1 Juan 5:20 - Ñandeyara Ñe'ẽ

²⁰ Jaikuaa avei Tupã Ñandejára Ra'y ou hague, ha ome'ẽ hague ñandéve akã porã jaikuaa haguã pe Tupã Ñandejára añetetévape. Ñaime pe Tupã Ñandejára añetetévape ñaimégui peteĩ py'ápe Ta'ýra Jesucristo ndive. Ha'e niko pe Tupã Ñandejára añetetéva, ha pe tekove tapia guarãva.

Tûpâ Ñandeyára 1913

²⁰ Yaicuaa voi Tûpâ Ñandeyára Raŷ ou jague ja omeéjá ñandeve ñane âcâ pôrâ jaguâ yaicuaá jaguâ pe Jaetévape, ja ñande pe Jaetéva rejegua pe Ñandeyára Taŷra Jesu Cristo rejegua voi. Jae voi pe Tûpâ Ñandeyára Jaetéva ja pe Tecove iyapyra-ŷ-va.

Ñandejára Ñe’ẽ

²⁰ Jaikuaa avei Tupã Ra'y ou hague ha ome'ẽ hague ñandéve akã porã jaikuaa haguã pe Tupã añeteguávape. Ñaime ñemopeteĩme upe hi'añetéva ndive, he'ise Ita'ýra Jesucristo ndive. Kóva pe Tupã añeteguáva ha pe jeikove opa'ỹva.

Ñandejara Ñe’ẽ ✟

²⁰ Jaikuaa avei Tupã Ra'y ou hague ha ome'ẽ hague ñandéve akã porã jaikuaa haguã pe Tupã añeteguávape. Ñaime ñemopeteĩme upe hi'añetéva ndive, he'ise Ita'ýra Jesucristo ndive. Kóva pe Tupã añeteguáva ha pe jeikove opa'ỹva.

Ñanderuete Ñe’ẽ Porã 2015

²⁰ Jaikuaa ningo Ñanderuete Ra’y ou hague, ha ome’ẽ ñandéve akã porã ñande jaikuaa hag̃ua pe Añeteguávape, ha ñande ñaĩ pe Añeteguavapype, he’ise Ñanderuete Ra’y Hesu Crístopype. Ha’e Ñandejára Añeteguáva ha pe tekove tapia g̃uarãva.

1 Juan 5:20 Referencias Cruzadas

Matéo 13:11

Jesús he'i ichupe kuéra: --Tupã Ñandejára niko oikuaauka peẽme umi mba'e ñemimby iréino rehegua ha ichupe kuéra katu ahániri.

Lúcas 21:15

che voi ame'ẽ va'erãgui peẽme juru ha arandu, ikatu'ỹ vaerã rehe ipu'aka terã pene mbohovái mavavéva umi oñemoĩva pende rehe.

Lúcas 24:45

Ha oikuaauka ichupe kuéra pe Tupã Ñandejára Kuatiañe'ẽ Marangatu

Juan 1:18

Tupã Ñandejárape máramo avave ndohechái va'ekue; opáichavo, pe Ta'ýra peteĩmí, oĩva Túva corazõ ypypete, oikuaauka va'ekue ñandéve mba'éichapa Ha'e.

Juan 10:30

Che ha che Ru peteĩ mba'énte.

Juan 14:20

Upeha árape peẽ pehechakuaáta che aimeha che Rúpe, ha peẽ peimeha che pype ha che aimeha pende pype.

Juan 14:23

Jesús he'i ichupe: --Pe che rayhúva ojapo pe che ha'éva, ha che Ru ohayhu vaerã upévape, ha che Ru ha che roju vaerã ropyta haguã hendive.

Juan 14:6

Jesús he'i ichupe: --Che ha'e pe tape, ha che ha'e pe añete ha che ha'e avei pe tekovete. Che rupi mante ikatu oñeguahẽ che Ru rendápe.

Juan 14:9

Jesús he'i ichupe: --Felipe, hetaite árama niko aime penendive, ¿ha piko ne'ĩra che kuaa? Pe chéve che recháva, ohecha che Rúpe, ha upéicharamo, ¿piko mba'e rehe rejerure chéve ahechauka haguã peẽme che Rúpe?

