2 Pédro 1:3 - Ñandeyara Ñe'ẽ

³ Tupã Ñandejára ome'ẽ va'ekue ñandéve, ipu'aka rupi opa ñane remirekotevẽrãva jaikove ha jahayhu haguã ichupe, jaikuaávo upe ñane renói va'ekuépe iglória ha milagro kuéra ojapo va'ekue ipu'aka rupi.

Tûpâ Ñandeyára 1913

³ Jae ipuaca rupi Ñandeyárajá reje, omeê ñandeve opambae iyáva yaicove pôrâ jaguâ ja ñambuete jaguâ jecópe Ñandeyárape ñande yaicuaama guive upe ñane renôijarépe ituvichacue ja jeco pôrângue rupi.

Ñandejára Ñe’ẽ

³ Tupã ipokatu rupi niko ome'ẽ ñandéve opa ñane remikotevẽ ha jaikove haguã ha'e oipotaháicha. Ha'e oikuaauka ñandéve Cristo, pe ñane renói vaekue umi mba'e hechapyrãva ha'e ojapo vaekue rupi.

Ñandejara Ñe’ẽ ✟

³ Tupã ipokatu rupi niko ome'ẽ ñandéve opa ñane remikotevẽ ha jaikove haguã ha'e oipotaháicha. Ha'e oikuaauka ñandéve Cristo, pe ñane renói vaekue umi mba'e hechapyrãva ha'e ojapo vaekue rupi.

Ñanderuete Ñe’ẽ Porã 2015

³ Hesu Crísto pu’aka rupi oñeme’ẽmba ñandéve opaite mba’e ñaikotevẽva guive jaikove ha jajerovia hag̃ua hekópe Ñanderuete rehe. Ha’e ñanerenoiva’ekue heko jajaipa ha ipu’aka rupi.

2 Pédro 1:3 Referencias Cruzadas

Matéo 28:18

Upérõ Jesús oñemboja hendápe kuéra ha he'i ichupe kuéra: --Oñeme'ẽmba chéve autoridad yvágape ha yvýpe.

Romayguakuérape 8:32

Tupã Ñandejára na hakate'ỹi va'ekue ñandéve Ta'ýra teete rehe jepe, ome'ẽ va'ekue uvei ichupe omano haguã ñande opavave rehe, ¿mba'éicha piko nome'ẽ mo'ãi avei ñandéve Ta'ýra ndive opa mba'e?

Romayguakuérape 9:24

Tupã Ñandejára niko ñane renói, peteĩme Israelita kuéra apytégui ha ambue kuérape katu Israelita'ỹva apytégui.

1 Corintoyguakuérape 1:9

Tupã Ñandejára ete voi pene renói va'ekue peñemopeteĩ haguã Ta'ýra Ñandejára Jesucristo ndive, ojapopa vaerã upe he'i va'ekue.

2 Corintoyguakuérape 12:9

ha he'i va'ekue chéve: “Che niko romombarete, ha upévante upe nde reikotevẽva pe che pu'akakue ojehechakuaavégui pe máva ikangy ramo.” Upéva rehe avy'a uvei che kangykue rehe, ojehechauka haguã che pype pe Cristo pu'aka.

Efesoyguakuérape 4:1

Upéva rehe, che aiméva aína preso Ñandejára rayhupápe, ajerure peẽme ta peiko peiko vaerã háicha peẽ Tupã Ñandejára ohenói va'ekue.

Efesoyguakuérape 4:4

Oĩ niko peteĩ tete añó, ha peteĩ Espíritu, pe Tupã Ñandejára pene renói haguéicha peteĩ ñeha'arõrã añóme.

Filipoyguakuérape 3:8

Ha oimeraẽva mba'e ikatu vaerã mo'ãva che areko, ndajapói mba'evete ramo, ambojojáta ramo pe tuichaite mba'e ajúva rehe aikuaa Cristo Jesús che Jaraha. Cristo rayhupápe ahejapa opa umi mba'e ha areko yty ramo, che mba'e guive Crístonte,

Filipoyguakuérape 4:8

Ipaharã, che ryvy kuéra, peñepy'amongetákena opa umi añetéva rehe, opa umi ikatúva rehe ñamomba'eguasu, opa umi hekopeguáva rehe, opa umi ipotĩva rehe, opa umi oporombohorýva ha herakuã porãva rehe. Oimeraẽva mba'e iporãva ha ikatúva rehe ñamomba'eguasu, umíva rehe peñepy'amongeta.

Colosayguakuérape 1:16

Ha'e rupi Tupã Ñandejára ojapo va'ekue opaite mba'e oĩva yvágape ha yvy ári, umi mba'e ojehecháva ha umi ojehecha'ỹva, mburuvicha guasu kuéra, umi ipoguýpe kuéra oporoguerekóva, autoridad ha pu'aka kuéra yvága ha yvy pegua, opa umi mba'e oiko va'ekue ha'e rupi ha ichupe guarã.

1 Tesalonicayguakuérape 2:12

rojerure va'ekue peẽme peiko haguã oiko vaerã háicha umi Tupã Ñandejára reheguáva, upe Tupã Ñandejára pene renóĩva iréino tee ha iglóriape.

