperire oikótava.

Apocalípsis 10:8

Ha pe ñe'ẽ ahendu va'ekue yvágagui oñe'ẽ jevy chéve ha he'i: --Tereho, ejapyhy pe kuatiañe'ẽ'imí ojepe'áva hína, oguerekóva ipópe pe ángel oñembo'ýva pe mar ha yvy ári.

Apocalípsis 22:10

He'i avei chéve: --Ani reroñemi pe Tupã Ñandejára ñe'ẽ ko kuatia ñe'ẽme oĩva, hi'aguĩma rehe ko'ã mba'e oiko haguã ára.