1 Juan 3:5 - Ñandeyara Ñe'ẽ

⁵ Peikuaáma háicha, Jesucristo ou hague oipe'a haguã ñande pecado, ha ha'e ndoguerekói ojehe mba'eveichagua pecado.

Tûpâ Ñandeyára 1913

⁵ Pe angaipa voi jecoŷmegua, ja peêcuera peicuaa Jae oyecuaauca jague oipea jaguâ angaipa, ja ipype voi ndipóri angaipa.

Ñandejára Ñe’ẽ

⁵ Peẽ peikuaáma Jesucristo ou hague yvy ári oipe'a haguã ñane angaipa, ha ha'e ndojapói hague mba'eveichagua angaipa.

Ñandejara Ñe’ẽ ✟

⁵ Peẽ peikuaáma Jesucristo ou hague yvy ári oipe'a haguã ñane angaipa, ha ha'e ndojapói hague mba'eveichagua angaipa.

Ñanderuete Ñe’ẽ Porã 2015

⁵ Peẽ ningo peikuaa voi, Hesu Crísto ojehechauka hague oipe’a hag̃ua ñane rembiapo vaikue, ipype ndaipórigui angaipa (tembiapo vai).

1 Juan 3:5 Referencias Cruzadas

Matéo 1:21

Ha'e imembýta ha rembohérata pe mitã JESÚS; ha'e osalvátagui hetãmegua kuérape ipecádo kuéragui.

Lúcas 23:41

Ñande niko añetehápe hekoitépe jahasa asy ñaína, hekoviágui ñandéve ñande rembiapo vaikue, ko kuimba'e katu ndojapói mba'eve ivaíva.

Lúcas 23:47

Ha umi soldado ruvicha ohechávo pe ojehu va'ekue, omomba'eguasu Tupã Ñandejárape, he'ívo: --Añetehápe ko kuimba'e imarangatu ra'e.

Juan 1:29

Upe ára ambuépe Juan ohecha Jesúspe oguahẽ ohóvo hendápe, ha he'i: --Kóva ha'e pe Tupã Ñandejára ovecha ra'y oipe'áva yvypóra kuéra pecado.

Juan 1:31

Che voi ndaikuaái va'ekue ichupe, opáichavo, aporobautiza va'ekue ajúvo ýpe aikuaauka haguã Israelgua kuérape, mávapa ha'e.

Juan 14:30

‘Nañe'ẽ heta mo'ãvéima penendive, oúmagui mba'epochy ko mundo ruvicha. Ha'e nda ipu'akái mba'evetépe che rehe;

Juan 8:46

¿Mávapa peẽ kuérava ikatu ohechauka che arekoha pecado? Ha ha'e ramo pe añetegua ¿piko mba'e rehe nda pe che reroviái?

2 Corintoyguakuérape 5:21

Cristo ndopecái va'ekue, opáichavo, ñande rayhupápe Tupã Ñandejára oguereko va'ekue ichupe pecador ramo, ñañe mopeteĩvo Cristo ndive ikatu haguã jahupity pe teko potĩ Tupã Ñandejára ome'ẽva.

1 Timotéope 1:15

Kóva ñe'ẽ añetegua, ha opavave ikatúva oguerovia: Cristo Jesús ou hague yvy ári pecador kuérape osalva haguã, ha umi pecador apytépe che pe ivaive va'ekue;

1 Timotéope 3:16

Mba'eguasuete añete pe ko'ãga ojekuaaukáva: Tupã Ñandejára ojehechauka va'ekue yvypóraicha, pe Espíritu he'i hese imarangatuha, ángel kuéra ohecha va'ekue ichupe, oñemoherakuã opa tetãme, yvypóra kuéra ojerovia hese ha ojehupi va'ekue yvágape.

