2 Pédro 2:2 - Ñandeyara Ñe'ẽ

² Heta oĩ vaerã omoirũva ichupe kuéra pe hekovekue ky'ápe ha upéva rehe oñeñe'ẽ vai vaerã pe evangelio rape añetéva rehe.

Tûpâ Ñandeyára 1913

² Ja jeta oimene umi oico vaerâ jeco cuera rupi itieŷjápe, ja jaecuera rupi avei pe teco marangatu jaetéva oñereroŷrône,

Ñandejára Ñe’ẽ

² Heta oĩta heko ky'áva ha'e kuéra heko ky'aháicha, ha upévare oñeñe'ẽ vai vaerã upe tape añeteguáre.

Ñandejara Ñe’ẽ ✟

² Heta oĩta heko ky'áva ha'e kuéra heko ky'aháicha, ha upévare oñeñe'ẽ vai vaerã upe tape añeteguáre.

Ñanderuete Ñe’ẽ Porã 2015

² Ha heta omoirũtava ichupekuéra hekombo’e vaípe, ha hesekuéra oñeñe’ẽvaíta pe añetegua rape rehe (Evangélio rehe).

2 Pédro 2:2 Referencias Cruzadas

Matéo 22:16

Ha omondo hikuái hendápe umi fariseo remimbo'éva ha Herodes partido reheguávape, he'i haguã Jesúspe: --Mbo'ehára, roikuaa niko nde ereha pe añetéva ha reporombo'eha hekopete Ñandejára rape rehe, repena'ỹ rehe yvypóra kuéra he'íva rehe, nderejuzgáigui yvypóra kuérape ojehechauka háicha rehe.

Matéo 24:24

Heta ou va'erãgui he'íva ojehe ha'eha pe Cristo ha Tupã Ñandejára remimbouha; ha ojapo vaerã mba'eguasu ha techapyrã ombotavy haguã ikatu ramo umi Tupã Ñandejára rembiporavo pyrépe jepe.

Matéo 7:14

Pe okẽ ohóvape pe tekove ha'etévape katu ipychi'i, ha pe tape ipy'i, ha mbovy umi ojuhúva upe okẽ.

Márcos 12:14

Ou hikuái ha he'i ichupe: --Maestro, roikuaa niko ne ñe'ẽ añeteha ha nde rekyhyjeiha avavégui, ha ne rema'ẽiha yvypóra rembiechauka rehe, añete háichante uvei reporombo'e Tupã Ñandejára rape rehe: ¿Ikatúpa oñeme'ẽ impuesto Césarpe, terãpa ahániri? ¿Rome'ẽ va'erãpa, terãpa ahániri?

Márcos 13:22

Opu'ã vaerã tekove japu he'íva ojehe ha'eha pe Cristo, ha ñemoñe'ẽhára japu ojapóva mba'eguasu ha techapyrã oporombotavy haguã ikatu ramo umi jeporavopyrépe jepe.

Juan 14:6

Jesús he'i ichupe: --Che ha'e pe tape, ha che ha'e pe añete ha che ha'e avei pe tekovete. Che rupi mante ikatu oñeguahẽ che Ru rendápe.

Apostolkuéra 13:10

ha he'i ichupe: --¡Nde tekove japu, tie'ỹ, Aña ra'y nda'e'ỹva mba'eveichagua iporãva rehe! ¿Mba'e rehepa remokarẽse pe Ñandejára rape ikarẽ'ỹva?

Apostolkuéra 14:2

Umi Israelita oguerovia'ỹ va'ekue katu ombopochy umi tetã ambuegua kuérape umi oguerovia va'ekue rehe.

Apostolkuéra 16:17

Upe mitãkuña ou ore rapykuéri ha osapukái: --Ko'ã kuimba'e kuéra ko Tupã Ñandejára Yvateteguápe rembiguái, ha oikuaauka peẽme salvación rape.

Apostolkuéra 18:26

Apolos oñemoĩ oñe'ẽ kyhyje'ỹre pe sinagógape; Priscila ha Aquila katu ohendu rire ichupe omoha'eño ha omombe'u porãve ichupe pe Tupã Ñandejára rape.

Apostolkuéra 19:9

Upéicharamo jepe oĩ oñembopy'a hatãva ha ndogueroviaséiva, oñe'ẽ vai uvei pe evangelio rehe umi gente rovake. Upémaramo Pablo osẽ oho ijapytégui kuéra ha ogueraha umi ogueroviávape oporombo'ehápe peteĩ karai hérava Tiranno, ha opa árape oñemoñe'ẽ upépe.

Apostolkuéra 22:4

Yma che apersegui va'ekue evangelio rehegua kuérape ajuka peve, ha araha va'ekue preso kuimba'e ha kuña kuéra amoinge haguã cárcelpe.

Apostolkuéra 24:14

Kóva katu areko, ha'e vaerã, che ru kuéra Tupã rembiguaiha che, upe tape pyahu ha'e kuéra ombohéravape jerovia hekope'ỹguaha, aroviaha opa umi mba'e oĩva Ñandejára ley ha ñemoñe'ẽhára kuéra kuatiañe'ẽme.