1 Tesalonicayguakuérape 4:7

Tupã Ñandejára ñane renói va'ekue ñande reko marangatu haguã ndaha'éi ñande reko ky'a haguã.

2 Tesalonicayguakuérape 2:14

Upevarã Tupã Ñandejára pene renói va'ekue, pe evangelio ore romoherakuãva rupi, pehupity haguã Ñandejára Jesucristo gloria.

1 Timotéope 4:8

pe tete mombarete niko oiméta mba'épepa jaiporu, pe teko marangatu Tupã Ñandejára ndive guarã katu iporã opa mba'e peguarã, ogueru vaerã ñandéve iporãva ko ñande rekove yvy ariguápe ha pe ñande rekove ou va'erãme avei.

2 Timotéope 1:9

Tupã Ñandejára ñande salva ha ñane renói va'ekue ñande reko marangatu haguã ichupe, ndaha'éi ñane rembiapo porãngue rupi, upe ha'e oipota haguéichante uvei, ha pe imborayhu ñanendive guarã Cristo Jesús rupi. Ha'e ñande rayhu va'ekue ko mundo oiko ñepyrũ mboyve guive,

hebreoyguakuerape 1:3

Pe Tupã Ñandejára gloria ojehecha Ta'ýra rehe, ha ha'e niko peteĩchaite Tupã Ñandejára ndive ha pe iñe'ẽ pu'aka rupi oĩmba hendápe opaite mba'e. Ha'e ñane mopotĩ va'ekue ñande pecádogui, ha upéi oguapy yvágape Tupã Ñandejára akatúape.

1 Pédro 1:15

Upéva rangue ta pene marangatu uvei opa pejapóvape imarangatu rehe pe Tupã Ñandejára pene renói va'ekue.

1 Pédro 1:5

Ha Tupã Ñandejára ipu'aka rupi oñangareko pende rehe pejerovia rupi hese, pehupity haguã pe salvación ñembosako'i pyre ojehechauka vaerã pe ára pahápe.

1 Pédro 2:21

Upevarã voi niko Tupã Ñandejára pene renói va'ekue, ha Cristo voi avei ohasa asy va'ekue pende rehehápe ha ohechauka peẽme mba'éichapa peiko vaerã ipyporépe.

1 Pédro 2:9

Peẽ katu ñemoñare poravo pyre, yvága pegua Rey pa'i kuéra, tetã marangatu, Tupã Ñandejára mba'e kuéra. Ha upéva pemoherakuã haguã pe Tupã Ñandejára rembiapo kuéra porãita, pe pene renói va'ekue pesẽ haguã pytũnguýgui ha peike haguã pe ha'e oporohesapeha porãite asýpe.

1 Pédro 3:9

Ani pembyekovia ivaíva ivaívape, terã ñe'ẽ vai ñe'ẽ vaípe. Upéva rangue, pembyekovia ñe'ẽ iporãvape, Tupã Ñandejára pene renói hague rehe pehupity haguã mba'e porãita.

1 Pédro 5:10

Pe pehasa asy sapy'ami rire katu Tupã Ñandejára pene moĩ vaerã hekopete, pene moĩ hatã ha pene mombarete vaerã, avave pene mongu'e'ỹ haguãicha. Pe Tupã Ñandejára opáicha ñande rovasáva ha ñane renói va'ekue ñane moĩ haguã iglória tapia guarãvape Cristo ndive.

2 Pédro 1:10

Upéva rehe, che ryvy kuéra, peñeha'ã pepyta hatã hatãve Tupã Ñandejára pene renói ha pende poravo haguépe, ha upéicha pejapo ramo ndape'ái chéne araka'eve.

2 Pédro 1:2

Ta pene renyhẽ jehovasa ha py'aguapýgui peikuaa rupi Tupã Ñandejára ha Ñandejára Jesucrístope.

2 Pédro 1:5

Ha upéva rehe peñeha'ã vaerã pemoirũ pe pende fe tekoporã ndive, pe pende rekoporã tekokuaa ndive,

2 Pédro 1:6

pe pende rekokuaa jejokokuaa ndive, pe pende jejokokuaa paciencia ndive, pe paciencia mborayhu Tupã Ñandejárape ndive,

2 Pédro 1:8

Peẽ pereko ramo ko'ã mba'e ha heta hetave ramo pende pype na pende reko reivéima vaerã ha ndapeikuaa rei mo'ãi Ñandejára Jesucrístope.

2 Pédro 2:20

Ha'e kuéra niko oikuaa va'ekue Ñandejára ñande Salvador Jesucrístope, ha ojei va'ekue pe yvypóra kuéra rekoky'águi, ha uperire oñemboapañuãi jevy ramo umi mba'épe ha nda ipu'akavéi ramo pe heko paha ivaive pe oñepyrũ ramo guarégui.

2 Pédro 3:18

Ta peikuaa porãve uvei ñande Salvador Ñandejára Jesucrístope ha ta pekakuaa imborayhúpe. ¡Ta ñamomba'eguasu ichupe ko'ãga ha tapiaite! Amén.