2 Pédro 1:6 - Ñandeyara Ñe'ẽ

⁶ pe pende rekokuaa jejokokuaa ndive, pe pende jejokokuaa paciencia ndive, pe paciencia mborayhu Tupã Ñandejárape ndive,

Tûpâ Ñandeyára 1913

⁶ ja pene arandu yaveve ta pene âcâguapy, ja pene âcâguapy yaveve ta peropuaca kîrîrîjáme, ja perokîrîrî yaveve ta pembuete jecope Ñandeyárape,

Ñandejára Ñe’ẽ

⁶ Arandu reheve peñeha'ã vaerã pene akã guapy, akã guapy reheve peñeha'ã vaerã ani haguã pende pochy rei, ha upéva ári peñeha'ã vaerã peiko Tupã oipotaháicha.

Ñandejara Ñe’ẽ ✟

⁶ Arandu reheve peñeha'ã vaerã pene akã guapy, akã guapy reheve peñeha'ã vaerã ani haguã pende pochy rei, ha upéva ári peñeha'ã vaerã peiko Tupã oipotaháicha.

Ñanderuete Ñe’ẽ Porã 2015

⁶ pende kuaapy arandu rehe jejokokuaa, pende jejokokuaa rehe paciéncia, penepaciéncia rehe ñemomirĩ (jejapo’i),

2 Pédro 1:6 Referencias Cruzadas

Lúcas 21:19

Peropu'aka ramo peñemomba'e vaerã pende rekove rehe.

Lúcas 8:15

Pe ho'a va'ekue yvy porãháme katu umi ohendúva pe ñe'ẽ ha py'aporã ha py'apeteĩ reheve oñongatu pe ohendu va'ekue, ha hi'a porã ohasa asy ramo jepe.

Apostolkuéra 24:25

Pablo oñemoñe'ẽvo ichupe pe jeiko hekoite pegua rehe, tembipota vai jejoko rehe ha pe ñeporandu ñande rekovekue rehe oiko vaerã ipahápe rehe, Félix oñemondýi ha he'i ichupe: --Tereho ko'ãga ha ija jevývo chéve rohenói jevýta.

Romayguakuérape 15:4

Opa umi oje'e va'ekue yma Tupã Ñandejára Kuatiañe'ẽme oñemoĩ va'ekue ñane mbo'e haguã, jajeroviakuaa haguã pe paciencia ha angapyhy ipype jajuhúva rupi.

Romayguakuérape 2:7

Ome'ẽ vaerã tekove tapia guarã umi oha'arõkuaávape ha ojapóva iporãva ha ohekáva gloria, terakuã porã, ha umi mba'e tapia guarãva;

Romayguakuérape 8:25

Pe ñaha'arõva jahecha'ỹ ramo katu, ñaha'arõ vaerã tagẽ'ỹ reheve.

1 Corintoyguakuérape 9:25

Ha opa umi umícha oñeha'ãva, ojejoko heta mba'égui, ha ha'e kuéra ojapo upéicha ohupity haguã premio ramo peteĩ corona yvyra rogueguigua voi ipirupáva, ñande katu ñañeha'ã jahupity haguã peteĩ premio tapia guarãva.

2 Corintoyguakuérape 6:4

Upéva rangue, opa mba'épe rohechauka ore Tupã Ñandejára rembiguaiha, paciénciape, jehasa asýpe, tekotevẽme ha angekóipe;

Galaciayguakuérape 5:23

jejapo'ỹ ha jererekokuaa. Ndaipóri ley oñemoĩva ko'ãva ko'ã mba'e rehe.

Colosayguakuérape 1:11

Rojeruréva ha'e ta pene mombarete ipu'aka tuichaitéva rupi, ikatu haguã peropu'aka paciencia ha vy'apópe,

1 Tesalonicayguakuérape 1:3

Ore mandu'a tapia Tupã Ñandejára ñande Ru renondépe mba'éichapa pemba'apo va'ekue pe pende jerovia rupi, mba'éichapa peñeha'ã mborayhupápe, ha mba'éichapa peropu'aka opa mba'e pe esperanza perekóva rupi Ñandejára Jesucristo rehe.

2 Tesalonicayguakuérape 1:4

Upéicha rupi ore voi ore aguara pende rehe Tupã Ñandejára iglésia kuéra rupi pe paciencia ha pe jerovia perekóva rehe opa umi persecución ha jepy'apy pehasáva pa'ũme.

2 Tesalonicayguakuérape 3:5

Ñandejára toikuaauka porãve peẽme pende py'apýpe pe Tupã Ñandejára mborayhu ha pe Cristo paciencia.

1 Timotéope 2:10

toñembojegua uvei tembiapo porãme, iporã háicha oiko kuña kuéra Tupã Ñandejára rembijokuáiva.

1 Timotéope 2:2

Oñeñembo'e vaerã opa mburuvicha ha autoridad kuéra rehe, ikatu haguã jaiko angekoi'ỹ ha py'aguapy reheve, tekopotĩ ha marangatúpe.

