2 Pédro 1:16 - Ñandeyara Ñe'ẽ

¹⁶ Upe roikuaauka va'ekue peẽme Ñandejára Jesucristo pu'aka ha ou jevy ramo guarã, ndaha'éi ñe'ẽ gua'u rei, ore rohecha va'ekue ore resa teete rupi voi Ñandejára mba'eguasuha.

Tûpâ Ñandeyára 1913

¹⁶ Ore ndajaei umi iñarandu guaúva rapycueri ojo vaecueicha roicuaauca ramo guare peême pe Ñandeyára Jesu Cristo ipuaca vaerâjá pe ou yeby jaguâ árape. Ore voi rojecha vaecue ore resá rupi voi ituvichaitecue.

Ñandejára Ñe’ẽ

¹⁶ Umi mba'e romombe'u vaekue peẽme Ñandejára Jesucristo pokatu rehegua ha mba'éichapa ha'e ou jeýta, ndaha'éi ñe'ẽ rei ore akãgui roguenohẽva. Ore voi rohecha vaekue ore resa tee rupi Jesucristo pokatu.

Ñandejara Ñe’ẽ ✟

¹⁶ Umi mba'e romombe'u vaekue peẽme Ñandejára Jesucristo pokatu rehegua ha mba'éichapa ha'e ou jeýta, ndaha'éi ñe'ẽ rei ore akãgui roguenohẽva. Ore voi rohecha vaekue ore resa tee rupi Jesucristo pokatu.

Ñanderuete Ñe’ẽ Porã 2015

¹⁶ Ore roikuaauka peẽme Hesu Crísto pu’aka ha ijeju jevy ndaha’éi ñe’ẽ gua’u rei, ore ningo hechaharete voi, ha rohecha ore resatee rupi heko jajái pu’aka.

2 Pédro 1:16 Referencias Cruzadas

Matéo 16:27

Pe kuimba'éicha ou va'ekue yvy ári ou vaerã Túva gloria reheve ha hi'ángel kuéra ndive, ha upérõ ombyekovia vaerã peteĩ teĩme hembiapokue rehe.

Matéo 16:28

Añete ha'e peẽme, oimeha ko'ápe oĩva hína omano'ỹ vaerã ohecha peve pe kuimba'éicha ou va'ekue yvy ári oguahẽ ramo oúvo iréino reheve.

Matéo 17:1

Uperire seis días haguépe Jesús ogueraha Pédrope, Jacóbope ha Jacobo ryvy Juánpe, ha oho hendive kuéra añó ojupi peteĩ cerro yvatépe

Matéo 24:27

Pe ára vera ojehecha háicha kuarahy resẽ guive kuarahy reike peve, upéicha vaerã aju ha'ára che kuimba'éicha aju va'ekue yvy ári.

Matéo 24:3

Upérõ oho hikuái pe cerro Olivoty héravape, ha oguapy jave hína Jesús upépe, hemimbo'e kuéra oho he'i ichupe ñemiháme: --Roipota niko ere oréve araka'épa ojehúta ko'ã mba'e. ¿Mba'erupípa roikuaáta reju aguĩmaha ha opatamaha ko mundo?

Matéo 28:18

Upérõ Jesús oñemboja hendápe kuéra ha he'i ichupe kuéra: --Oñeme'ẽmba chéve autoridad yvágape ha yvýpe.

Márcos 13:26

Ha upérõ ojehecha vaerã ko kuimba'éicha ou va'ekue yvy ári oúvo arai ári tuicha pu'aka ha gloria reheve.

Márcos 14:62

Ha Jesús he'i: --Che ha'e, ha pehecha vaerã ko kuimba'éicha ou va'ekue yvy ári oguapy ramo Tupã Ñandejára akatúa pu'aka kotyo, ha oúvo yvágagui arai ári.

Lúcas 1:2

ore mbo'e haguéicha umi Ñandejára ñe'ẽ rerekua iñepyrũha guive ohecha va'ekue.

Lúcas 9:43

Ha ohecharamoite hikuái opavave pe Tupã Ñandejára tuichaha. Ha ohecharamo joa jave hikuái umi mba'e Jesús ojapóva, ha'e he'i hemimbo'e kuérape:

Juan 1:14

Ha pe Tupã Ñandejára Ñe'ẽ oiko kuimba'e ramo ha oiko sapy'a va'ekue ñande apytépe, mborayhu ha añetégui henyhẽte. Ore rohecha va'ekue iglória, pe Túva Ra'y peteĩetéva gloria teete.

Juan 17:2

Nde niko reme'ẽ va'ekue pu'aka nde Ra'ýpe opa yvypóra kuéra rehe, ome'ẽ haguã tekove tapia guarã opa umi ichupe reme'ẽ va'ekuépe.

Romayguakuérape 1:4

ha Espíritu Santo rupi katu ojekuaauka va'ekue Tupã Ñandejára Ra'yha pu'aka reheve, oikove jevýpype omano va'ekue apytégui.

