1 Pédro 1:7 - Ñandeyara Ñe'ẽ

⁷ Pe óro opa vaerã ramo jepe niko oñembohyku tatápe oñemopotĩ haguã, ha pe pende jerovia iporãitevéva órogui, ko'ã jehasa asy rupi kena toñemoporã, tojererohory ha toñemomba'e Jesucristo ojehechauka ha'ára.

Tûpâ Ñandeyára 1913

⁷ Co pende pyambyasyjá oicone rae pende yeroviajá oñejaâ jaguâ: pende yeroviajá voi ipôrâve pe oro oñejaâ ramo guagui, pe oro jŷcúva ja oñejaâva tata rupi yepe, oyeju jaguâ peñemombeu guasu jaguâ ja peñembuete jaguâ ja peñembotuvicha jaguâ pe Jesu Cristo oyejechaucá jaguâ ára ramo guârâ.

Ñandejára Ñe’ẽ

⁷ Pe Pende jerovia niko ha'ete ku óro, iporã haguã oñemboyku vaerã tatápe. Pe jerovia osẽ porãva heta ñeha'ãgui, iporãve jey pe órogui, ikatúva oñembyai. Upévare, péicha oñeha'ã ramo pende jerovia oñemoneĩ, ojererohory ha oñemyerakuã vaerã, Jesucristo ou vove.

Ñandejara Ñe’ẽ ✟

⁷ Pe Pende jerovia niko ha'ete ku óro, iporã haguã oñemboyku vaerã tatápe. Pe jerovia osẽ porãva heta ñeha'ãgui, iporãve jey pe órogui, ikatúva oñembyai. Upévare, péicha oñeha'ã ramo pende jerovia oñemoneĩ, ojererohory ha oñemyerakuã vaerã, Jesucristo ou vove.

Ñanderuete Ñe’ẽ Porã 2015

⁷ Tojekuaa pende jerovia, ohasáva jepy’ara’ã rupi, iporãve órogui, oñehundikuaáva tatápe. Ha pembopoguy ramo pende jepy’ara’ã, peẽ pemomba’eguasu ha pemboete Ñanderuetépe Hesu Crísto ou jevy ramo g̃uarã.

1 Pédro 1:7 Referencias Cruzadas

Matéo 19:28

Jesús he'i ichupe kuéra: --Añetehápe ha'e peẽme, upeha árape opa mba'e oñembopyahu jevypávo, pe kuimba'éicha ou va'ekue yvy ári oguapy vaerã itrono omimbipávape, ha peẽ che moirũ va'ekue peguapy vaerã avei doce trónope pejuzga haguã umi doce tribus Israel reheguápe.

Matéo 25:21

Pe karai he'i ichupe: “Iporãite, nde ha'e tembiguái imba'e porã ha jeroviaháva; ha jeroviaha rehe nde pe michĩmíme, amoĩta nde poguýpe hetaiteve. Eike ha javy'a chendive.”

Matéo 25:23

Pe karai he'i ichupe: “Iporãite, nde ha'e tembiguái imba'e porã ha jeroviaháva; ha jeroviaha rehe nde pe michĩmíme, amoĩta nde poguýpe hetaiteve. Eike ha javy'a chendive.”

Lúcas 12:33

Peñemu umi mba'e perekóva rehe, ha peme'ẽ tupãmba'e; pejapo pende jupe guarã vosa ituja'ỹva, mba'eta opa'ỹ vaerã ñongatupy yvágape, mondaha ikatu'ỹháme oike, ha ao raso ikatu'ỹháme ombyai.

Lúcas 17:30

Upeichaite vaerã ko kuimba'éicha ou va'ekue yvy ári ojehechauka haguã árape.

Juan 12:26

Oime ramo che serviséva, tou che rapykuéri, ha mamo che aimehápe, upépe oĩ vaerã avei upe che servíva. Oime ramo che servíva, upévape che Ru omomba'eguasu vaerã.

Juan 5:44

¿Mba'éicha piko ikatúta perovia peẽ peñomomba'eguasu ramo peẽ oñondive, ha napemomba'éi pe ñemomba'eguasu oúva pe Tupã Ñandejára ha'eñoiténte añetévagui?

Apostolkuéra 8:20

Pedro katu he'i ichupe: --Nde plata toñehundi nendive, reimo'ãva ikatuha jajogua pe Tupã Ñandejára ome'ẽ reíva.

Romayguakuérape 2:10

Opa umi ojapóva iporãva peguarã katu oĩ vaerã gloria, terakuã porã ha py'aguapy, Israelita kuéra peguarã raẽ ha Israelita'ỹva peguarã avei.

Romayguakuérape 2:29

Israelita ete ko pe ha'éva ipy'apýpe; ha pe circuncisión añetegua katu pe py'apy pegua; ñande espíritu pegua ndaha'éi pokopyrã. Upéva ñemoporã ndaha'éi yvypóraguio oúva, Tupã Ñandejára guionte.

Romayguakuérape 2:7

Ome'ẽ vaerã tekove tapia guarã umi oha'arõkuaávape ha ojapóva iporãva ha ohekáva gloria, terakuã porã, ha umi mba'e tapia guarãva;

Romayguakuérape 8:19

Ko mundo Tupã Ñandejára rembiapokue oha'arõ asy umi Tupã Ñandejára ra'y ojekuaauka va'erãha ára.

1 Corintoyguakuérape 3:13

peteĩ teĩ rembiapokue ojekuaa vaerã pe juicio árape; tata rupi ojekuaauka vaerã mba'eichaguápa pe peteĩ teĩ rembiapokue, pe tata oikuaauka vaerã.

