2 Pédro 3:10 - Ñandeyara Ñe'ẽ

¹⁰ Pe Ñandejára ou haguã ára katu oguahẽ vaerã ku oñeha'arõ'ỹve jave, mondaha ou háicha pyhare, upe ha'árape pe yvága oñehundi vaerã tyapu sununu guasúpe, ha opa mba'e oĩva hendypa vaerã, ha yvy okaipa vaerã opa ipype oĩva reheve.

Tûpâ Ñandeyára 1913

¹⁰ Ñandeyára ára ou vaerâ peteî mondajaicha, ja uperamo yvaga ocañŷne sunu guasúpe, ja opambae oiva ybyari jycupáne upe jacueté gui, ja co yby ja opa ybypóra rembiapocue oiva ocáipáiténe.

Ñandejára Ñe’ẽ

¹⁰ Jesucristo ou jeyha ára niko oguahẽta ku mondaháicha, avave oimo'ã'ỹhágui. Upévo, sununu guasúpe yvága oñehundíta ha opa mba'e yvágape oĩva tatápe okaipáta. Yvy ha opa mba'e ipype oĩva ikusuguéta.

Ñandejara Ñe’ẽ ✟

¹⁰ Jesucristo ou jeyha ára niko oguahẽta ku mondaháicha, avave oimo'ã'ỹhágui. Upévo, sununu guasúpe yvága oñehundíta ha opa mba'e yvágape oĩva tatápe okaipáta. Yvy ha opa mba'e ipype oĩva ikusuguéta.

Ñanderuete Ñe’ẽ Porã 2015

¹⁰ Hesu Crísto ára og̃uahẽta ku mondaháicha, ha upe ára upévape yvagakuéra ohasapáta tyapu sununu ryapu ndetuichaitévape, ha umi mba’e imichĩetevéva (eleméntos) jepe oñehundiva’erã tata rendýpe ha opaite mba’e oĩva guive ko múndope okaipava’erã.

2 Pédro 3:10 Referencias Cruzadas

Matéo 24:35

Yvága ha yvy opa vaerã, che ñe'ẽ katu tapia guarã.

Márcos 13:31

Yvy ha yvága ohasa vaerã, che ñe'ẽ katu ndohasa va'erãi.

Lúcas 12:39

Peikuaáke kóva: Pe óga jára oikuaa rire araka'épa oúta pe mondaha ndokéi vaerã mo'ã ha ndohejái vaerã mo'ã oñembokua ichugui hóga oñemonda haguã.

Romayguakuérape 8:20

Umi mba'e Tupã Ñandejára ojapo va'ekue opyta mba'everã, ndaha'éi ha'e kuéra oipotágui upéicha, Tupã Ñandejára rembiapoukapy rupínte; tapia oĩ ramo jepe esperanza,

1 Corintoyguakuérape 1:8

Ha'e pene mombarete vaerã ipaha peve, ani haguã oĩ pende rehe mba'eve hekope'ỹgua Ñandejára Jesucristo ou ha'ára.

1 Corintoyguakuérape 5:5

pe hembiapo vai va'ekue toñeme'ẽ Satanáspe oñembyai haguã ho'ópe ha tojesalva hi'ánga Ñandejára Jesucristo ou ha'ára.

2 Corintoyguakuérape 1:14

peikuaáma háicha, peikuaapa'ỹ ramo jepe gueteri Ñandejára Jesús ouha ára peẽ ore rerovy'a va'erãha, pe ore rovy'a vaerã háicha pende rehe.

1 Tesalonicayguakuérape 5:2

Peẽ niko peikuaa porãma pe Ñandejára ou haguã ára oguahẽtaha mondaha oguahẽ háicha pyhare,

1 Tesalonicayguakuérape 5:4

Peẽ katu che ryvy kuéra, napeiméi pytũnguýpe upe ára oguahẽ haguã peẽme mondaháicha peha'arõ'ỹhágui.

2 Pédro 3:11

Opa mba'e opa vaerã rehe upéicha, ¡marangatuetépe ha kyhyjepópe peẽ peiko vaerã!

2 Pédro 3:12

Peha'arõ ha peipotákena pende py'aite guive toguahẽ upe Tupã Ñandejára ára. Upe ha'árape yvága oñehundi vaerã tatápe ha opa oĩva hykupa vaerã tata rendýpe,

2 Pédro 3:7

Pe yvága ha yvy ko'ãgagua katu opyta tata peguarã, Tupã Ñandejára ñe'ẽ rupi. Upe tata ohapypa vaerã yvága ha yvy juicio árape, tekovevai kuéra oñehundi haguã árape.

Júdas 1:6

Ha umi ángel kuéra oiko'ỹ va'ekuépe heko ypykuépe ha oheja hóga kuéra yvága pegua, Tupã Ñandejára oguereko preso ñeñapytĩháme tapia guarã pytũnguýpe pe juicio ára guasu ete peguarã.

Apocalípsis 16:15

“Upeha árape che aju vaerã monda háicha. Ovy'a vaerã upe che ra'arõva ha oñangarekóva ijao rehe, ani haguã ojejuhu opívo ha ojehecha pe oguerotĩva.”

Apocalípsis 20:11

Ha ahecha peteĩ trono morotĩ guasu, ha pe oguapy va'ekuépe hína upépe, ha pe yvy ha pe yvága okañy henondégui ha ndojejuhuvéi hendague kuéra.

Apocalípsis 21:1

Upéi ahecha peteĩ yvága pyahu ha peteĩ yvy pyahu: pe yvága ha pe yvy tenonderã guare ndaiporivéima, ha ndaiporivéima avei pe mar.

Apocalípsis 3:3

Ne mandu'áke, aipóramo, umi mba'e oñeme'ẽ va'ekue ndéve ha rehendu va'ekue rehe; ha eñearrepenti ha ejapo. Repay'ỹ ramo katu, aháta ndéve ku mondaháicha, reha'arõ'ỹve jave.

Apocalípsis 6:14

Pe yvága ojei hendágui ku kuatia oñembyapakua háicha, ha umi cerro ha isla kuéra oĩ haguéicha ojepe'apa hendágui kuéra.