Apocalípsis 1:9 - Ñandeyara Ñe'ẽ

⁹ Che, Juan, pene hermano ha pene irũ pe Jesucristo jehasa asýpe, ha pe iréinope ha pe hayhupápe jaropu'akávape, aime va'ekue preso pe isla Patmos héravape, añemoñe'ẽ hague rehe Tupã Ñandejára ñe'ẽ rehe ha amoherakuã hague rehe Jesucrístope.

Tûpâ Ñandeyára 1913

⁹ Che Juan pende reŷicuérava, ja pene îrû co yajasa asyjá rupi, ja co ñañembo tuvichajá rupi ja co yaropuaca yarokîrîrîjáme Jesu rejejápe, Che aime vaecue pe tetâ jérava Patmos pe ŷ guasu mbytepe oivape aime iñapityjápe Tûpâ Ñandeyára Ñeê rejejápe ja Jesu remimboecue rejejápe.

Ñandejára Ñe’ẽ

⁹ Che, Juan, pene pehẽngue, ha ajoaju rupi Jesús rehe, areko che renda pene ndive Tupã oisãmbyhyhápe, jaropu'aka haguére opaichagua jehasa asy. Amyasãi haguére Tupã marandu, ombyajéva Jesús, ajejuhu vaekue hína y mbyte pegua yvy hérava Pátmospe.

Ñandejara Ñe’ẽ ✟

⁹ Che, Juan, pene pehẽngue, ha ajoaju rupi Jesús rehe, areko che renda pene ndive Tupã oisãmbyhyhápe, jaropu'aka haguére opaichagua jehasa asy. Amyasãi haguére Tupã marandu, ombyajéva Jesús, ajejuhu vaekue hína y mbyte pegua yvy hérava Pátmospe.

Ñanderuete Ñe’ẽ Porã 2015

⁹ Che, Juan, che avei pene hermáno ha pene irũ umi jepy’ara’ã jahasáva Hesu Crísto ha hetãguasu rehehápe. Ko’ág̃a che aĩ préso pe ypaũ (ísla) Pátmospe, yguasu pa’ũme, ajeroviágui Hesu Crístore ha amyasãi haguére Hesu Crísto evangélio.

Apocalípsis 1:9 Referencias Cruzadas

Matéo 20:23

Ha ha'e he'i ichupe kuéra: --Añete pey'u vaerã pe che vásogui ha pejebautiza vaerã pe che bautísmope; pe peguapy haguã che akatúa terã che asu kotývo katu nda chéi ame'ẽ vaerã; oñeme'ẽ vaerã umi che Ru ombosako'i va'ekuépe.

Márcos 10:39

Ha ha'e kuéra he'i: --Ikatu. Ha Jesús he'i ichupe kuéra: --Pey'úta pe vaso che hay'úvagui, ha pe che bautísmogui pejebautizáta.

Juan 16:33

Ha'éko peẽme opa ko'ã mba'e pende py'aguapy haguã pejerovia rupi che rehe. Peẽ peiko asy vaerã ko yvy ári, opáichavo, ani pekyhyje, che che pu'aka va'ekue ko mundo rehe ha amoĩ va'ekue ko mundo che poguýpe.

Apostolkuéra 1:15

Umiha árape opu'ã Pedro Jesús remimbo'e kuéra apytépe, ha ciento veinte rupi umi oñembyaty va'ekue, ha he'i:

Apostolkuéra 14:22

Ha omombarete umi Jesús rehe ojerovia va'ekuépe, ha oñemoñe'ẽ ichupe kuéra opyta hatã haguã pe ijeroviápe, ha he'i ichupe kuéra jahasa asy heta raẽ va'erãha jaike mboyve Tupã Ñandejára réinope.

Romayguakuérape 8:17

Ha ta'ýra ramo, heredero avei. Tupã Ñandejára heredero ha heredero Cristo ete ndive voi, jahasa asy ramo Cristo ndive, uperire hendive ñañembotuicha haguã.

Romayguakuérape 8:25

Pe ñaha'arõva jahecha'ỹ ramo katu, ñaha'arõ vaerã tagẽ'ỹ reheve.

2 Corintoyguakuérape 1:7

Ha rojeroviaite niko pende rehe, roikuaágui pe pehasa asy háicha orendive pehupitýne haguã avei pe py'apytu'u Tupã Ñandejára ome'ẽva.

Filipoyguakuérape 1:7

Ha aha'arõhánte niko che upéichane haguã che mandu'a ramo pende rehe, pohayhúgui ha pehupity va'ekuégui chendive pe Tupã Ñandejára gracia, añe'ẽ haguã pe ñe'ẽ salvación añeteguáva rehe, taha'e aime jave preso cárcelpe terã añe'ẽ jave autoridad kuéra renondépe.

Filipoyguakuérape 4:14

Upéicharamo jepe peẽ pejapo porã che pytyvõ hague rehe che remikotevẽme.

2 Tesalonicayguakuérape 3:5

Ñandejára toikuaauka porãve peẽme pende py'apýpe pe Tupã Ñandejára mborayhu ha pe Cristo paciencia.

2 Timotéope 1:8

Ani retĩ remoherakuã haguã Ñandejára Jesucrístope ha ani che rerotĩ aime rehe preso hayhupápe. Ehasa asykuaa uvei pe evangelio rehehápe pe mbarete Tupã Ñandejára ome'ẽva ñandéve rupi.

hebreoyguakuerape 10:36

Tekotevẽ pene paciencia pejapo haguã pe Tupã Ñandejára rembipota, ikatu haguã pehupity pe ha'e he'i va'ekue ome'ẽtaha.