1 Corintoyguakuérape 4:5

Upéva rehe, peha'arõ tou Ñandejára ha tomohesakãmba pe oñemíva hína pytũnguýpe ha ani peje mba'eve hi'ára guahẽ mboyve. Ñandejára ohechauka vaerã pe peteĩ teĩ py'apýpe oĩva ha upépe ae Tupã Ñandejára ome'ẽ vaerã peteĩ teĩme pe hekopeteguáva.

Tiágo 1:12

Ovy'a vaerã pe kuimba'e ogueropu'akáva oñepy'ara'ã jave; osẽ porã rire oñeme'ẽ va'erãha rehe ichupe pe tekove tapia guarãva Tupã Ñandejára he'i va'ekue ome'ẽtaha umi ichupe ohayhúvape.

1 Pédro 1:13

Upéva rehe, peñeha'ã peñepy'amongeta porã ha peñangareko mba'éichapa peiko vaerã rehe. Peha'arõ jeroviapópe pe Tupã Ñandejára imborayhu rupi ome'ẽtava peẽme Jesucristo ojehechauka ha'ára.

1 Pédro 1:5

Ha Tupã Ñandejára ipu'aka rupi oñangareko pende rehe pejerovia rupi hese, pehupity haguã pe salvación ñembosako'i pyre ojehechauka vaerã pe ára pahápe.

1 Pédro 2:4

Peñemboja aipóramo, Cristo pe ita oikovéva rehe, kuimba'e kuéra omboyke va'ekue, Tupã Ñandejára peguarã katu ita poravo pyre hepyvéva.

1 Pédro 2:7

Peẽ pejeroviáva peguarã, upe ita nda ijoguahái; umi ojerovia'ỹva peguarã katu, oiko pe Ñandejára ñe'ẽ he'i háicha: Pe ita umi óga apoha omboyke va'ekuégui oiko pe óga cimientorã tekotevẽvéva.

1 Pédro 4:12

Che ryvy kuéra ahayhuetéva, ani peñemondýi pe hasa asy ramo ku tata mbyte rupi pehasa ramo guáicha peñepy'ara'ã haguã ojehu ramo guáicha peẽme mba'e peha'arõ'ỹva,

1 Pédro 4:13

pevy'a uvei ija rehe peẽme pehasa asy pe Cristo ohasa asy haguéicha, ikatu haguã avei pene renyhẽ vy'águi ha'e ojehechauka ha'ára oñemomba'eguasu haguã.

1 Pédro 5:1

Mbo'ehára kuéra pende apytépe oĩvape ajerure, che niko mbo'ehárante avei hendive kuéra, ha pe Cristo jehasa asy rechahare ha ahupity vaerã avei pe iglória ojehechauka ha'ára.

2 Pédro 1:1

Che, Simón Pedro, Jesucristo rembiguái ha hemimondo, ajapo ko kuatiañe'ẽ peẽ perekómavape pe jerovia iporãitéva pe ore jeroviáicha avei, Tupã Ñandejára ha ñande Salvador Jesucristo reko marangatu rupi.

2 Pédro 1:4

Ko'ã mba'e rupi ome'ẽ va'ekue ñandéve umi promesa porãita imbojojaha'ỹva pereko haguã pe Tupã Ñandejára reko marangatu pejehekýi pype yvy arigua teko vai rekógui mba'e vai potágui oúva.

2 Pédro 3:14

Upéva rehe, che ryvy kuéra ahayhuetéva, peha'arõ aja ko'ã mba'e, peñeha'ãmbaite ikatu haguéicha Tupã Ñandejára ta pende juhu py'aguapy, tekopotĩ ha marã'ỹ reheve.

Júdas 1:24

Ha pe Tupã Ñandejára peteĩ añónteva, iñarandúva, pe ñande Salvador, ipu'akapa oñangareko haguã pende rehe ani haguã pe'a, ha pene moguahẽ haguã marã'ỹ rehe ha torypaitépe iglóriape. Gloria Tupã Ñandejárape, ñemomba'eguasu pu'aka ha autoridad, Ñandejára Jesucristo rupi, ko'ãga ha tapia guarã. Amén.

Apocalípsis 1:7

Péina, Cristo ou arai apytépe ha opavave ohecha vaerã ichupe, umi ikutuhare jepe ha yvypóra kuéra oĩ haguéicha ojahe'opa vaerã ohechávo ichupe. Upéicha vaerã. Amén.

Apocalípsis 2:10

Ani rekyhyje pe rehasa asýtavagui; Aña oitýta cárcelpe peẽ kuéravape pejepy'ara'ã haguã, ha pehasa asýta diez días pukukue. Ejeroviáke remano meve, ha che ame'ẽta ndéve pe tekovete rehegua premio.

Apocalípsis 3:10

Ha'e kuri, ndéve ne paciencia haguã ha upéicha rejapo. Upéva rehe añangarekóta nde rehe pe jehasa asy guasu árape oútava yvy ári, oipy'ara'ã haguã yvypóra kuérape.

Apocalípsis 3:18

Upéva rehe, che ha'e ndéve rejogua haguã che hegui óro tatápe oñemopotĩ va'ekue, añetehápe nde rico haguã, ha che hegui rejogua haguã ao morotĩ reñemonde haguã ani haguã ojehecha nde opivoha, mba'e oporomotĩva; ha colirio remoĩ haguã nde resápe rehecha haguã.