Apocalípsis 1:11 - Ñandeyara Ñe'ẽ

¹¹ ha he'íva: --Che ha'e Alfa ha Omega, he'iséva pe iñepyrũha ha ipaha. Emoĩ peteĩ kuatiañe'ẽme pe rehecháva, ha erahauka umi siete iglésia Asia peguápe: Efésope, Esmírnape, Pérgamope, Tiatírape, Sárdispe, Filadélfiape ha Laodicéape.

Tûpâ Ñandeyára 1913

¹¹ jeiva cheve: Upe nde rejecha vaerâ emoî jecope cuatiápe ja erajauca umi siete Iglesia rejeguape, pe Efeso peguape, pe Smirna peguape, ja pe Pergamo peguape, ja pe Tiatira peguape, ja pe Sardis peguape, ja pe Filadelfia peguape ja pe Laodicea peguape.

Ñandejára Ñe’ẽ

¹¹ he'íva chéve: “Emoĩ kuatiáre opa ha'éva ndéve, ha emondo umi 7 Jesucristo iglésia Asia peguápe: Éfeso, Esmirna, Pérgamo, Tiatira, Sardis, Filadelfia ha Laodicea.”

Ñandejara Ñe’ẽ ✟

¹¹ he'íva chéve: “Emoĩ kuatiáre opa ha'éva ndéve, ha emondo umi 7 Jesucristo iglésia Asia peguápe: Éfeso, Esmirna, Pérgamo, Tiatira, Sardis, Filadelfia ha Laodicea.”

Ñanderuete Ñe’ẽ Porã 2015

¹¹ he’íva: Che ha’e pe “a” ha pe “zéta”, he’iséva pe ñepyrũ ha pe paha, opaite mba’e rehecháva guive ehai peteĩ kuatiañe’ẽme ha eguerahauka umi 7 iglésiape, oĩva Efésope, Esmírnape, Pérgamope, Tiatírape, Sárdespe, Filadélfiape ha Laodicéape.

Apocalípsis 1:11 Referencias Cruzadas

Apostolkuéra 16:14

Peteĩ ha'e kuérava hérava Lidia, Tiatiraygua, oñemúva género pytãu iporã etereíva rehe. Upe kuña karai omomba'eguasúva Tupã Ñandejárape ohendu hína; ha Ñandejára oipe'a icorazõ oguerovia haguã pe Pablo he'íva hína.

Apostolkuéra 18:24

Upe jave oguahẽ Efésope peteĩ Israelita hérava Apolos, Alejandriaygua. Kuimba'e iñe'ẽkuaa ha iñarandúva Tupã Ñandejára Kuatiañe'ẽme.

Apostolkuéra 20:17

Oĩ jave Milétope, Pablo ohenoiuka pe iglésia Efeso pegua mbo'ehára kuérape,

1 Corintoyguakuérape 15:32

Ikatu ha'e añorairõ hague Efésope tymba pochy ndiveicha, ha ¿piko mba'e anohẽ upévagui? Omanóva oikove jevy'ỹ ramo, “jakaru ha jaka'u, ko'ẽramoite ñamanóne.”

1 Corintoyguakuérape 16:8

Efésope katu apytáta pentecostés arete peve,

Efesoyguakuérape 1:1

Che, Pablo, Jesucristo apóstol Tupã Ñandejára rembipota rupi, ajapo ko kuatiañe'ẽ umi Efeso ciudádpe oĩva peguarã, umi Tupã Ñandejára mba'éva ha ojeroviáva Jesucristo rehe.

Colosayguakuérape 2:1

Aipota peikuaa ajepy'apy etereiha pende rehe, ha umi oĩva rehe Laodicéape, ha opa umi che kuaa'ỹva gueteri rehe.

1 Timotéope 1:3

Aha mboyve Macedonia kotyo, ajerure va'ekue ndéve repyta haguã Efeso ciudádpe, ere haguã umi oporombo'évape mbo'epy jejavy rehe anive haguã ojapo upéicha,

Apocalípsis 1:17

Ahechávo ichupe, ha'a ipy renondépe omanóvaicha, ha'e katu omoĩ che ári pe ipo akatúa, ha he'i chéve: --Ani rekyhyje; che ha'e pe iñepyrũha ha pe ipaha,

Apocalípsis 1:19

Emoĩ aipóramo, kuatia rehe umi mba'e rehecha va'ekue, umi ko'ãgagua, ha umi uperire oikótava.

Apocalípsis 1:2

ha Juan omombe'u opa umi mba'e ohecha va'ekue ha pe Tupã Ñandejára ñe'ẽ ha pe Jesucristo oikuaauka va'ekue ichupe.

Apocalípsis 1:20

Kóva niko hína pe secreto umi siete estrellas rehecha va'ekue che po akatúape ha umi siete candelero oroguigua rehegua: umi siete estrellas niko he'ise umi siete iglésia pegua rembijokuái kuéra, ha umi siete candelero katu he'ise umi siete iglésia kuéra.