1 Timotéope 3:16

Mba'eguasuete añete pe ko'ãga ojekuaaukáva: Tupã Ñandejára ojehechauka va'ekue yvypóraicha, pe Espíritu he'i hese imarangatuha, ángel kuéra ohecha va'ekue ichupe, oñemoherakuã opa tetãme, yvypóra kuéra ojerovia hese ha ojehupi va'ekue yvágape.

1 Timotéope 6:11

Nde katu, kuimba'e Tupã Ñandejára mba'éva, ejehúi opa umi mba'égui. Eñeha'ã eiko hekopete, teko marangatúpe, jeroviápe, mborayhúpe, paciencia reheve, ha jejapo'ỹme.

1 Timotéope 6:3

Oime ramo ombo'éva ambue mba'e, ha noiporãi ramo Ñandejára Jesucristo ñe'ẽ rehe, ha pe mbo'epyre teko marangatu rehegua rehe,

1 Timotéope 6:6

Pe teko marangatu niko tuichaite mba'e añete pe oguerovy'áva peguarã pe oguerekóva.

2 Timotéope 3:5

Heko marangatu gua'u vaerã, ipy'apýpe kuéra katu ndoikuaái pe marangatu pu'aka. Aníke rereko mba'evete umichagua ndive.

Títope 1:1

Che, Pablo, Tupã Ñandejára rembijokuái ha Jesucristo apóstol, umi Tupã Ñandejára rembiporavopyre oguerovia háicha oikuaa rupi pe añete teko marangatu rehegua,

Títope 1:8

Umíva rangue, ikyre'ỹ tapia vaerã omoguahẽ haguã hógape umi okarayguápe, imba'eporã vaerã, iñakãporã vaerã, hekopotĩ vaerã, imarangatu ha ojererekokuaa vaerã.

Títope 2:2

Karai kuéra ta heko kirirĩ, tome'ẽ oguenda ojupe ha tojererekokuaa ta hekópe pe ijerovia, imborayhu ha ipaciencia.

hebreoyguakuerape 10:36

Tekotevẽ pene paciencia pejapo haguã pe Tupã Ñandejára rembipota, ikatu haguã pehupity pe ha'e he'i va'ekue ome'ẽtaha.

hebreoyguakuerape 12:1

Upéva rehe ñande kuéra avei, jarekópype ñande jerekuévo hetaite ohechauka va'ekue ijerovia, jaheja opa umi mba'e ñande jokóva, ha pe pecado ñande pykuáva, ha ñañani paciencia reheve pe carrera jarekóva ñane renonderã.

hebreoyguakuerape 6:12

Ndoroipotái niko peñemoate'ỹ, ta peiko uvei oiko haguéicha umi ojerovia ha ipaciencia rupi ohupity va'ekue umi mba'e Tupã Ñandejára he'i va'ekue ome'ẽtaha.

hebreoyguakuerape 6:15

Ha Abraham ipaciencia va'ekue oha'arõ haguã ohupity peve pe Tupã Ñandejára he'i va'ekue ome'ẽtaha ichupe.

2 Pédro 1:3

Tupã Ñandejára ome'ẽ va'ekue ñandéve, ipu'aka rupi opa ñane remirekotevẽrãva jaikove ha jahayhu haguã ichupe, jaikuaávo upe ñane renói va'ekuépe iglória ha milagro kuéra ojapo va'ekue ipu'aka rupi.

2 Pédro 3:11

Opa mba'e opa vaerã rehe upéicha, ¡marangatuetépe ha kyhyjepópe peẽ peiko vaerã!

Apocalípsis 1:9

Che, Juan, pene hermano ha pene irũ pe Jesucristo jehasa asýpe, ha pe iréinope ha pe hayhupápe jaropu'akávape, aime va'ekue preso pe isla Patmos héravape, añemoñe'ẽ hague rehe Tupã Ñandejára ñe'ẽ rehe ha amoherakuã hague rehe Jesucrístope.

Apocalípsis 13:10

Pe oporogueraháva preso ho'a vaerã avei preso; ha pe oporojukáva espádape, espádape avei ojejuka vaerã. Upéva rehe, umi Tupã Ñandejára mba'éva tekotevẽ paciencia ha ojerovia mbarete.

Apocalípsis 14:12

Upéva rehe, umi Tupã Ñandejára reheguáva, iñe'ẽrendúva hembiapoukapy kuérape ha Jesús rehe ojeroviáva, ipaciencia vaerã.

Apocalípsis 2:2

Che aikuaa ne rembiapokue ha remba'apo pohyiha ha ne pacienciaha; ha aikuaa ndaikatuiha rerokirirĩ umi tekove vaípe. Aikuaa reñeha'ã hague reikuaa haguã umi he'ívape ojehe apostolha ha rejuhu ndaha'eiha ha ijapuha.