Juan 15:4

Pepytákena juajuhápe che rehe, che ajuaju háicha pende rehe. Pe hakãngue ha'eño rei ndaikatúi hi'a oĩ'ỹ ramo pe imáta rehe; upéicha avei peẽ ndaikatúi pende'a pejuaju'ỹ ramo che rehe.

Juan 17:14

Che ame'ẽ va'ekue ichupe kuéra ne ñe'ẽ, yvypóra kuéra katu ndohayhúi ichupe kuéra ha'e kuéra ndaha'éigui yvypóra kuéra rehegua ko che ndaha'éi háicha avei yvypóra kuéra rehegua.

Juan 17:25

Che Ru marangatu, yvypóra kuéra na nde kuaái, che katu roikuaa, ha ko'ãva oikuaáma nde che mbou hague.

Juan 17:3

Kóva niko ha'e pe tekove tapia guarã, ta nde kuaa hikuái ndéve nde añoiteha Tupã Ñandejára añetegua, ha toikuaa Jesucrístope, pe nde rembou va'ekue.

Juan 20:28

Upéramo Tomás he'i: --¡Che Jára ha che Tupã!

Juan 8:42

Jesús katu he'i ichupe kuéra: --Tupã Ñandejára rire añete pende ru, peẽ che rayhu vaerã mo'ã, ko che ajúva Tupã Ñandejára rendágui ha ko'ãga aime ko'ápe. Ndajúi che jehegui rei, Tupã Ñandejára uvei che mbou.

Apostolkuéra 20:28

Upéva rehe, peñangareko pende jehe voi ha peñangareko opa umi oñembyatýva rehe, pene moĩ haguépe Espíritu Santo peñangareko haguã umi Ñandejára Jesucristo iglésia pegua rehe, ha'e ojogua va'ekue huguy teete rupi.

Romayguakuérape 9:5

Ha'e kuéra ñande ru kuéra ypykue ñemoñare, ha hetã megua kuéragui ou va'ekue pe Cristo yvypóraicha, ha'e niko Tupã opaite mba'e ári, oñemomba'eguasu vaerã tapia guarã. Amén.

1 Corintoyguakuérape 1:30

Opáichavo, Tupã Ñandejára voi pene mopeteĩ Cristo Jesús ndive ha ojapo avei Cristo oiko haguã ñandéve arandu ramo, ha Cristo rupi ñande culpa'ỹ haguã, ñane marangatu haguã ha jajesalva haguã.

2 Corintoyguakuérape 4:6

Pe Tupã Ñandejára ete voi he'i va'ekue pe tesapehára ohesape haguã pe pytũnguýpe, ohesape va'ekue ore py'apy, ikatu haguã upe tesapeha rendy rupi rohecha pe Tupã Ñandejára gloria omimbíva Jesucristo rova rehe.

2 Corintoyguakuérape 5:17

Upéva rehe, pe oñemopeteĩva Cristo ndive ohupity tekove pyahu, umi mba'e tuja ohasapáma ha opa mba'e ipyahupa.

Efesoyguakuérape 3:18

ikatu haguã peikuaa porã opavave umi hese ojeroviáva ndive mba'eichaitépa ipy, ipuku, ipypuku, ha ijyvatekue pe Cristo mborayhu, ha ta peikuaa upe mborayhu,

Filipoyguakuérape 3:9

ha ta che peteĩ hendive, ndaha'éi che reko potĩgui ley rupi, pe teko potĩ jahupitýva Cristo rehe jajerovia rupínte uvei, pe teko potĩ Tupã Ñandejára ome'ẽva umi ojeroviávape Cristo rehe;

1 Timotéope 3:16

Mba'eguasuete añete pe ko'ãga ojekuaaukáva: Tupã Ñandejára ojehechauka va'ekue yvypóraicha, pe Espíritu he'i hese imarangatuha, ángel kuéra ohecha va'ekue ichupe, oñemoherakuã opa tetãme, yvypóra kuéra ojerovia hese ha ojehupi va'ekue yvágape.