Apocalípsis 1:4

Che, Juan, amoĩ ko'ã ñe'ẽ kuatia rehe umi siete iglésia oĩva Ásiape. Tupã Ñandejárape ha'éva, ha'e va'ekue voi, ha ou vaerã, ha umi siete espíritu oĩva itrono renondépe, ha Jesucristo, pe testigo fiel, mborayhu ha py'aguapy toĩ penendive. Jesucristo niko pe oikove jevy va'ekue tenonderã omanóva apytégui, yvy arigua mburuvicha guasu kuéra Ruvicha. Ha'e ñande rayhu ha ñane mopotĩ va'ekue ñande pecado kuéragui huguýpe,

Apocalípsis 1:8

“Che ha'e pe Alfa ha Omega he'iséva pe iñepyrũha ha pe ipaha”, he'i Ñandejára, pe ipu'akapáva, pe ha'éva, ha'e va'ekue voi ha ou vaerã.

Apocalípsis 10:4

Ha oñe'ẽ rire umi siete arasunu, che amoĩ mo'ã umi mba'e kuatia rehe ha ahendu peteĩ ñe'ẽ yvágagui he'íva chéve: --Aníke reikuaauka pe he'i va'ekue umi siete arasunu ha ani remoĩ kuatia rehe.

Apocalípsis 14:13

Ha ahendu peteĩ ñe'ẽ yvágagui he'íva: --Emoĩ kuatia rehe: “Ovy'a vaerã umi ko'águi rire omanóva, Ñandejára Jesucristo rehe ojeroviáva.” He'ẽ, upéicha he'i pe Espíritu Santo, opytu'u vaerã hembiapo kuéragui, ha hembiapo kuerakue omoirũ vaerã ichupe kuéra.

Apocalípsis 19:9

Ha pe ángel he'i chéve: --Emoĩ kuatia rehe: “Ovy'a vaerã umi oñeconvidáva pe Ovecha Ra'y mendaha arete peguarã.” Ha he'i chéve: --Ko'ãva ha'e Tupã Ñandejára ñe'ẽ añetetegua.

Apocalípsis 2:1

Emoĩ ñe'ẽ kuatia rehe pe iglésia Efésope oĩva rembijokuái peguarã: “Péicha he'i pe oguerekóva umi siete estrellas ipo akatúape, ha oikóva umi siete candelero oroguigua mbyte rupi:

Apocalípsis 2:12

Emoĩ ñe'ẽ kuatia rehe pe iglésia Pérgamope oĩva rembijokuái peguarã: “Péicha he'i pe oguerekóva pe espada akua haimbe jováiva:

Apocalípsis 2:18

Emoĩ ñe'ẽ kuatia rehe pe iglésia Tiatírape oĩva rembijokuái peguarã: “Péicha he'i pe Tupã Ñandejára Ra'y, pe hesa tata rendýichava ha ipy bronce overávaicha:

Apocalípsis 2:24

Ha ambue peẽ kuérava peimévape Tiatírape, pereko'ỹva upe mbo'epy upéva ha peikuaa'ỹ va'ekue umi ha'e kuéra ombohérava Satanás mba'e ypytũ, ha'e peẽme: namoĩ mo'ãveimaha pende ári mba'e pohýi ambue.

Apocalípsis 2:8

Emoĩ ñe'ẽ kuatia rehe pe iglésia Esmírnape oĩva rembijokuái peguarã: “Péicha he'i pe iñepyrũha ha pe ipaha, pe omano ha oikove jevy va'ekue:

Apocalípsis 21:5

Upéramo pe trónope oguapy va'ekue hína he'i: --Péina che ambopyahupa opa mba'e. He'i avei: --Emoĩ kuatia rehe, añete rehe ko'ã ñe'ẽ ha ikatu rehe jajerovia hese kuéra.

Apocalípsis 22:10

He'i avei chéve: --Ani reroñemi pe Tupã Ñandejára ñe'ẽ ko kuatia ñe'ẽme oĩva, hi'aguĩma rehe ko'ã mba'e oiko haguã ára.

Apocalípsis 22:16

--Che, Jesús, amondo va'ekue che ángel aikuaauka haguã opa ko'ã mba'e umi iglésia kuérape. Che ha'e pe rey David ypykue ha pe iñemoñare, ha che ha'e avei pe estrella omimbíva ko'ẽjúvo.

Apocalípsis 3:1

Emoĩ ñe'ẽ kuatia rehe pe iglésia Sárdispe oĩva rembijokuái peguarã: “Péicha he'i pe oguerekóva umi siete Tupã Ñandejára espíritu ha umi siete estrellas: Che aikuaa ne rembiapokue, ha aikuaa remanoha ne rerakuã ramo jepe reikoveha.

Apocalípsis 3:14

Emoĩ ñe'ẽ kuatia rehe pe iglésia Laodicéape oĩva rembijokuái peguarã: “Péicha he'i pe Añetetéva, pe testigo fiel iñe'ẽ añetéva, opa umi mba'e Tupã Ñandejára ojapo va'ekue ñepyrũhare:

Apocalípsis 3:4

Opáichavo, rereko Sárdispe mbovymi omongy'a'ỹ va'ekue ijao, ha umíva oiko vaerã chendive ao morotĩ reheve, upéicha omerecégui.

Apocalípsis 3:7

Emoĩ ñe'ẽ kuatia rehe pe iglésia Filadélfiape oĩva rembijokuái peguarã: “Péicha he'i pe Imarangatuetéva, pe Añetetéva, pe rey David llave oguerekóva, pe oipe'áva ha avave ikatu'ỹva omboty, ha omboty ramo avave ndaikatúi oipe'a.