1 Pédro 2:5 - Ñandeyara Ñe'ẽ

⁵ Upéicha avei peẽ, ita oikovévaicha pejuaju Cristo rehe peñemohenda haguã pe tupao espíritu reko rehegua opu'ãva ohóvope, ha oiko haguã pende hegui pa'i kuéra imarangatúva Tupã Ñandejára peguarã Jesucristo rupi oikuave'ẽva kuave'ẽmby espíritu reko rehegua Tupã Ñandejára ikatu vaerã oguerohory.

Tûpâ Ñandeyára 1913

⁵ Ja peê avei ta peico itá oicovévaicha peñemojendava peina peteî oga yvapegua rejeguaicha peñemoingo jaguâ pai imarangatuva ramo, peicuameê jaguâ pene remicuameêmbyrâ umi yvapegua rejeguaicha oguerojory vaerâ Tûpâ Ñandeyárape Jesu Cristo rupi.

Ñandejára Ñe’ẽ

⁵ Ha péicha, Tupã ojapóta pende hegui, ita oikovéva ramo guáicha, peteĩ tupao espíritu reheguáva, ha pa'i reko marangatu, Jesucristo rupi oikuave'ẽva espíritu guiguáva kuave'ẽmby, Tupãme ombohorýva.

Ñandejara Ñe’ẽ ✟

⁵ Ha péicha, Tupã ojapóta pende hegui, ita oikovéva ramo guáicha, peteĩ tupao espíritu reheguáva, ha pa'i reko marangatu, Jesucristo rupi oikuave'ẽva espíritu guiguáva kuave'ẽmby, Tupãme ombohorýva.

Ñanderuete Ñe’ẽ Porã 2015

⁵ Ha peẽ avei peheja Ñanderuete toiporu pende rekove, ku ita oikovévaicha, oñemopu’ã hag̃ua ohóvo ijiglésia, Hesu Crísto pe itaguasu oikovéva ári, peẽ peiko hag̃ua ipa’i heko potĩva ramo peikuave’ẽ hag̃ua kuave’ẽmby pytu porã reheguáva Ñanderuetépe g̃uarã ita’ýra Hesu Crísto rupi.

1 Pédro 2:5 Referencias Cruzadas

Romayguakuérape 12:1

Upéva rehe, che ryvy kuéra, Tupã Ñandejára poroporiahuvereko rehe ajerure peẽme peẽ voi peñeme'ẽ haguã Tupã Ñandejárape mba'e kuave'ẽmbyre oikovévaicha, ichupe guarã añoite, upe ha'e oguerohory haguãicha. Upéicha pembojerovia vaerã peẽ ichupe.

Romayguakuérape 15:16

aiko haguã Jesucristo rembiguái ramo umi Israelita'ỹva apytépe. Pe che rembiapo niko pe Tupã Ñandejára ñe'ẽ moherakuã, aru haguã Tupã Ñandejára renondépe umi Israelita'ỹva kuave'ẽmbýicha ha'e oguerohory vaerã, imomarangatupyre Espíritu Santo rupi.

1 Corintoyguakuérape 3:16

¿Ndapeikuaái piko peẽ Tupã Ñandejára tupaoha, ha Tupã Ñandejára Espíritu oiha pende pype?

1 Corintoyguakuérape 3:9

Ore niko Tupã Ñandejárape irũ hembiapópe, peẽ katu Tupã Ñandejára kóga, Tupã Ñandejára róga avei niko peẽ.

1 Corintoyguakuérape 6:19

¿Ndapeikuaái piko peẽ pe pende rete pe Espíritu Santo Tupã Ñandejára ome'ẽ va'ekue peẽme tupaoha ha pe Espíritu Santo oikoha pendepype, ha peẽ ndaha'eveimaha pene mba'e tee?

2 Corintoyguakuérape 6:16

¿Mba'e piko oguereko pe Tupã Ñandejára tupao ta'anga kuéra ndive? Ha ñande niko ha'e pe Tupã Ñandejára oikovéva tupao, Tupã Ñandejára ete voi he'i haguéicha: Aikóta ypýpe kuéra ha ijapyte rupi kuéra, che Itupã Ñandejára kuérata, ha ha'e kuéra che mba'éta.

