1 Pédro 1:12 - Ñandeyara Ñe'ẽ

¹² Tupã Ñandejára katu oikuaauka va'ekue ichupe kuéra umi mba'e ha'e kuéra oñeha'ã va'ekue oikuaa haguã ndaha'éi ichupe kuéra guarã, ñandéve guarãnte hague uvei. Ha ko'ãga ko'ã mba'e oikuaauka peẽme umi oñemoñe'ẽ va'ekue peẽme pe evangelio rehe, pe Espíritu Santo yvágagui oñembou va'ekue pu'aka rupi. Ko'ã mba'e ko'ãva ángel kuéra voi oikuaaséva.

Tûpâ Ñandeyára 1913

¹² Ichupecuera voi oyecuaauca vaecue noñejaâi jague oyejejápe vointe pende rejejápente jaecuera omojerâcuâ ramo guare umimbae gui, umimbae voi coanga oyecuaaucapama vaecue peême umi oñemoñeê vaecue pe Evangelio gui pe Espiritu Santo rupi co oñembou vaecue yvagui. Umi yvapegua cuérava yepe jiâite oyaŷby omaña jaguâ umimbae reje.

Ñandejára Ñe’ẽ

¹² Ha Tupã oikuaauka peẽme, pe ha'e kuéra he'íva outaha ndaha'eiha chupe kuéra guarã, mba'e porã peẽme guarãha katu. Péicha oikuaauka vaekue peẽme umi omosarambi vaekue pende apytépe marandu pyahu, Espíritu Santo yvágagui oñembou vaekue rupi. Ko'ã mba'e ko'ãva, umi Tupã remimbou yvága pegua jepe ohechaséva.

Ñandejara Ñe’ẽ ✟

¹² Ha Tupã oikuaauka peẽme, pe ha'e kuéra he'íva outaha ndaha'eiha chupe kuéra guarã, mba'e porã peẽme guarãha katu. Péicha oikuaauka vaekue peẽme umi omosarambi vaekue pende apytépe marandu pyahu, Espíritu Santo yvágagui oñembou vaekue rupi. Ko'ã mba'e ko'ãva, umi Tupã remimbou yvága pegua jepe ohechaséva.

Ñanderuete Ñe’ẽ Porã 2015

¹² Hesu Crísto Pytu Porãite ohechaukava’ekue ichupekuéra ko mba’e kóva, ha’ekuéra oikuaaséva; ko mba’e katu ndaha’éi ichupekuéra g̃uarã, peẽme g̃uarãnte uvei ha’ekuéra omombe’ukáva. Ha ko’ág̃a oñemombe’úma avei peẽme Ñanderuete salvacion ha umi omyasãiva’ekue ko ñe’ẽ kóva pende apytépe ojapo hikuái Pytu Porãmbáva pu’aka rupi. Ko’ã mba’e yvága rembiguaikuéra (angelkuéra) jepe oikuaa porãse avei.

1 Pédro 1:12 Referencias Cruzadas

Matéo 11:25

Upéramo Jesús he'i: --Ame'ẽ ndéve las gracias, che Ru yvága ha yvy Jára, reñomi hague rehe ko'ã mba'e umi iñarandúva ha imba'ekuaávagui ha reikuaauka hague rehe umi mitãmimíme.

Matéo 11:27

‘Che Ru omoĩmba che poguýpe opa mba'e. Avave ndoikuaái pe Ta'ýrape, pe Túva mante, ha avave ndoikuaái pe Túvape, pe Ta'ýra mante, ha upe oikuaaukasévape pe Ta'ýra.

Matéo 16:17

Jesús he'i ichupe: --Revy'a vaerã Simón, Jonás ra'y, mavave kuimba'e ndoikuaaukáirigui kóva ndéve, che Ru yvága peguánte.

Márcos 16:15

Ha he'i ichupe kuéra: --Tapeho opa rupi ko mundo jerekuévo, ha pemoherakuã ko evangelio opa yvypórape.

Lúcas 15:10

Upéicha ha'e peẽme oiha vy'a tuicháva Tupã Ñandejára ángel kuéra renondépe peteĩ pecador oñearrepentíva rehe.

Lúcas 2:26

ha Espíritu Santo oikuaauka raka'e ichupe nomano mo'ãiha ohecha mboyve pe Crístope, Ñandejára remimbou.

Lúcas 9:6

Ha osẽ ha'e kuéra ha oho umi puebloha rupi ha omoherakuã pe evangelio ha oporomonguera opa rupi.

Juan 15:26

‘Ou vaerã pe pene Pytyvõharã, pe Espíritu añetegua oúva che Rúgui. Che amboúta peẽme, ha ha'e oñe'ẽ vaerã che rérape.

Apostolkuéra 10:44

Oñe'ẽ jave gueteri hína Pedro, Espíritu Santo oguejy opa umi ohendu va'ekue hína pe iñe'ẽ ári.

Apostolkuéra 16:10

Pablo ohecha vove upéva, roñembosako'i roho haguã Macedóniape, roikuaágui añetehápe Tupã Ñandejára ore renoiha romoherakuã haguã ichupe kuéra pe salvación rehegua ñe'ẽ.

Apostolkuéra 2:33

Ha Tupã Ñandejára po akatúa omopu'ã ichupe, ha ohupity pe Espíritu Santo pe Túva he'i va'ekue ome'ẽtaha ichupe, ha oñohẽ ko peẽ pehecha ha pehendúva.

Apostolkuéra 4:31

Ha oñembo'epa rire, upe óga ha'e kuéra oĩ hague oryrýi; ha ha'e kuéra henyhẽmba Espíritu Sántogui ha omoherakuã Tupã Ñandejára ñe'ẽ kyhyje'ỹ rehe.

