1 Pédro 2:6 - Ñandeyara Ñe'ẽ

⁶ Upéva rehe avei Ñandejára Kuatiañe'ẽme he'i: Che amoĩ Siónpe pe óga cimientorã ita iporãvéva peteĩ ita poravo pyre ha hepyetéva; pe ojeroviáva hese noñemotĩ va'erãi.

Tûpâ Ñandeyára 1913

⁶ Oyee voi pe Santa Escriturape: Pemaêke! Che amoî Zionpe pe itá yeporavópyré imombeu guasu catupyrâ pe oga racuajá rejeguarâ, ja pe oyeroviáva Jese máramo noñemotîchene.

Ñandejára Ñe’ẽ

⁶ Upévare avei Ñandejára Ñe'ẽ he'i: “Che amoĩ peteĩ ita Siónpe, ita tenondeguáva ojeporavo pyre ha hepýva, umi ojeroviáva hese ndopyta rei vaerãi.”

Ñandejara Ñe’ẽ ✟

⁶ Upévare avei Ñandejára Ñe'ẽ he'i: “Che amoĩ peteĩ ita Siónpe, ita tenondeguáva ojeporavo pyre ha hepýva, umi ojeroviáva hese ndopyta rei vaerãi.”

Ñanderuete Ñe’ẽ Porã 2015

⁶ Upévare he’i avei Ñanderuete ñe’ẽ: Peikuaa porãke, Che voi amohendáma Jerusalénpe pe itaguasu tenondegua poravopyréva peteĩ itaguasu esquína pegua, ha hi’ári amopu’ã che iglésia ha upe ohejáva ojeporu hekove oñemopu’ã hag̃ua ko ita oikovéva ári, noñemotĩmo’ãi araka’eve, (Isaías 28,16).

1 Pédro 2:6 Referencias Cruzadas

Matéo 12:18

Kóva ha'e hína che rembiguái, aiporavo va'ekue, upe che ahayhúva ha arovy'áva. Amoĩta che Espíritu hi'ári, ha oikuaaukáta che rembiapoukapy umi Israelita'ỹvape.

Márcos 12:10

‘¿Ndapeleéipa ko Tupã Ñandejára Kuatiañe'ẽ Marangatu kóvante jepe: Pe ita omombo rei va'ekue umi óga apohára, oñemoĩ pe óga esquina akã ramo.

Lúcas 20:17

Jesús katu, oma'ẽvo hese kuéra, he'i: --¿Mba'épa, aipórõ, he'ise pe Kuatiañe'ẽ Marangatúpe oĩva? Kóicha niko he'i: Pe ita omboyke va'ekue umi óga apohára, upéva pe tekotevẽvéva.

Lúcas 23:35

Ha pe tetãygua oĩ upépe oma'ẽ hikuái, ha umi mburuvicha jepe oñembohory hese, ha he'i: --Ambue kuérape osalva; tojesalva ojupe voi ha'e ramo añete pe Cristo, Tupã Ñandejára rembiporavopyre.

Juan 7:38

Pe ojeroviáva che rehe, Tupã Ñandejára Kuatiañe'ẽ he'i háicha, ipy'apýgui osẽ vaerã ysyry oikovévaicha.

Apostolkuéra 1:16

--Che ryvy kuéra: Tekotevẽ niko kuri oiko pe Kuatiañe'ẽ Marangatúpe Espíritu Santo he'i va'ekue David juru rupi Judas rehe, ha'e omohenonde va'ekue umi Jesús apresaharépe,

Romayguakuérape 10:11

Tupã Ñandejára Kuatiañe'ẽme he'i: “Ndaipóri hese ojeroviáva oñemotĩ vaerã.”

Efesoyguakuérape 1:4

Tupã Ñandejára niko ñande poravo va'ekue Cristo ndive ojapo mboyve ko mundo, ñane marangatu ha ñande culpa'ỹ haguã henondépe.

Efesoyguakuérape 2:20

Peẽ upe óga oñemopu'ã va'ekue pe óga rapo apóstol ha ñemoñe'ẽhára kuéra omoĩ va'ekue ári rehegua, ha Jesucristo ete voi ha'e pe ita guasu óga rapo iporãitevéva.

2 Timotéope 3:16

Pe Kuatiañe'ẽ Marangatu oikopa va'ekue Tupã Ñandejára remimoiuka rupi, oporombo'e ha oporomomarandu haguã, oporomuatyrõ ha oporohekombo'e haguã pe hekopeteguáva rehe,

1 Pédro 2:4

Peñemboja aipóramo, Cristo pe ita oikovéva rehe, kuimba'e kuéra omboyke va'ekue, Tupã Ñandejára peguarã katu ita poravo pyre hepyvéva.

1 Pédro 2:8

Ha: Ita ñepysangarã, ha ita oporoitýva. Ha'e kuéra na iñe'ẽrendúigui oñepysanga pe Ñe'ẽ rehe, ha upevarã voi oñemoĩ va'ekue.

2 Pédro 1:20

Peikuaa raẽ vaerã kóva: mba'eveichagua ñemoñe'ẽhára ñe'ẽ Escritura pegua ndaha'eiha ha'e kuéra ojehegui reínte he'i va'ekue,

2 Pédro 3:16

Upéicha he'i va'ekue opa umi ikuatiañe'ẽ kuérape, oñe'ẽvo ko'ã mba'e rehe, oĩ ramo jepe umi kuatiañe'ẽme mba'e hasýva jaikuaapa porã haguã, ha umi itavýva ha ipy'ahetáva omokarẽva, omokarẽ háicha umi ñe'ẽ ambue kuéra Kuatiañe'ẽ Marangatu pegua, ha upéva ihundiharã kuéra.