1 Pédro 5:1

Mbo'ehára kuéra pende apytépe oĩvape ajerure, che niko mbo'ehárante avei hendive kuéra, ha pe Cristo jehasa asy rechahare ha ahupity vaerã avei pe iglória ojehechauka ha'ára.

Apocalípsis 1:1

Ko'ã mba'e Tupã Ñandejára ohechauka va'ekue Jesucrístope, ha'e oikuaauka haguã hembiguái kuérape umi mba'e voi oiko vaerã. Jesucristo oikuaauka va'ekue ko'ã mba'e hembiguái Juánpe hi'ángel rupi,

Apocalípsis 1:2

ha Juan omombe'u opa umi mba'e ohecha va'ekue ha pe Tupã Ñandejára ñe'ẽ ha pe Jesucristo oikuaauka va'ekue ichupe.

Apocalípsis 1:4

Che, Juan, amoĩ ko'ã ñe'ẽ kuatia rehe umi siete iglésia oĩva Ásiape. Tupã Ñandejárape ha'éva, ha'e va'ekue voi, ha ou vaerã, ha umi siete espíritu oĩva itrono renondépe, ha Jesucristo, pe testigo fiel, mborayhu ha py'aguapy toĩ penendive. Jesucristo niko pe oikove jevy va'ekue tenonderã omanóva apytégui, yvy arigua mburuvicha guasu kuéra Ruvicha. Ha'e ñande rayhu ha ñane mopotĩ va'ekue ñande pecado kuéragui huguýpe,

Apocalípsis 1:6

ha ojapo ñande hegui rey ha pa'i, jaservi haguã Tupã Ñandejárape Túvape. Pe ñemomba'eguasu ha pe pu'aka ta imba'e tapia guarã. Amén.

Apocalípsis 11:7

Ha oñemoñe'ẽmbáma ramo katu pe monstruo ojupíva pe yvykua pypukúgui oñorairõta hendive kuéra, ha ipu'akáta hese kuéra ha ojukáta ichupe kuéra.

Apocalípsis 12:11

Ha ha'e kuéra ipu'aka va'ekue hese pe Ovecha Ra'y ruguy rupi ha pe ñe'ẽ hese omoherakuã va'ekue rupi, ha na hakate'ỹi va'ekue hekove kuéra rehe, tekotevẽta ramo jepe omano.

Apocalípsis 12:17

Upéva rehe, pe tejujagua ipochyetevéntema pe kuña rehe, ha oho oñorairõ umi iñemoñare kuéra opyta va'ekue ndive, umi iñe'ẽrendúva ndive Tupã Ñandejára rembiapoukapýpe ha ojeroviáva Jesucristo rehe.

Apocalípsis 13:10

Pe oporogueraháva preso ho'a vaerã avei preso; ha pe oporojukáva espádape, espádape avei ojejuka vaerã. Upéva rehe, umi Tupã Ñandejára mba'éva tekotevẽ paciencia ha ojerovia mbarete.

Apocalípsis 14:12

Upéva rehe, umi Tupã Ñandejára reheguáva, iñe'ẽrendúva hembiapoukapy kuérape ha Jesús rehe ojeroviáva, ipaciencia vaerã.

Apocalípsis 19:10

Ha che añesũ pe ángel renondépe aadora haguã ichupe, ha'e katu he'i chéve: --Aníke rejapo upéicha, che niko Tupã Ñandejára rembiguáinte avei nde ha ne hermano kuéra Jesús ñe'ẽ rehe ojeroviáva ndive. Eadora Tupã Ñandejárape. Umi Tupã Ñandejára rérape oñemoñe'ẽva niko oikuaauka pe Jesús ñe'ẽ.

Apocalípsis 20:4

Ha ahecha trono kuéra, ha umi oguapývape hi'ári kuéra oñeme'ẽ autoridad oporojuzga haguã. Ahecha avei umi oñeñakã'o va'ekue ánga kuéra omoherakuã hague rehe Jesús réra ha Tupã Ñandejára ñe'ẽ, umi oadora'ỹ va'ekue pe mónstruope terã ha'angápe, ha ndohejái va'ekue oñemoĩ pe monstruo marca isyva terã ipo rehe; ha oikove jevy, ha oreina Cristo ndive mil años.

Apocalípsis 3:10

Ha'e kuri, ndéve ne paciencia haguã ha upéicha rejapo. Upéva rehe añangarekóta nde rehe pe jehasa asy guasu árape oútava yvy ári, oipy'ara'ã haguã yvypóra kuérape.

Apocalípsis 6:9

Pe Ovecha Ra'y oipe'ávo pe cinco selloha, ahecha pe altarguýpe, umi ojejuka va'ekue ánga kuéra Tupã Ñandejára ñe'ẽ rehe, ha omoherakuã hague rehe pe ñe'ẽ.

Apocalípsis 7:14

Ha che ha'e ichupe: --Karai, nde niko reikuaa. Ha ha'e he'i chéve: --Ko'ãva niko umi ou va'ekue pe jehasa asy guasúgui, ha ojohéi va'ekue ijao kuéra ha omomorotĩ pe Ovecha Ra'y ruguýpe.