Títope 2:14

Ha'e ome'ẽ va'ekue hekove ñande rayhupápe, ñande pe'a haguã opa mba'e ivaívagui ha ñane mopotĩ haguã imba'e teerã, hakate'ỹva tembiapo porã rehe.

hebreoyguakuerape 1:3

Pe Tupã Ñandejára gloria ojehecha Ta'ýra rehe, ha ha'e niko peteĩchaite Tupã Ñandejára ndive ha pe iñe'ẽ pu'aka rupi oĩmba hendápe opaite mba'e. Ha'e ñane mopotĩ va'ekue ñande pecádogui, ha upéi oguapy yvágape Tupã Ñandejára akatúape.

hebreoyguakuerape 4:15

Pe ñande pa'i guasu niko ñande poriahuverekokuaa ñande kangy jave ramo, ha'e voi oñepy'ara'ã hague rehe ñandéicha avei, upéicharamo jepe ndopecái va'ekue.

hebreoyguakuerape 7:26

Ha peichagua pa'i guasu niko pe ñaikotevẽva: imarangatúva, imba'eporãva, hekopotĩva, ojehe'a'ỹ va'ekue pecador kuéra rekovaikue rehe ha yvágagui yvateteve ojehupi va'ekue.

hebreoyguakuerape 9:26

Upéicha rire, Cristo tekotevẽ vaerã mo'ã omano heta jevy ko mundo oiko ñepyrũ guive. Upéva rangue katu ko'ãga oguahẽma ramo umi ára, Cristo ou va'ekue ha ome'ẽ hekove peteĩ jevy tapia guarã oipe'a haguã pe pecado.

hebreoyguakuerape 9:28

upéicha avei Cristo peteĩ jevy añónte ome'ẽ va'ekue hekove oipe'a haguã hetágui ipecádo kuéra; ha upéi katu ou jevy vaerã ndaha'evéima ogueraha haguã pecado, osalva haguã umi ichupe oha'arõvapente.

1 Pédro 1:18

Peikuaa porãgui Tupã Ñandejára pende salva hague pe pende rekovekue maraverãgui peru va'ekue pende ru ypykuéragui; ha upe salvación repy ndaha'éi hague mba'e opa vaerã óro terã plátaicha,

1 Pédro 1:20

Cristo oñembosako'i va'ekue upevarã Tupã Ñandejára ojapo mboyve guive ko mundo, ha ko'ã ára pahávo katu ojehechauka pende rayhupápe.

1 Pédro 2:22

Ha'e ndojapói va'ekue mba'eveichagua ivaíva, ha noporombotavýi va'ekue araka'eve;

1 Pédro 2:24

Cristo ete voi ogueraha va'ekue ñande pecado kuéra hetépe kurusu rehe, ndajaikovevéima haguã pecádope, jaiko haguã teko marangatúpe uvei. Ha'e ojekutu va'ekue peẽ pekuera haguã.

1 Pédro 3:18

Cristo ohasa asy va'ekue avei, omano va'ekue ñande pecado kuéra rehe peteĩ jevýnte; ha'e imarangatúva, omano umi imarangatu'ỹva rehe, ñande reraha haguã Tupã Ñandejárape. Hete omano va'ekue, ijespíritu katu oikove jevy va'ekue.

1 Juan 1:2

Upe tekovete ojehechauka va'ekue ha ore rohecha va'ekue, ha péina romombe'u roikuaauka haguã peẽme ko tekovete tapiaguáva, oĩ va'ekue Túva ndive ha ojehechauka va'ekue oréve.

1 Juan 1:7

Jaiko ramo tesapeha rendýpe katu, pe Tupã Ñandejára oĩ háicha tesape rendýpe, upéicharamo ñaime oñondive kuéra peteĩ py'ápe ha Ta'ýra Jesucristo ruguy ñane mopotĩ opa ñande pecádogui.

1 Juan 2:1

Che ra'y kuéra, amoĩ kuatia rehe peẽme ko'ã mba'e, ani haguã pepeca. Opáichavo, oime ramo opecáva jareko abogado, pe Túva ndive guarã, Jesucrístope, pe imarangatúva.

1 Juan 2:2

Jesucristo ete voi niko imano rupi oipe'a ñande pecado kuéra ha na ñande heguíri añó, opavave yvypóra pecado kuéra avei.

1 Juan 2:29

Peẽ niko peikuaa Jesucristo imarangatuha, peikuaa vaerã avei opa umi hembiapo porãva Tupã Ñandejára ra'yha.

1 Juan 3:8

Pe oikóva opeca katu Aña mba'e, Aña opecágui iñepyrũmby guive. Pe Tupã Ñandejára Ra'y ou va'ekue ombyai haguã voi pe Aña rembiapokue.