1 Juan 4:7 - Ñandeyara Ñe'ẽ

⁷ Che ryvy kuéra pohayhuetéva, jajohayhu vaerã, pe mborayhu niko ou Tupã Ñandejára gui. Opa umi oporohayhúva Tupã Ñandejára ra'y ha oikuaa Tupã Ñandejárape.

Tûpâ Ñandeyára 1913

⁷ Che rayjupára cuera, yayojayju oñondive. Pe mboraŷju Tûpâ Ñandeyára rejegua voi, ja oime ramo jayjujára, upéva Tûpâ Ñandeyára ñemoñaré ja oicuaa Tûpâ Ñandeyárape.

Ñandejára Ñe’ẽ

⁷ Che pehẽngue kuéra pohayhúva, jajoayhu vaerã, pe mborayhu oúre Tupãgui. Opa oporohayhúva, Tupã ra'y ha oikuaa Tupãme.

Ñandejara Ñe’ẽ ✟

⁷ Che pehẽngue kuéra pohayhúva, jajoayhu vaerã, pe mborayhu oúre Tupãgui. Opa oporohayhúva, Tupã ra'y ha oikuaa Tupãme.

Ñanderuete Ñe’ẽ Porã 2015

⁷ Che rayhupára, jajohayhúkena, mborayhu ningo Ñanderuete mba’e voi. Ha opaite oporohayhúva onace Ñanderuetégui, ha oikuaa ichupe.

1 Juan 4:7 Referencias Cruzadas

Juan 13:34

Aheja peẽme ko tembiapoukapy pyahu: Ta pejuayhu. Ko che pohayhu háicha, pejuayhu vaerã peẽ avei.

Juan 17:3

Kóva niko ha'e pe tekove tapia guarã, ta nde kuaa hikuái ndéve nde añoiteha Tupã Ñandejára añetegua, ha toikuaa Jesucrístope, pe nde rembou va'ekue.

1 Corintoyguakuérape 8:3

Oime ramo ohayhúva Tupã Ñandejárape katu, Tupã Ñandejára oikuaa upévape.

2 Corintoyguakuérape 4:6

Pe Tupã Ñandejára ete voi he'i va'ekue pe tesapehára ohesape haguã pe pytũnguýpe, ohesape va'ekue ore py'apy, ikatu haguã upe tesapeha rendy rupi rohecha pe Tupã Ñandejára gloria omimbíva Jesucristo rova rehe.

Galaciayguakuérape 4:9

Ko'ãga peikuaáma ramo Tupã Ñandejárape katu, terã iporãve ja'e ramo, Tupã Ñandejára pende kuaáma ramo peẽme, ¿piko mba'éicha pejevýta peína peiko jevy haguã umi mba'e kangy, poriahu, rembiguái ramo?

Galaciayguakuérape 5:22

Pe Espíritugui katu ou mborayhu, vy'a, py'aguapy, paciencia, py'aporã, mba'eporã, jeroviaha,

2 Timotéope 1:7

Tupã Ñandejára niko nome'ẽi ñandéve py'amirĩ, ome'ẽ uvei ñandéve pu'aka, mborayhu ha jererekokuaa.

1 Pédro 1:22

Ha ko'ãga peẽ, Espíritu Santo rupi, pene ñe'ẽrendu pe ñe'ẽ añetetévape ha upéicha pemopotĩ pene ánga ha peju pehayhu tova mokõi'ỹ reheve pene hermano kuérape. Pejuayhúkena aipóramo pende py'aite guive ha opa ikatu háicha.

1 Juan 2:10

Pe ohayhúva iñehermánope katu oiko pe tesape rendýpe, ha noñepysangái.

1 Juan 2:29

Peẽ niko peikuaa Jesucristo imarangatuha, peikuaa vaerã avei opa umi hembiapo porãva Tupã Ñandejára ra'yha.

1 Juan 2:3

Ñane ñe'ẽrendu ramo umi Tupã Ñandejára rembiapoukapýpe, jaikuaa jaikuaaha ichupe.

1 Juan 2:4

Oime ramo he'íva: “Che aikuaa ichupe”, ha ndojapói pe hembiapoukapy, ijapu ha nde'íri pe añetegua.

1 Juan 2:7

Che rembiayhu kuéra, ko tembiapoukapy amoĩva aína peẽme kuatia rehe nda ipyahúiri, pe tembiapoukapy peẽ pereko va'ekue iñepyrũha guive voínte. Pe tembiapoukapy yma guaréva niko pe ñe'ẽ pehendu va'ekue voi iñepyrũha guive.

1 Juan 3:9

Opa umi Tupã Ñandejára ra'ýva ndopecái, pe Tupã Ñandejára reko rehegua oĩgui ipype kuéra, ha ndaikatúi oiko opeca, Tupã Ñandejára ra'ýgui ha'e kuéra.

1 Juan 4:11

Che ryvy kuéra pohayhuetéva, upéicha ñande rayhu rire ramo Tupã Ñandejára ñande jajohayhu vaerã avei.

1 Juan 4:12

Máramo avave ndohechái va'ekue Tupã Ñandejárape, opáichavo, jajohayhu ramo Tupã Ñandejára voi oĩ ñande pype ha upéicharamo Tupã Ñandejára mborayhu oĩ hekopete ñande pype.

1 Juan 4:16

Upéicha jaju jaikuaa ha jarovia pe Tupã Ñandejára mborayhu ñanendive guarã. Tupã Ñandejára niko mborayhu ha pe oikóva mborayhúpe oĩ Tupã Ñandejárape, ha Tupã Ñandejára oĩ ipype.

1 Juan 4:20

Oime ramo he'íva: “Che ahayhu Tupã Ñandejárape”, ha ndaija'éi ave iñehermano rehe, ijapu. Pe ohayhu'ỹva iñehermano ohechávape, ¿piko mba'éicha ohayhúta Tupã Ñandejára ha'e ohecha'ỹvape?

1 Juan 4:8

Pe oporohayhu'ỹva katu ndoikuaái Tupã Ñandejárape, Tupã Ñandejára niko mborayhu.

1 Juan 5:1

Opa ogueroviáva Jesús ha'eha pe Cristo, upéva Tupã Ñandejára ra'y, ha pe ohayhúva pe túvape, ohayhu avei pe túva ra'ýpe.

2 Juan 1:5

Ha ko'ãga ajerure ndéve kuñakarai, ta jajohayhu. Ko ñe'ẽ amoĩva ndéve kuatia rehe ndaha'éi tembiapoukapy pyahu, pe jareko va'ekue iñepyrũha guive voínte uvei.