Romayguakuérape 2:24

He'i háicha Tupã Ñandejára Kuatiañe'ẽ: “Umi Israelita'ỹva oñe'ẽ vai Tupã Ñandejára réra rehe peẽ rupi.”

1 Timotéope 5:14

Upéva rehe umi viuda imitãva tomenda, ta imemby, ha toñangarekokuaa hóga rehe, ani haguã pe ija'e'ỹva oguereko oñe'ẽ vai haguã.

Títope 2:5

tojererekokuaa, ta hekopotĩ, ta hóga vy'a, ta ipy'aporã ha toiko iména ñe'ẽme, ani haguã avave oguereko oñe'ẽ vai haguã Tupã Ñandejára ñe'ẽ rehe.

Títope 2:8

ha ne ñe'ẽ ta iporã ikatu'ỹ haguã avave ombovai. Upéicharamo otĩ vaerã oimeraẽva oñemoĩva pende rehe ha ndaikatúi vaerã he'i mba'eve ivaíva pende rehe.

1 Pédro 2:12

Peikokuaákena umi Tupã Ñandejárape oikuaa'ỹva apytépe. Upéicharamo ha'e kuéra, ko'ãga oñe'ẽ ramo jepe pende rehe mba'e vai apoha rehe ramo guáicha, ohechakuaa vaerã pe pene rembiapo porãngue ha omomba'eguasu vaerã Tupã Ñandejárape ha'e ou ha'ára.

2 Pédro 2:12

Ko'ãva katu umi tymba tavýicha okakuaáva ojejura ha ojejuka haguã, oñe'ẽ vai umi mba'e oikuaa'ỹva rehe, oñehundipa vaerã hembiapo vaikue rehe,

2 Pédro 2:15

Oheja va'ekue pe tape porã, opia ichugui ojapo haguã pe Balaam Beor ra'y rembiapo, ohayhu va'ekue pe tembiapo vai repy

2 Pédro 2:18

iñe'ẽ jererovu ha iñe'ẽ rei ha tekovai ha yvypóra rembipota ky'a rupi ombotavy umi ojei ramóvape ohóvo umi jejavýpe oikóva apytégui.

2 Pédro 2:21

Iporãve vaerã mo'ã ichupe kuéra oikuaa'ỹ rire pe teko marangatu rape, ha ani oikuaa rire ojevy pe tembiapoukapy marangatu oñeme'ẽ va'ekue ichupe kuéragui.

2 Pédro 2:7

Lot marangatúpe katu oguenohẽ ijapytégui kuéra, jepy'apyetépe oiko va'ekue umi tekovevai rekovai rehe.

Júdas 1:10

Ko'ã kuimba'e ko'ãva katu oñe'ẽ vai umi mba'e ha'e kuéra oikuaa'ỹva rehe, ha umi mba'e ojehegui voínte oikuaáva, umi animal jepe oikuaa háicha, umi mba'e umíva rapykuéri oñehundi.

Júdas 1:15

ojuzga haguã opavavépe ha ocondena haguã umi tekove vai kuérape opa umi hembiapo vai kuerakue rehe ojapo va'ekue tie'ỹpópe, ha opa umi ñe'ẽ pohýi he'i va'ekue rehe Ñandejára rehe.”

Júdas 1:4

Oimégui oike ensuguy va'ekue pende apytépe, umíva rehe pe Tupã Ñandejára Kuatiañe'ẽme oikóma va'ekue voi mandu'a ymaite guive condenacionrã. Tekove vai, oiporúva pe Tupã Ñandejára py'aporã omo'ã haguã pe hekove kuéra ky'a, ha onega Ñandejára Jesucrístope, ñande ruvicha peteĩnteva.

Júdas 1:7

Sodoma ha Gomorra ha umi ciudad kuéra ijerekuévo oĩ va'ekue heko vai va'ekue avei ko'ã kuimba'e ko'ãvaicha, ha oiko va'ekue opaichagua tekoky'a rapykuéri, ha ho'a hi'ári kuéra tata opa'ỹ vaerã ha oñemoĩ techaukarã opavavépe.

Apocalípsis 12:9

Ha oñemosẽ yvágagui pe tejujagua guasu, upe mbói ymaiteguare hérava Aña ha Satanás, pe ombotavýva opa yvypóra kuérape. Ha'e ha hi'ángel kuéra oñemombo yvy ári.

Apocalípsis 13:14

Ha umi techaukapyrã rupi ojapóva pe monstruo tenondere renondépe, ombotavy umi yvypóra kuérape ha he'i ichupe kuéra ojapo haguã pe monstruo ra'anga, upe oñekytĩ va'ekue espádape, ha upéicharamo jepe nomanói.

Apocalípsis 13:8

Upe mónstruope oadora yvypóra kuéra oĩ haguéicha, héra kuéra oĩ'ỹva pe kuatiañe'ẽ tekovete reheguápe ko mundo oiko ñepyrũ ramo guare guive, pe Ovecha Ra'y omano va'ekue oguerekóva.