1 Pédro 3:9 - Ñandeyara Ñe'ẽ

⁹ Ani pembyekovia ivaíva ivaívape, terã ñe'ẽ vai ñe'ẽ vaípe. Upéva rangue, pembyekovia ñe'ẽ iporãvape, Tupã Ñandejára pene renói hague rehe pehupity haguã mba'e porãita.

Tûpâ Ñandeyára 1913

⁹ Ani pembojecovia ivaipe ivaivapŷ. Ani reporoao pe nde aóvape. Upea rangue pejovasá. Upearâ voi peê peñejenôi vaecue pejupity jaguâ mbae yara ramo Ñandeyára pende rovasa jaguâ.

Ñandejára Ñe’ẽ

⁹ Ani pemyengovia ivaíva ivaívape, ha jeja'o jeja'ópe. Upéva rangue, pemyengovia jehovasápe, Tupã niko pene renói vaekue pehupyty haguã jehovasa.

Ñandejara Ñe’ẽ ✟

⁹ Ani pemyengovia ivaíva ivaívape, ha jeja'o jeja'ópe. Upéva rangue, pemyengovia jehovasápe, Tupã niko pene renói vaekue pehupyty haguã jehovasa.

Ñanderuete Ñe’ẽ Porã 2015

⁹ Ani pemyengovia ivaíva, ivaíva rehe, térã ñe’ẽvai, ñe’ẽvai rehe, pehovasa uvei, upevarã peñehenóikuri, ha upéichamante Ñanderuete ikatu penderovasa avei.

1 Pédro 3:9 Referencias Cruzadas

Matéo 19:29

Ha opa umi oheja va'ekue hóga kuéra terã tyvýra kuéra, terã teindýra kuéra, terã túva, terã sy, terã tembireko, terã ta'ýra kuéra, terã yvy kuéra, che rehehápe, ohupity hetave vaerã cien jevyhágui ha ohupity vaerã avei pe tekove opave'ỹva.

Matéo 25:34

Upérõ pe Rey he'i vaerã umi ijakatúa peguápe: “Peju peẽ che Ru ohovasa va'ekue, peike pe reino oñembosako'i va'ekuépe peẽme guarã Tupã Ñandejára ojapo ypy guive ko mundo.

Matéo 5:39

Che katu ha'e peẽme: Ani peñemoĩ pe ojapo vaíva rehe; pe ne nupãvape nde rova yke akatúape, emoĩ nde rova yke ambue avei.

Matéo 5:44

Che katu ha'e peẽme: Pehayhu umi ndaija'éivape pende rehe, ha peñembo'e umi pende perseguíva rehe,

Márcos 10:17

Ha osẽvo ha'e oho haguã ou peteĩ kuimba'e ñaniháme oñesũ henondépe ha oporandu ichupe: --Maestro marangatu, ¿mba'épa ajapo vaerã ahupity haguã pe tekovete opa'ỹva?

Lúcas 10:25

Upérõ peteĩ oporombo'éva Tupã Ñandejára ley rehe oipy'ara'ã haguã Jesúspe opu'ã oñembo'y ha oporandu ichupe: --Maestro, ¿mba'épa ajapo vaerã ahupity haguã pe tekove tapia guarãva?

Lúcas 18:18

Ha peteĩ mburuvicha oporandu ichupe kóicha: --Mbo'ehára marangatu, ¿mba'épa ajapo vaerã ahupity haguã pe tekovete opa'ỹva?

Romayguakuérape 12:14

Pehovasa umi pene mbohasa asývape. Pejerure Tupã Ñandejárape tohovasa ichupe kuéra ha ani pejerure ivaíva ichupe kuéra guarã.

Romayguakuérape 12:17

Ani pembyekovia avavépe ivaíva rehe ivaívape. Peñeha'ã pejapo pe iporãva opavave renondépe.

Romayguakuérape 8:28

Jaikuaa Tupã Ñandejára opa mba'e ombohapeha iporãvarã umi ichupe ohayhúvape, umi ha'e ohenói va'ekuépe ojapose haguéicha.

Romayguakuérape 8:30

Ha umi Tupã Ñandejára omboyke va'ekuépe iñepyrũha guive, ohenói, ha umi ohenói va'ekuépe, oguereko hekopotĩva ramo, ha umi ojerereko va'ekuépe hekopotĩva ramo, umívape ombohéra guasu avei.

Galaciayguakuérape 3:14

Upéva ojehu va'ekue ikatu haguã pe Tupã Ñandejára rovasare, he'i haguéicha Abrahámpe, ohupity Cristo Jesús rupi umi Israelita'ỹvape avei. Opavave jahupity haguã, jajerovia rupi, pe Espíritu Tupã Ñandejára oikuave'ẽ va'ekue.

Efesoyguakuérape 4:32

Ta pende py'aporã uvei oñondive, ha pejoporiahuvereko ha peñoperdona, pe Tupã Ñandejára pene perdona haguéicha Cristo rupi.

1 Tesalonicayguakuérape 5:15

Aníke avave ombyekovia ivaíva ivaívape; upéva rangue, pejapo tapia uvei pe iporãva ojupe kuéra ha opavavépe.

hebreoyguakuerape 12:17

Ha peẽ peikuaa Esaú upéi oipota ramo jepe túva ohovasa ichupe, ndojehovasái hague heta ojahe'o ramo jepe, ndaikatuvéima omyatyrõ pe ombyai va'ekue.

hebreoyguakuerape 6:14

ha he'i va'ekue: “Añete heta rohovasáta ha ambohetáta ne ñemoñare.”

1 Pédro 5:10

Pe pehasa asy sapy'ami rire katu Tupã Ñandejára pene moĩ vaerã hekopete, pene moĩ hatã ha pene mombarete vaerã, avave pene mongu'e'ỹ haguãicha. Pe Tupã Ñandejára opáicha ñande rovasáva ha ñane renói va'ekue ñane moĩ haguã iglória tapia guarãvape Cristo ndive.