1 Juan 3:16 - Ñandeyara Ñe'ẽ

¹⁶ Jaikuaa mba'épa pe mborayhu Jesucristo ome'ẽ pype hekove ñande rehe ha upéicha avei ñande ñame'ẽ vaerã ñande rekove ñane hermano kuéra rehe.

Tûpâ Ñandeyára 1913

¹⁶ Coichavo yaicuaa mbaépa porayju Cristo omoî jague reje oguecove ñandereje jápe, ja upeicha avei ñande cuera ñamoi vaerâ ñande recové ñande reŷicuera rejejápe.

Ñandejára Ñe’ẽ

¹⁶ Jaikuaa mba'épa pe mborayhu Jesucristo ome'ẽ haguére hekove ñande rayhupápe, ha ñande avei ñame'ẽ vaerã ñande rekove ñande rapicháre.

Ñandejara Ñe’ẽ ✟

¹⁶ Jaikuaa mba'épa pe mborayhu Jesucristo ome'ẽ haguére hekove ñande rayhupápe, ha ñande avei ñame'ẽ vaerã ñande rekove ñande rapicháre.

Ñanderuete Ñe’ẽ Porã 2015

¹⁶ Ñande jahechakuaa porã Hesu Crísto mborayhu, Ha’e ome’ẽgui hekove ñanderehehápe, upévare ñande ñame’ẽva’erã avei ñande rekove ñane hermanokuéra rehehápe.

1 Juan 3:16 Referencias Cruzadas

Matéo 20:28

Upéicha avei che kuimba'éicha aju va'ekue yvy ári ndajúi aporojokuái haguã, ajejokuaiuka haguãnte uvei ha ame'ẽ haguã che rekove heta repyrã ramo.

Juan 10:11

Che ha'e pe ovecha rerekua imba'eporãva. Pe ovecha rerekua imba'eporãva niko ome'ẽ hekovete voi umi ovecha kuéra rehe;

Juan 13:34

Aheja peẽme ko tembiapoukapy pyahu: Ta pejuayhu. Ko che pohayhu háicha, pejuayhu vaerã peẽ avei.

Juan 3:16

‘Tupã Ñandejára ohayhu etereígui yvypóra kuérape, ome'ẽ va'ekue Ta'ýra peteĩete, opa umi hese ojeroviáva ani haguã oñehundi, oguereko haguã uvei pe tekove tapia guarã.

Apostolkuéra 20:28

Upéva rehe, peñangareko pende jehe voi ha peñangareko opa umi oñembyatýva rehe, pene moĩ haguépe Espíritu Santo peñangareko haguã umi Ñandejára Jesucristo iglésia pegua rehe, ha'e ojogua va'ekue huguy teete rupi.

Romayguakuérape 16:4

Ha'e kuéra omoĩ va'ekue hekove che rehehápe, upéva rehe ame'ẽ ichupe kuéra las gracias, ha nda che añói, opa umi Israelita'ỹva iglésia kuéra pegua avei.

Romayguakuérape 5:8

Tupã Ñandejára katu ohechauka ñandéve imborayhu, Cristo omano pype ñande rehe, pecador ramo jepe gueteri ñande kuéra.

2 Corintoyguakuérape 4:12

Ha upéicha pe mano omba'apo ore rehe, ha pende rehe katu pe tekove.

Efesoyguakuérape 5:2

Peiko juayhupápe Cristo ñande rayhu haguéicha. Cristo ome'ẽ va'ekue hekove ñande rehe peteĩ ovecha ra'y me'ẽmbyréicha ha oñekuave'ẽmbyréicha Tupã Ñandejárape hyakuã asyetéva.

Efesoyguakuérape 5:25

Pe ména tohayhu hembirekópe, Cristo ohayhu haguéicha pe iglésiape ha ome'ẽ hekove hesehápe.

Filipoyguakuérape 2:17

Che ruguy jepe oñeñohẽ ramo pe pene rembiapo ha pene kuave'ẽmby ári, pe pende jerovia rupi peikuave'ẽva, avy'a upéva rehe ha che rory opavave penendive.

Filipoyguakuérape 2:30

haimete va'ekue niko omano Cristo rembiapo rehe. Na hakate'ỹi va'ekue hekove tee rehe ojapo haguã rehehápe chéve guarã pe peẽ ikatu'ỹ va'ekue pejapo peimégui mombyry.

1 Tesalonicayguakuérape 2:8

Tuichaitégui ore mborayhu pende rehe niko rome'ẽse va'ekue peẽme ndaha'éi pe Tupã Ñandejára ñe'ẽ añó, ore rekove jepe voi katu avei, pohayhu etereígui.

Títope 2:13

Pe imborayhu ñane mbo'e ñaha'arõkuaa haguã oiko peve hekopete upe he'i va'ekue ñandéve, ou ramo guarã mimbipápe Tupã Ñandejára mba'eguasu etéva ha ñande Salvador Jesucristo.

1 Pédro 1:18

Peikuaa porãgui Tupã Ñandejára pende salva hague pe pende rekovekue maraverãgui peru va'ekue pende ru ypykuéragui; ha upe salvación repy ndaha'éi hague mba'e opa vaerã óro terã plátaicha,

1 Pédro 2:24

Cristo ete voi ogueraha va'ekue ñande pecado kuéra hetépe kurusu rehe, ndajaikovevéima haguã pecádope, jaiko haguã teko marangatúpe uvei. Ha'e ojekutu va'ekue peẽ pekuera haguã.

1 Pédro 3:18

Cristo ohasa asy va'ekue avei, omano va'ekue ñande pecado kuéra rehe peteĩ jevýnte; ha'e imarangatúva, omano umi imarangatu'ỹva rehe, ñande reraha haguã Tupã Ñandejárape. Hete omano va'ekue, ijespíritu katu oikove jevy va'ekue.

1 Juan 2:6

Pe he'íva ipeteĩha Tupã Ñandejára ndive oiko vaerã pe Jesucristo oiko haguéicha.

1 Juan 2:9

Oime ramo he'íva oiha tesape rendýpe, ha nda ija'éi iñehermano rehe, oĩ gueteri pytũnguýpe.

Apocalípsis 5:9

Ha opurahéi joa peteĩ purahéi ipyahúva he'íva: Ndéve ija rejapyhývo pe kuatiañe'ẽ apakuapy ha reipe'a umi iséllo kuéra, rejejuka hague rehe, ha nde ruguýpe ore jogua va'ekue Tupã Ñandejára peguarã, opaichagua tribu, ñe'ẽ, tetã ha tetãygua,