Galaciayguakuérape 6:10

Upéva rehe, ikatu aja jajapo pe iporãva opavavépe, ha ñane hermano kuéra ojeroviávapema katu.

Filipoyguakuérape 1:11

ta pene renyhẽ Jesucristo rupi pe teko marangatu rehegua mba'e porãitágui omomba'eguasu vaerã Tupã Ñandejárape.

Filipoyguakuérape 2:17

Che ruguy jepe oñeñohẽ ramo pe pene rembiapo ha pene kuave'ẽmby ári, pe pende jerovia rupi peikuave'ẽva, avy'a upéva rehe ha che rory opavave penendive.

Filipoyguakuérape 4:18

Ha ko'ãga arekopáma ha hetave pe aikotevẽvagui. Pe peruruka va'ekue chéve Epafrodito po rupi reheve arekopáma ha naikotevẽvéima mba'eve. Upe peruruka va'ekue chéve niko ha'ete ku ofrenda inciénsoicha hyakuã porãva, sacrificio Tupã Ñandejára oguerohorýva.

Colosayguakuérape 3:17

Oimeraẽva mba'e pejapo terã pejéva, pejapopa Ñandejára Jesús rérape, peme'ẽvo las gracias pe Túva Ñandejárape Cristo rupi.

hebreoyguakuerape 3:6

Cristo katu Tupã Ñandejára Ra'y ramo ojapopa va'ekue hekópe hembiapo Tupã Ñandejára rogaygua kuéra apytépe, ha upe óga niko ñande kuéra hína, ñaime hatã ramo ha jajerovia ramo ipaha peve vy'apópe pe esperanza jarekóva reheve.

1 Pédro 2:9

Peẽ katu ñemoñare poravo pyre, yvága pegua Rey pa'i kuéra, tetã marangatu, Tupã Ñandejára mba'e kuéra. Ha upéva pemoherakuã haguã pe Tupã Ñandejára rembiapo kuéra porãita, pe pene renói va'ekue pesẽ haguã pytũnguýgui ha peike haguã pe ha'e oporohesapeha porãite asýpe.

1 Pédro 4:11

Oiméramo oñe'ẽva, pe iñe'ẽ taha'e Tupã Ñandejára ñe'ẽicha. Oiméramo oporopytyvõva tojapo pe Tupã Ñandejára ojapoukakuaa haguéicha ichupe. Ha opa mba'e ojejapóva, taha'e oñemomba'eguasu haguã Tupã Ñandejárape Jesucristo rupi. Imba'e niko pe ñemomba'eguasu ha pu'akapa tapia guarã. Amén.

1 Pédro 4:17

Oguahẽma pe ára oñepyrũ haguã pe juicio Tupã Ñandejára rogaygua kuéragui voi. Ha oñepyrũ ramo ñande hegui voi, ¿pa mba'e oikóne umi iñe'ẽrendu'ỹvagui pe Tupã Ñandejára evangéliope?

Apocalípsis 1:6

ha ojapo ñande hegui rey ha pa'i, jaservi haguã Tupã Ñandejárape Túvape. Pe ñemomba'eguasu ha pe pu'aka ta imba'e tapia guarã. Amén.

Apocalípsis 20:6

Imarangatu ha ovy'a vaerã pe oikove jevýva pe tenonderãgua jeikove jevýpe, pe mano mokõi jevyha nda ipu'akái hese kuéra, Tupã Ñandejára ha Cristo pa'i kuéra vaerã uvei ha'e kuéra, ha oreina vaerã hendive mil años.

Apocalípsis 3:12

Pe ovencévape, amoĩta columna ramo che Tupã Ñandejára tupaópe, ha opyta vaerã upépe tapia guarã, ha hese amoĩta che Tupã réra ha pe che Tupã ciudad réra, pe Jerusalén pyahu oguejýva yvágagui, che Tupã Ñandejára rendágui, ha amoĩta avei hese che réra pyahu.

Apocalípsis 5:10

ha rejapo ore hegui rey ha pa'i ore Tupã Ñandejára peguarã, ha roguerekóta autoridad ko yvy ári.