Títope 2:13

Pe imborayhu ñane mbo'e ñaha'arõkuaa haguã oiko peve hekopete upe he'i va'ekue ñandéve, ou ramo guarã mimbipápe Tupã Ñandejára mba'eguasu etéva ha ñande Salvador Jesucristo.

hebreoyguakuerape 1:8

Pe Ta'ýra rehe katu he'i: Pe ne trono niko, nde Tupã Ñandejára, tapia guarã; nde remandahápe remanda hekopete.

1 Juan 2:23

Upe omomba'e'ỹva pe Ta'ýrape, ndoguerekói Tupã Ñandejárape Túva ramo; ha upe omomba'éva pe Ta'ýrape katu, oguereko Túva ramo Tupã Ñandejárape.

1 Juan 2:24

Upéva rehe kena pereko pende pype pe ñe'ẽ pehendu va'ekue iñepyrũha guive; ha upe pehendu va'ekue opyta ramo pende pype, peẽ voi peime vaerã peteĩ py'ápe pe Ta'ýra ha pe Túva ndive.

1 Juan 2:6

Pe he'íva ipeteĩha Tupã Ñandejára ndive oiko vaerã pe Jesucristo oiko haguéicha.

1 Juan 4:14

Ha ore voi rohecha va'ekue ha romombe'u pe Túva ombou hague Ta'ýrape osalva haguã yvypóra kuérape.

1 Juan 4:16

Upéicha jaju jaikuaa ha jarovia pe Tupã Ñandejára mborayhu ñanendive guarã. Tupã Ñandejára niko mborayhu ha pe oikóva mborayhúpe oĩ Tupã Ñandejárape, ha Tupã Ñandejára oĩ ipype.

1 Juan 4:2

Kóicha ikatúta peẽ peikuaa Tupã Ñandejára Espíritupa: opa umi he'íva Jesucristo ou hague kuimba'e teetéicha, oguereko pe Tupã Ñandejára Espíritu;

1 Juan 5:1

Opa ogueroviáva Jesús ha'eha pe Cristo, upéva Tupã Ñandejára ra'y, ha pe ohayhúva pe túvape, ohayhu avei pe túva ra'ýpe.

1 Juan 5:15

Ha jaikuaa pype Tupã Ñandejára ohenduha ñane ñembo'e, jaikuaa avei jarekomaha upe jajerure va'ekue ichupe.

1 Juan 5:18

Jaikuaa opa upe Tupã Ñandejára ra'ýva ndoikoiha opeca, Tupã Ñandejára Ra'y oñangarekógui hese ha Aña ndaikatúi opoko hese.

1 Juan 5:5

Ndaipóri ipu'akáva ko mundo rehe oguerovia'ỹ ramo Jesús Tupã Ñandejára Ra'yha.

Apocalípsis 15:3

Ha opurahéi hikuái pe Moisés Tupã Ñandejára rembiguái purahéi, ha pe Ovecha Ra'y purahéi, he'íva: Tuicha ha iporãite niko opa umi ne rembiapokue, Tupã Ñandejára nde pu'akapáva; hekópe ha añetete niko nde rape kuéra, nde tetã nguéra Ruvicha guasuvete.

Apocalípsis 19:11

Ha ahecha pe yvága rokẽ ojepe'a, ha osẽ peteĩ kavaju morotĩ, ha pe oguapýva hi'ári héra Fiel ha Verdadero, hekopete oporojuzga ha oñorairõva.

Apocalípsis 3:14

Emoĩ ñe'ẽ kuatia rehe pe iglésia Laodicéape oĩva rembijokuái peguarã: “Péicha he'i pe Añetetéva, pe testigo fiel iñe'ẽ añetéva, opa umi mba'e Tupã Ñandejára ojapo va'ekue ñepyrũhare:

Apocalípsis 3:7

Emoĩ ñe'ẽ kuatia rehe pe iglésia Filadélfiape oĩva rembijokuái peguarã: “Péicha he'i pe Imarangatuetéva, pe Añetetéva, pe rey David llave oguerekóva, pe oipe'áva ha avave ikatu'ỹva omboty, ha omboty ramo avave ndaikatúi oipe'a.

Apocalípsis 6:10

Ha umíva hatã he'i: --¿Araka'e pevépa, Ñandejára marangatu, ne añetéva ne ñe'ẽme, nderejuzga ha nerevenga mo'ãi ore ruguy oñeñohẽ va'ekue yvypóra kuéra po rupi?