2 Pédro 1:8 - Ñandeyara Ñe'ẽ

⁸ Peẽ pereko ramo ko'ã mba'e ha heta hetave ramo pende pype na pende reko reivéima vaerã ha ndapeikuaa rei mo'ãi Ñandejára Jesucrístope.

Tûpâ Ñandeyára 1913

⁸ Upeicharamo pende reco pôrâ ramo upeicha, ja ipôrâ oyoa yoave ramo peêcuera peicone na iñateîvaichai, ja nda tecove rei rei vaichai ja pejupityne peicuaa pôrâ meve jecope Ñandeyára Jesu Cristope.

Ñandejára Ñe’ẽ

⁸ Peẽ perekopa ramo ko'ã mba'e ha péicha peiko ramo, ndapeiko rei mo'ãi ha Ñandejára Jesucrístope ndapeikuaa rei mo'ãi.

Ñandejara Ñe’ẽ ✟

⁸ Peẽ perekopa ramo ko'ã mba'e ha péicha peiko ramo, ndapeiko rei mo'ãi ha Ñandejára Jesucrístope ndapeikuaa rei mo'ãi.

Ñanderuete Ñe’ẽ Porã 2015

⁸ Ko’ã mba’e ko’ãva oĩ ramo pendepype ha okakuaave ramo ohóvo pende rekovépe, peẽ ndapeiko reimo’ãi ha ndapeikuaa reimo’ãi Hesu Crístope, ha pende rekovépe hi’áta katuete pe Pytu Porãmbáva yva.

2 Pédro 1:8 Referencias Cruzadas

Matéo 13:22

Pe mba'e ra'ỹi oñeñotỹ va'ekue ñuatĩndýpe, upéva hína umi ohendúva pe ñe'ẽ, ha opáichavo ojepy'apy etereíva mba'e yvy arigua rehe ha mba'eta rerekose ombotavy ichupe kuéra. Ko'ã mba'e ombopytupa pe ñe'ẽ ikatu'ỹ haguã hi'a porã ipype kuéra.

Matéo 20:3

Upéi osẽ jevy upe pyharevépe las nueve rupi ha ohecha ambue kuérape oĩ reíva hína plázape.

Matéo 20:6

Ha ka'aru pe las cinco rupi, osẽ oho jevy upe plázape ha ojuhu jevy upépe oĩvape ojapo'ỹ rehe mba'eve, ha he'i ichupe kuéra: “¿Mba'érehe piko peẽ peime rei peína ko'ápe ára pukukue pemba'apo'ỹ rehe?”

Matéo 25:26

Upérõ pe karai he'i ichupe: “Tembiguái ñaña, ate'ỹ, reikuaa ra'e amono'õha añemitỹ'ỹ haguégui, ha ambyatyha amuasãi'ỹ haguégui.

Juan 15:2

Ha'e oikytĩ oimeraẽva che rakã kuéra hi'a'ỹva, umi hakã hi'áva katu ohakã'o ha omopotĩ hi'a porãve haguã.

Juan 17:3

Kóva niko ha'e pe tekove tapia guarã, ta nde kuaa hikuái ndéve nde añoiteha Tupã Ñandejára añetegua, ha toikuaa Jesucrístope, pe nde rembou va'ekue.

Juan 5:42

Ha upéi avei poikuaa peẽme ha aikuaa ndapehayhuiha Tupã Ñandejárape.

Romayguakuérape 12:11

Peñeha'ãkena, ani pene ate'ỹ, ha pejehu Ñandejárape kyre'ỹ pópe.

1 Corintoyguakuérape 15:58

Upéva rehe, che ryvy kuéra pohayhuetéva, pepyta hatãkena, pemyi'ỹ rehe, ha pemba'apo tapiaite kyre'ỹ reheveke Ñandejára rembiapópe; peikuaa pype pe pene rembiapo Ñandejára peguarã nda reiriha.

2 Corintoyguakuérape 13:5

Pejepy'amongetána pende jupe voi, jahecha peime hatãpa pe pende jeroviápe, pejepy'amongetána pende jupe. ¿Ndapejekuaái piko pende jupe voi Jesucristo oiha pende pype, ndaha'éi ramo pejerovia gua'únteva?

2 Corintoyguakuérape 8:2

Mba'éichapa ohasa asyve ramo jepe ovy'a, ha iporiahuve ramo jepe ome'ẽ takate'ỹ'ỹ rehe.

2 Corintoyguakuérape 8:7

Ha opa mba'épe pene tenonde háicha: jeroviápe, ñe'ẽkuaápe, arandúpe, kyre'ỹme, mborayhúpe oréve guarã, ta upéicha avei ko mborayhu rembiapópe.

