1 Juan 5:19 - Ñandeyara Ñe'ẽ

¹⁹ Jaikuaa Tupã Ñandejára mba'eha ñande ha ko mundo oĩmbaha Aña poguýpe.

Tûpâ Ñandeyára 1913

¹⁹ Yaicuaa voi ñande Tûpâ Ñandeyára rejeguajá ñande, ja opa co ybyrejegua opytajá pe mbaepochy poguŷpe.

Ñandejára Ñe’ẽ

¹⁹ Jaikuaa ñande Tupã mba'eha ha opa yvypóra reko rayhuhára oĩha Aña poguýpe.

Ñandejara Ñe’ẽ ✟

¹⁹ Jaikuaa ñande Tupã mba'eha ha opa yvypóra reko rayhuhára oĩha Aña poguýpe.

Ñanderuete Ñe’ẽ Porã 2015

¹⁹ Jaikuaa porã ningo ñande, Ñanderuete mba’eha, ha jaikuaa avei ko múndo oĩha gueteri Satana (aña) poguýpe.

1 Juan 5:19 Referencias Cruzadas

Lúcas 4:6

Ha he'i ichupe pe mba'epochy: --Che ame'ẽmbáta ndéve ko autoridad ha ko'ã tetã nguéra tuichakue. Chéve oñeme'ẽmba ko'ãva ha che ame'ẽsévape ame'ẽ.

Juan 12:31

Ko'ãga yvypóra kuéra ojejuzgáta, ha ko'ãga Aña, ko mundo ruvicha, oñemosẽta.

Juan 14:30

‘Nañe'ẽ heta mo'ãvéima penendive, oúmagui mba'epochy ko mundo ruvicha. Ha'e nda ipu'akái mba'evetépe che rehe;

Juan 16:11

ha ohechaukáta ichupe kuéra pe Tupã Ñandejára juicio, oñecondenámagui pe mba'epochy ko mundo ruvicha.

Juan 17:15

Ndajeruréi ndéve reipe'a haguã ichupe kuéra yvy árigui, ivaívaguinte ejokomi.

Romayguakuérape 8:16

Ha pe Espíritu ete voi niko ñande py'apýpe oikuaauka ñandéve Tupã Ñandejára ra'yha ñande.

2 Corintoyguakuérape 1:12

Oime niko peteĩ mba'e ore mbovy'áva, roñandu pe ore py'apýpe ore reko marangatu ha nda ore rova mokõiri hague ko yvy ári, ha pende apytépema katu. Tupã Ñandejára imborayhu rupi ore pytyvõ roiko haguã upéicha, ha ndaha'éi yvypóra arandukue rupi.

2 Corintoyguakuérape 4:4

Ha'e kuéra ndogueroviáigui, ko mundo ruvicha omoakãypytũ ichupe kuéra ani haguã ohesape ichupe kuéra pe Cristo gloria rehegua evangelio. Cristo niko peteĩchante Tupã Ñandejára ndive.

2 Corintoyguakuérape 5:1

Jaikuaa niko, ko ñande rete oñembyai ramo, peteĩ óga hi'are'ỹvaicha, Tupã Ñandejára oguerekoha sako'ipyre ñandéve guarã yvágape peteĩ óga tapia guarãva, ndojejapói va'ekue yvypóra po rupi.

Galaciayguakuérape 1:4

Jesucristo niko ha'e upe oñeme'ẽ va'ekue omano haguã ñande pecado kuéra rehe, ñande pe'a haguã ko mundo vaígui, pe oipota haguéicha Tupã Ñandejára ñande Ru.

Efesoyguakuérape 2:2

peẽ peiko va'ekuépe umi mba'e vaípe, peiko pype yvypóra kuéra oiko háicha ha pejapo pype pe espíritu arapy ruvicha rembipota, ombopy'aguasúva yvypóra kuéra iñe'ẽrendu'ỹvape Tupã Ñandejárape.

2 Timotéope 1:12

Upéva rehe ahasa asy aína. Opáichavo, natĩri, aikuaágui máva rehepa ajerovia, ha aikuaa porã ipu'akaha oñongatu haguã upeha ára peve upe añongatuka va'ekue ipype.

Títope 3:3

Ñande avei niko yma jaiko va'ekue ñañehundi ñande vyrokuépe ha ñane ñe'ẽrendu'ỹme opaichagua mba'e pota ha vy'a rembiguái ramo. Jaiko va'ekue tembiapo vai ha envídiape na ñande a'éimi ñande rapicha kuéra rehe ha ha'e kuéra ndaija'éi ñande rehe.

Tiágo 4:4

¡Ha! peẽ tekove infiel. ¿Ndapeikuaái piko peẽ umi yvypóra reko rayhuhára Tupã Ñandejára enemigoha? Oimeraẽva oikoséva yvypóra reko rayhuhára ramo, oiko Tupã Ñandejára enemigo ramo.

1 Juan 3:14

Ñande jaikuaa jahasáma hague manógui pe tekovetépe jahayhu rehe ñane hermano kuérape. Pe ohayhu'ỹva iñehermano omano gueteri.

1 Juan 3:24

Pe ojapóva Tupã Ñandejára rembiapoukapy, oĩ Tupã Ñandejára ndive, ha Tupã Ñandejára oĩ ipype, ha jaikuaa Tupã Ñandejára oiha ñande pype pe Espíritu ome'ẽ va'ekue ñandéve rupi.

1 Juan 5:10

Pe ojeroviáva Tupã Ñandejára Ra'y rehe oguereko pe kuaaukapyre ipype voi, pe oguerovia'ỹva Tupã Ñandejárape katu ombojapu ichupe, ndogueroviái hague rehe pe Tupã Ñandejára he'i va'ekue oikuaaukávo Ta'ýra reheguáva.

1 Juan 5:13

Amoĩ niko peẽme kuatia rehe ko'ã ñe'ẽ peikuaa haguã perekoha pe tekove tapia guarãva, peẽ pejeroviáva Tupã Ñandejára Ra'y rehe.

1 Juan 5:15

Ha jaikuaa pype Tupã Ñandejára ohenduha ñane ñembo'e, jaikuaa avei jarekomaha upe jajerure va'ekue ichupe.

1 Juan 5:18

Jaikuaa opa upe Tupã Ñandejára ra'ýva ndoikoiha opeca, Tupã Ñandejára Ra'y oñangarekógui hese ha Aña ndaikatúi opoko hese.

1 Juan 5:20

Jaikuaa avei Tupã Ñandejára Ra'y ou hague, ha ome'ẽ hague ñandéve akã porã jaikuaa haguã pe Tupã Ñandejára añetetévape. Ñaime pe Tupã Ñandejára añetetévape ñaimégui peteĩ py'ápe Ta'ýra Jesucristo ndive. Ha'e niko pe Tupã Ñandejára añetetéva, ha pe tekove tapia guarãva.

Apocalípsis 12:9

Ha oñemosẽ yvágagui pe tejujagua guasu, upe mbói ymaiteguare hérava Aña ha Satanás, pe ombotavýva opa yvypóra kuérape. Ha'e ha hi'ángel kuéra oñemombo yvy ári.

Apocalípsis 20:3

Ha oity pe yvykua pypukúpe, omboty upépe ha omoĩ peteĩ sello pe okẽ rehe anive haguã ombotavy umi tetã nguérape ohasa peve mil años. Uperire katu ojepoi jevy sapy'ami vaerã ichugui.