1 Pédro 4:3 - Ñandeyara Ñe'ẽ

³ Heta árama niko peẽ peiko va'ekue umi Tupã Ñandejárape oikuaa'ỹva oiko háicha. Umiha árape peẽ peiko va'ekue teko vaípe, mba'e vai rayhúpe, ka'u ha karu guasuha rupi, pemboy'u mboy'uve va'ekue ha pemomba'eguasu va'ekue ta'anga kuéra, oñemomba'eguasu'ỹ va'erãme.

Tûpâ Ñandeyára 1913

³ Ipôrâmante arema peyapo jague pene rembiapo umi pytagua obya jagueichagua, pende reco vaí vaecue voi, ja pende tayasu ja pende caúeté vaecue, ja pende caru caruete, ja pende aybu pecaujape ja pembuete vaecue mbae reí reí raângápe ivaírâ.

Ñandejára Ñe’ẽ

³ Are peve peẽ pejapo umi heko jeroviaha'ỹva ojapóvante avei, oikóva jepokuaaha vaípe, mba'epota vaípe, karu guasu ha ka'úpe, teko vai rasa rekópe ha pemomba'e guasu ta'ãnga rei Tupã ojaheiha.

Ñandejara Ñe’ẽ ✟

³ Are peve peẽ pejapo umi heko jeroviaha'ỹva ojapóvante avei, oikóva jepokuaaha vaípe, mba'epota vaípe, karu guasu ha ka'úpe, teko vai rasa rekópe ha pemomba'e guasu ta'ãnga rei Tupã ojaheiha.

Ñanderuete Ñe’ẽ Porã 2015

³ Heta ára peikova’ekue voi yvyarigua rete rembipota vaípe, ku ojerovia’ỹvaicha Ñanderuete rehe, umíva ningo: Teko vai, mba’epota vai, ka’u, karuguasu, ka’u atyguasúpe ha ñemomba’eguasu avei jára gua’úpe.

1 Pédro 4:3 Referencias Cruzadas

Márcos 7:22

monda, taryrýi, ñaña, porombotavy, otĩ'ỹ, takate'ỹ hekope'ỹ, juruky'a, ñemomba'eguasu, tarova.

Apostolkuéra 17:30

Tupã Ñandejára oheja rei va'ekue yvypóra kuéra reko tavykue ymaite guive, ko'ãga katu he'i opavavépe, opárupi, toñearrepenti.

Romayguakuérape 13:13

Jaiko hekópe, ára peguáicha. Ani ka'u ha karu guasúpe, terã teko vai ha jepokuaa vaípe, terã ñoñe'ẽjoapi ha py'arasy reheve ñande rapicha ndive.

1 Corintoyguakuérape 12:2

Peẽ niko pene mandu'a yma pejerovia mboyve Jesús rehe pejererahámi hague umi ta'anga ñe'ẽngu rapykuéri.

1 Corintoyguakuérape 6:11

Ha oime peẽva upéicha guaréva, opáichavo, peñemopotĩmbáma va'ekue, Tupã Ñandejára mba'éma peẽ, ha peñembohekopotĩma Ñandejára Jesucristo rérape Tupã Ñandejára Espíritu rupi.

2 Corintoyguakuérape 12:21

Akyhyje kóva ko ahápe, Tupã Ñandejára che momirĩ ramo guarã pene renondépe ha ajahe'o ramo guarã heta pende rehe kuérava opeca va'ekue rehe, ha noñearrepentíri pe mba'e ky'águi, joguereko menda'ỹ rehegui, ha hembiapo vaikuégui.

Galaciayguakuérape 5:19

Ojekuaa porã voi niko mba'épa pe yvypóra reko rembiapo, ha ko'ãva ha'e hína: joguereko menda'ỹ rehe, mba'e ky'a ha teko vai,

Galaciayguakuérape 5:21

envidia, porojuka, ka'u, karuguasu, ha ambue mba'e ko'ãichagua. Pomomandu'a, ha'éma haguéicha peẽme, umi upéicha oikóva ndoike mo'ãiha Tupã Ñandejára réinope.

Efesoyguakuérape 5:18

Ani peka'útei, upéva niko oporohundi, ta pene renyhẽ uvei Espíritu Sántogui.

1 Tesalonicayguakuérape 4:5

Ani peiko tembipota asy ha tembipota vaípe, oiko háicha umi Tupã Ñandejárape oikuaa'ỹva.

Títope 3:3

Ñande avei niko yma jaiko va'ekue ñañehundi ñande vyrokuépe ha ñane ñe'ẽrendu'ỹme opaichagua mba'e pota ha vy'a rembiguái ramo. Jaiko va'ekue tembiapo vai ha envídiape na ñande a'éimi ñande rapicha kuéra rehe ha ha'e kuéra ndaija'éi ñande rehe.

1 Pédro 1:14

Umi mitã iñe'ẽrendúvaicha, anive peiko upe hi'ãmiva haguéicha peẽme pehendu mboyve ko evangelio.

Júdas 1:4

Oimégui oike ensuguy va'ekue pende apytépe, umíva rehe pe Tupã Ñandejára Kuatiañe'ẽme oikóma va'ekue voi mandu'a ymaite guive condenacionrã. Tekove vai, oiporúva pe Tupã Ñandejára py'aporã omo'ã haguã pe hekove kuéra ky'a, ha onega Ñandejára Jesucrístope, ñande ruvicha peteĩnteva.