2 Corintoyguakuérape 9:14

Ha ha'e kuéra oñembo'e vaerã pende rehe, ko pende rayhúva, pe Tupã Ñandejára gracia etaite pende pype oĩva rehe.

Filipoyguakuérape 1:9

Ha ajerure che ñembo'épe pene mborayhu rayhuve haguã ha ta pene arandu aranduve avei pehóvo,

Filipoyguakuérape 2:5

Perekókena pende py'apýpe pe voi Cristo Jesús py'apýpe oĩ va'ekue.

Filipoyguakuérape 3:8

Ha oimeraẽva mba'e ikatu vaerã mo'ãva che areko, ndajapói mba'evete ramo, ambojojáta ramo pe tuichaite mba'e ajúva rehe aikuaa Cristo Jesús che Jaraha. Cristo rayhupápe ahejapa opa umi mba'e ha areko yty ramo, che mba'e guive Crístonte,

Colosayguakuérape 1:10

Rojeruréva ikatu haguã peẽ peiko umi Ñandejára mba'éva oiko vaerã háicha, ha pejapo tapia haguã upe ichupe ombovy'áva, ta pene rembiapo porã heta hetave ha ta peikuaa porãve Tupã Ñandejárape.

Colosayguakuérape 2:7

pereko vaerã pe pende rekove rapo kuéra ipype ha peime hatã vaerã ipype pende jerovia rupi, upéicha peñembo'e va'ekue. Peme'ẽ tapiákena las gracias Tupã Ñandejárape.

Colosayguakuérape 3:16

Pe Cristo ñe'ẽ toĩ tapia pende py'apýpe opa imba'eta reheve. Peñohekombo'e ha peñomokyre'ỹ opa arandúpe. Pepurahéi salmo, himno, ha ñembo'e purahéi, peme'ẽvo las gracias Tupã Ñandejárape pende py'apýpe.

1 Tesalonicayguakuérape 3:12

Ha Ñandejára ta pene mbojoayhu hayhuve oñondive kuéra, ha opavave ndive guarã, pe ore pohayhu háicha peẽme.

1 Tesalonicayguakuérape 4:1

Che ryvy kuéra, ro'e ha rojerure peẽme Ñandejára Jesucristo rérape: upe ore pombo'e haguéicha mba'éichapa peiko ha pembohory vaerã Tupã Ñandejárape, upe pejapo háicha; opáichavo rojerure peẽme ta pejapo japove upéicha.

2 Tesalonicayguakuérape 1:3

Che ryvy kuéra, rome'ẽ tapia vaerã las gracias Tupã Ñandejárape pende rehe ija háicha, pe pende jerovia okakuaágui ha pe mborayhu perekóva ojupe kuéra tuicha tuichavégui ohóvo.

1 Timotéope 5:13

Hi'ariete oñembohekorei ha oiko ova ova óga ajeno rupi, ha nda upéva añói, ijurumby'ỹi, ha ojasuru pe ichupe ou terã oho'ỹvape ha oiko he'i he'i'ỹ vaerã.

Títope 3:14

Ha umi ñande rehegua kuéra toñemohembiapokuaa iporãvarãme ha toporopytyvõ tekotevẽhápe hembiapokue jekuaa haguã.

Filemónpe 1:6

Ajerure Tupã Ñandejárape, umi nde rupi ogueroviáva toikuaa porãve umi mba'e porãita jarekóva Cristo Jesús rupi.

hebreoyguakuerape 6:12

Ndoroipotái niko peñemoate'ỹ, ta peiko uvei oiko haguéicha umi ojerovia ha ipaciencia rupi ohupity va'ekue umi mba'e Tupã Ñandejára he'i va'ekue ome'ẽtaha.

2 Pédro 1:2

Ta pene renyhẽ jehovasa ha py'aguapýgui peikuaa rupi Tupã Ñandejára ha Ñandejára Jesucrístope.

2 Pédro 1:3

Tupã Ñandejára ome'ẽ va'ekue ñandéve, ipu'aka rupi opa ñane remirekotevẽrãva jaikove ha jahayhu haguã ichupe, jaikuaávo upe ñane renói va'ekuépe iglória ha milagro kuéra ojapo va'ekue ipu'aka rupi.

2 Pédro 2:20

Ha'e kuéra niko oikuaa va'ekue Ñandejára ñande Salvador Jesucrístope, ha ojei va'ekue pe yvypóra kuéra rekoky'águi, ha uperire oñemboapañuãi jevy ramo umi mba'épe ha nda ipu'akavéi ramo pe heko paha ivaive pe oñepyrũ ramo guarégui.

2 Pédro 3:18

Ta peikuaa porãve uvei ñande Salvador Ñandejára Jesucrístope ha ta pekakuaa imborayhúpe. ¡Ta ñamomba'eguasu ichupe ko'ãga ha tapiaite! Amén.