1 Pédro 4:5 - Ñandeyara Ñe'ẽ

⁵ Ha umíva oguahẽ vaerã ome'ẽ haguã cuenta hembiapokue rehe upe oĩvape ojuzga haguã omanóva ha oikovévape.

Tûpâ Ñandeyára 1913

⁵ Umiva voi oñemombeu vaerâ upe oñembosacoívape jina omojenda jaguâ umi oicovévape ja umi omano vaecuepe.

Ñandejára Ñe’ẽ

⁵ Ha'e kuéra katu oñemombe'u vaerã pe oñembosako'íva hínape ombojovake haguã oikovéva ha omano vaekuépe.

Ñandejara Ñe’ẽ ✟

⁵ Ha'e kuéra katu oñemombe'u vaerã pe oñembosako'íva hínape ombojovake haguã oikovéva ha omano vaekuépe.

Ñanderuete Ñe’ẽ Porã 2015

⁵ Og̃uahẽva’erã pe ára ha’ekuéra oñemombe’u hag̃ua pe mbojovakehára oñembosako’íva renondépe, Ha’e ombojovakeva’erã umi omanova’ekuépe ha umi oikovévape.

1 Pédro 4:5 Referencias Cruzadas

Matéo 12:36

Ha che ha'e peẽme, opa ñe'ẽ rei yvypóra kuéra he'i va'ekue rehe ome'ẽ va'erãha cuenta pe juicio árape.

Lúcas 16:2

Upémaramo ohenói ha he'i ichupe: “¿Mba'e piko ko ahendúva nde hegui? Emoĩmba chéve kuatia rehe ne rembiapokue, ndaikatu mo'ãvéima reiko che mayordomo ramo.”

Apostolkuéra 10:42

Ha he'i oréve roñemoñe'ẽ ha roikuaauka haguã opavavépe Tupã Ñandejára omoĩha ko Jesús etépe voi oikovéva ha omanóva Juez ramo.

Apostolkuéra 17:31

Omoĩgui peteĩ ára oñeporandu va'erãme yvypóra kuérape hembiapokue rehe hekoitépe peteĩ kuimba'e ha'e oiporavo va'ekue rupi; ha ohechauka va'ekue opavavépe kóva añeteha omoingove jevýpype ichupe omanóva apytégui.

Romayguakuérape 14:9

Upevarã voi Cristo omano va'ekue ha oikove jevy: oiko haguã omanóva ha oikovéva Jára ramo.

2 Timotéope 4:1

Tupã Ñandejára ha Ñandejára Jesucristo renondépe, ou vaerã iréinope ojuzgávo oikovéva ha omanóvape, ajerure jevy jevy ndéve,

Tiágo 5:9

Che ryvy kuéra, aníkena peñemoĩ vai, ani haguã Tupã Ñandejára pene mbohovake; ha'e oĩma hína okẽme oporombohovake haguã.