1 Juan 3:21 - Ñandeyara Ñe'ẽ

²¹ Upéicha rupi, che ryvy kuéra pohayhuetéva, ñande py'apy noñandukái ramo ñandéve mba'eve jajeroviakuaa Tupã Ñandejára rehe;

Tûpâ Ñandeyára 1913

²¹ Che rayjupára, ñande pya ñane moîvaí-ŷ-ramo, yareco yayeroviaite jaguâ Tûpâ Ñandeyára reje yayepoyju-ŷ-reje, ja upeicharamo, oimeraêva mbae yayerure jaichaguánte,

Ñandejára Ñe’ẽ

²¹ Che pehẽngue kuéra pohayhúva, ñande py'a na ñane moĩ vaíri ramo, jajerovia Tupã renondépe.

Ñandejara Ñe’ẽ ✟

²¹ Che pehẽngue kuéra pohayhúva, ñande py'a na ñane moĩ vaíri ramo, jajerovia Tupã renondépe.

Ñanderuete Ñe’ẽ Porã 2015

²¹ Che rayhupára, ñande py’apyñe’ẽ ñanemoĩ porã ramo, ñande jareko esperánza Ha’érupi.

1 Juan 3:21 Referencias Cruzadas

Romayguakuérape 14:22

Pe jerovia rerekóva, rereko vaerã nde jupe guarã añó Tupã Ñandejára renondépe. ¡Ovy'aite vaerã pe omoporãva peteĩ mba'e oñandu'ỹ rehe ipy'apýpe hembiapo vaiha!

1 Corintoyguakuérape 4:4

ha upéicha nañandúi ramo jepe mba'eve ivaíva che py'apýpe, nda'éi oĩ'ỹne haguã che rehe hekope'ỹguáva. Ñandejára niko upe che juzgáva.

2 Corintoyguakuérape 1:12

Oime niko peteĩ mba'e ore mbovy'áva, roñandu pe ore py'apýpe ore reko marangatu ha nda ore rova mokõiri hague ko yvy ári, ha pende apytépema katu. Tupã Ñandejára imborayhu rupi ore pytyvõ roiko haguã upéicha, ha ndaha'éi yvypóra arandukue rupi.

Efesoyguakuérape 3:12

Cristo rupi ikatu ñaguahẽ Tupã Ñandejára rendápe, jerovia pópe jajerovia rupi hese.

1 Timotéope 2:8

Upéva rehe opa rupi kuimba'e kuéra toñembo'e ha tomopu'ã po potĩ pochy'ỹ ha ñe'ẽ joapi'ỹ rehe.

hebreoyguakuerape 10:22

Upéva rehe, ñaguahẽ vaerã Tupã Ñandejára rendápe py'a peteĩ reheve ha jeroviaitépe, ha'e niko omopotĩ va'ekue ñande py'apy anive haguã jajepy'apy ñande pecado kuéra rehe, ha ojehéi va'ekue ñande rete ý potĩ ete asýpe.

hebreoyguakuerape 4:16

Upéva rehe jajerovia ha ñaguahẽ vaerã Tupã Ñandejára oporohayhúva rendápe jahupity haguã pe ipy'aporiahuvereko ha ñane pytyvõ haguã ñaikotevẽ jave.

1 Juan 2:28

Ko'ãga che ra'y kuéra, pepyta hatã Cristo ndive, jajerovia haguã ha'e ojehechauka ha'ára ha ani haguã ñatĩ henondépe ha'e ou ha'ára.

1 Juan 2:7

Che rembiayhu kuéra, ko tembiapoukapy amoĩva aína peẽme kuatia rehe nda ipyahúiri, pe tembiapoukapy peẽ pereko va'ekue iñepyrũha guive voínte. Pe tembiapoukapy yma guaréva niko pe ñe'ẽ pehendu va'ekue voi iñepyrũha guive.

1 Juan 3:2

Che ryvy kuéra ahayhuetéva, ko'ãga voi ñande Tupã Ñandejára ra'ýma, ha ndojehechaukái gueteri mba'e va'erãpa gueteri ñande. Opáichavo, jaikuaa Jesucristo ojehechauka ha'ára ha'eichataha ñande jahecháta rehe ichupe ha'e ha'e haichaite.

1 Juan 3:20

pe ñande py'apy oñanduka ramo ñandéve oimeraẽva mba'e, Tupã Ñandejára tuichave mba'e pe ñande py'apýgui ha oikuaapa opa mba'e.

1 Juan 4:17

Ha upéicha ramo pe mborayhu oĩ hekopete ñande pype jakyhyje'ỹ haguã pe juicio árape, Jesucrístoichagui ñande kuéra ko múndope.

1 Juan 5:14

Jajerovia niko Tupã Ñandejára rehe, ha'e ñane rendúgui pe jajerurévape, jajerure ramo pe ha'e oipota háicha.