Apostolkuéra 4:8

Ha Pedro, tenyhẽ Espíritu Sántogui, he'i ichupe kuéra: --Mburuvicha kuéra ha karai kuéra Israel pegua:

Apostolkuéra 8:25

Ha omoherakuã ha oñemoñe'ẽ rire Ñandejára ñe'ẽ rehe, apóstol kuéra ou jevývo Jerusalénpe, omoherakuã pe salvación rehegua ñe'ẽ heta Samariaygua kuéra pueblo rupi.

Romayguakuérape 1:15

upéva rehe, che rehe ramo, aime voi aikuaauka haguã pe evangelio peẽ Rómape peimévape avei.

Romayguakuérape 1:17

Pe evangelio rupi niko jaikuaa Tupã Ñandejára ñane mbohekopotĩha jerovia rupi, ha jerovia rupi añoite, he'i háicha Tupã Ñandejára Kuatiañe'ẽ Marangatúpe: “Pe Tupã Ñandejára oguerekóva hekopotĩva ramo, ojerovia rupi oikove vaerã.”

Romayguakuérape 10:15

¿Ha mba'éicha piko omoherakuãta, oĩ'ỹ ramo omondóva ichupe kuéra? Upéva niko pe Tupã Ñandejára Kuatiañe'ẽme he'íva: “¡Iporãitépa umi oguerúva ñe'ẽ oporombopy'aguapýva py kuéra, ha omoherakuãva mba'e iporãva!”

Romayguakuérape 15:19

techaukaha ha techapyrã, ha Espíritu Santo pu'aka rupi. Ha upéicha amoherakuãmba pe Cristo evangelio, Jerusalén guive opa rupi Ilírico peve.

1 Corintoyguakuérape 2:10

Ko'ã mba'e Tupã Ñandejára oikuaauka ñandéve Espíritu Santo rupi, pe Espíritu Santo oikuaapágui opa umi mba'e Tupã Ñandejára py'apyetépe oĩva jepe.

2 Corintoyguakuérape 1:22

Ñande sella va'ekue, ha omoĩ ñane corazõme pe Espíritu Santo umi mba'e ñane mba'erãva renonderãgua ramo.

2 Corintoyguakuérape 6:6

tekopotĩme, arandúpe, py'amano'ỹme, py'aporãme, Espíritu Santo ore pype oĩvape, mborayhu añetépe,

Galaciayguakuérape 1:12

Che ndarecibíri kuimba'égui, ha ndaha'éi yvypóra che mbo'e va'ekue, Jesucristo ete voi katu oikuaauka va'ekue chéve.

Galaciayguakuérape 1:16

Ha ha'e oipotáma ramo oikuaauka chéve Ta'ýra, amoherakuã haguã che ichupe umi Israelita'ỹva apytépe. Upéva ojehu ramo, ndahái va'ekue aporandu mba'eve avavépe,

Efesoyguakuérape 3:10

opáichavo oguereko va'ekue oikuaauka'ỹ rehe hembipota ikatu haguã ko'ãga, pe iglésia rupi, pe Tupã Ñandejára arandu ojekuaauka opa hendáicha umi mburuvicha ha oguerekóvape autoridad umi mba'e yvága pegua rehe,

1 Tesalonicayguakuérape 2:9

Che ryvy kuéra, peẽ niko pene mandu'a mba'éichapa romba'apo ha ore kane'õ va'ekue. Romba'apo va'ekue ára ha pyharépe, ani haguã roñasaingo pende rehe, romoherakuã aja peẽme pe Tupã Ñandejára ñe'ẽ.

1 Timotéope 3:16

Mba'eguasuete añete pe ko'ãga ojekuaaukáva: Tupã Ñandejára ojehechauka va'ekue yvypóraicha, pe Espíritu he'i hese imarangatuha, ángel kuéra ohecha va'ekue ichupe, oñemoherakuã opa tetãme, yvypóra kuéra ojerovia hese ha ojehupi va'ekue yvágape.

hebreoyguakuerape 11:13

Ha'e kuéra omanomba va'ekue ohupity'ỹ rehe umi mba'e Tupã Ñandejára he'i va'ekue ome'ẽtaha ichupe kuéra; opáichavo, ojerovia rupi ohecha va'ekue mombyry guive, ha oguerovia ha oguerohoryete va'ekue. Ha upéicha ha'e kuéra oikuaauka va'ekue mbohupáichante hague ko yvy ári,

hebreoyguakuerape 2:4

Upéramo voi Tupã Ñandejára omoañete va'ekue pe ñe'ẽ techapyrã ha mba'eguasu ha heta milagro rupi ha mba'e porãita rupi Espíritu Santo ome'ẽ va'ekue ha'e oipota háicha.

hebreoyguakuerape 4:2

Ñandéve avei niko oñemoherakuã va'ekue pe evangelio ichupe kuéraicha, opáichavo, opyta va'ekue mba'evépe pe ñe'ẽ ohendu va'ekue, ndogueroviáigui.

1 Pédro 1:25

Pe Ñandejára ñe'ẽ katu tapia guarã. Ha kóva ha'e pe ñe'ẽ evangelio rupi oñemoherakuã va'ekue peẽme.

1 Pédro 4:6

Umi omanóva oñesentencia va'ekue hekovépe yvypóra kuéraicha, ha ichupe kuéra oñeñemoñe'ẽ va'ekue avei pe evangelio rehe ikatu haguã oikove ijespíritupe Tupã Ñandejára rupi.

Apocalípsis 5:11

Upéi ama'ẽ, ha ahendu heta ángel kuéra ñe'ẽ. Umi ángel kuéra oĩ pe trono ha umi oikovéva ha umi karai kuéra jerekuévo. Ha oĩ millones ha millones ha'e kuérava,