1 Corintoyguakuérape 1:17

Cristo na che mondói va'ekue aporobautiza haguã, amoherakuã haguã pe evangélionte uvei, ha nañe'ẽ arandúpei, ani haguã opyta mba'evépe pe Cristo mano kurusu rehe.

1 Corintoyguakuérape 1:23

ore katu romoherakuã Crístope oñemosaingo va'ekue kurusu rehe. Israelita kuéra ipochy ko ñe'ẽ rehe, ha umi Israelita'ỹvape katu výro rei,

1 Corintoyguakuérape 1:7

Ha ndaipóri pereko'ỹva umi mba'e Tupã Ñandejára oguerekóvagui ime'ẽmbyrã peha'arõ aja pe ára Ñandejára Jesucristo ojehechauka haguã.

1 Corintoyguakuérape 2:1

Che ryvy kuéra, aha ramo guare pene rendápe, amombe'u haguã peẽme pe Tupã Ñandejára ñe'ẽ ndaiporúi va'ekue ñe'ẽ arandu terã ñe'ẽ poravopyre.

1 Corintoyguakuérape 2:4

ha upe ha'e va'ekue peẽme ha che ñemoñe'ẽme nañeha'ãi va'ekue ajereroviauka peẽme yvypóra ñe'ẽ arandu rupi. Upéva rangue, pombo'e va'ekue uvei Espíritu Santo rembiechauka ha Tupã Ñandejára pu'aka rupi,

1 Corintoyguakuérape 5:4

Peñembyaty Ñandejára Jesucristo rérape, ha che aiméta che espíritupe penendive, ha Ñandejára Jesucristo autoridad rupi,

2 Corintoyguakuérape 2:17

Ore ndoroikói roñemu Tupã Ñandejára ñe'ẽ rehe heta ojapo háicha; upéva rangue, añete háichante uvei, Tupã Ñandejára rembijokuáicha, roñe'ẽ Tupã Ñandejára renondépe Cristo rérape.

2 Corintoyguakuérape 4:2

Ndorojapo vaíri mba'eve ñemihãmeguáva terã oporomotĩva, ha ndoroikói roporombotavy terã Tupã Ñandejára ñe'ẽ rombojopara, umícha rangue ro'e pe añeteguávante, ha upéicha rojekuaauka opavavépe Tupã Ñandejára renondépe.

Efesoyguakuérape 4:14

Anive haguã jaiko mitãicha, ágoto ha pégoto ojererotyryrýva opaichagua rapykuéri ha ojereraháva yvytu rehéicha oimeraẽva mba'e pyahu tekove katupyry japúpe oporombo'éva rehe oporombotavy ha oporogueraha haguã tape jejavy rupi.

Filipoyguakuérape 3:21

Ha'e omo'ambue vaerã pe ñande rete poriahu ha'ete haguã pe hete tee ojajaipáva. Upéva ojapo vaerã pe pu'aka ha'e oguerekóva rupi voi omoĩmba haguã ipoguýpe opa mba'e.

1 Tesalonicayguakuérape 2:19

¿Mba'épa pe ore esperanza, terã pe ore vy'a, terã pe ore premio ore mbovy'áva?, peẽ voi niko ha'e Ñandejára Jesucristo renondépe pe ha'e ou ha'ára guarã.

2 Tesalonicayguakuérape 2:9

Pe tekove tie'ỹ niko Satanás remimbou, oguahẽ vaerã tuicha pu'aka ha techaukarã ha milagro japu reheve.

1 Timotéope 1:4

ha toheja umi ñe'ẽ gua'u ha ñemoñare ijapyra'ỹva. Umi mba'e niko ñe'ẽ joapirã rei ha na ñane pytyvõi jajapo haguã hekoitépe Tupã Ñandejára rembiapoukapy jerovia rupíva.

1 Timotéope 4:7

Ha aníke repena ñe'ẽ rei yvypóra rehegua rehe, umíva ko guãimí remimombe'u rei. Eñemombaretéke teko marangatúpe Tupã Ñandejára ndive guarã;

Títope 1:14

Eñe'ẽ pohýike ichupe kuéra ani haguã ojapysaka umi mba'e gua'u rei Israelita kuéra he'íva rehe, terã umi mba'e ojapoukáva rehe umi ome'ẽva ijatukupe pe añeteguápe.

2 Pédro 2:3

Plata potágui, pene mbotavy vaerã porombo'e añete'ỹva rupi, upéva rehe umíva oñehundi vaerã katuete, ymaite guivéma voi oñecondenágui.

1 Juan 4:14

Ha ore voi rohecha va'ekue ha romombe'u pe Túva ombou hague Ta'ýrape osalva haguã yvypóra kuérape.

Júdas 1:14

Ko'ãva rehe avei oñemoñe'ẽ va'ekue Enoc, Adán rire sieteha, he'i ramo guare: “Péinako oúma Ñandejára heta eterei umi imba'e kuérava ndive,

Apocalípsis 1:7

Péina, Cristo ou arai apytépe ha opavave ohecha vaerã ichupe, umi ikutuhare jepe ha yvypóra kuéra oĩ haguéicha ojahe'opa vaerã ohechávo ichupe. Upéicha vaerã. Amén.