1 Juan 2:28 - Ñandeyara Ñe'ẽ

²⁸ Ko'ãga che ra'y kuéra, pepyta hatã Cristo ndive, jajerovia haguã ha'e ojehechauka ha'ára ha ani haguã ñatĩ henondépe ha'e ou ha'ára.

Tûpâ Ñandeyára 1913

²⁸ Ja coanga, che raŷcuera mimi, pepytaite Jesegua ramo, icatu jaguâ sapya oyejechauca yeby ramo guârâ Jae, ñande yayerovia ñande poyjuŷjape, ja anichene jaguâ ñañemotî iyŷpype ou yeby rire.

Ñandejára Ñe’ẽ

²⁸ Ko'ágã, che ra'y kuéra pohayhu etéva, pepyta peteĩ py'ápe Cristo ndive, ikatu haguã jajerovia hese ha'e ojechaukárõ, ha ani ñatĩ henondépe ha'e oúvo.

Ñandejara Ñe’ẽ ✟

²⁸ Ko'ágã, che ra'y kuéra pohayhu etéva, pepyta peteĩ py'ápe Cristo ndive, ikatu haguã jajerovia hese ha'e ojechaukárõ, ha ani ñatĩ henondépe ha'e oúvo.

Ñanderuete Ñe’ẽ Porã 2015

²⁸ Ha ko’ág̃a, che ra’ykuéra ha rajykuéra, pepyta ipype, ani hag̃ua Ha’e ojehechaukaha árape, ñande ñatĩ henondépe, javy’a rãngue.

1 Juan 2:28 Referencias Cruzadas

Matéo 16:27

Pe kuimba'éicha ou va'ekue yvy ári ou vaerã Túva gloria reheve ha hi'ángel kuéra ndive, ha upérõ ombyekovia vaerã peteĩ teĩme hembiapokue rehe.

Matéo 16:28

Añete ha'e peẽme, oimeha ko'ápe oĩva hína omano'ỹ vaerã ohecha peve pe kuimba'éicha ou va'ekue yvy ári oguahẽ ramo oúvo iréino reheve.

Márcos 8:38

Che rerotĩva chéve ha oguerotĩva che ñe'ẽ ko ñemoñare ky'a ha infiel renondépe, che kuimba'éicha aju va'ekue ko yvy ári atĩ vaerã avei hese aju ha'ára che Ru glóriape ángel kuéra marangatu ndive.

Lúcas 17:30

Upeichaite vaerã ko kuimba'éicha ou va'ekue yvy ári ojehechauka haguã árape.

Romayguakuérape 9:33

oje'e háicha hese Tupã Ñandejára Kuatiañe'ẽme: Che ko amoĩ Siónpe peteĩ ita ñepysangarã, peteĩ ita oporoitýva; pe ojeroviáva hese, noñemotĩ va'erãi.

1 Corintoyguakuérape 1:7

Ha ndaipóri pereko'ỹva umi mba'e Tupã Ñandejára oguerekóvagui ime'ẽmbyrã peha'arõ aja pe ára Ñandejára Jesucristo ojehechauka haguã.

1 Corintoyguakuérape 15:23

Opáichavo, peteĩ teĩ hendaguãme: Cristo tenonderã, upéi umi Cristo mba'éva, ha'e ou jevy ha'ára.

Efesoyguakuérape 3:12

Cristo rupi ikatu ñaguahẽ Tupã Ñandejára rendápe, jerovia pópe jajerovia rupi hese.

Colosayguakuérape 3:4

Cristo voi niko ñande rekove, ha ha'e ojehechauka ha'ára peẽ avei pejehecha vaerã mimbipápe hendive.

1 Tesalonicayguakuérape 2:19

¿Mba'épa pe ore esperanza, terã pe ore vy'a, terã pe ore premio ore mbovy'áva?, peẽ voi niko ha'e Ñandejára Jesucristo renondépe pe ha'e ou ha'ára guarã.

1 Tesalonicayguakuérape 3:13

Ta pene mombarete pende py'apýpe ha ta pene momarangatu hekopete Tupã Ñandejára ñande Ru renondépe ou ramo guarã Ñandejára Jesucristo opavave umi hesegua kuéra ndive.

1 Tesalonicayguakuérape 5:23

Pe Tupã Ñandejára ete voi, ñane mbopy'aguapýva, ta pene momarangatuete ha ta pende rereko potĩ pende espíritu, pene ánga ha pende retépe ou ramo guarã Ñandejára Jesucristo.

1 Timotéope 6:14

rejapo haguã hekopete marã'ỹ rehe ko ha'éva ndéve, Ñandejára Jesucristo ou peve.

2 Timotéope 4:8

Ko'ãga che ra'arõ pe corona marangatu upe ome'ẽ vaerã chéve upe árape Ñandejára, juez hekopeteguáva. Ha nda chéve añói ome'ẽne, ome'ẽ vaerã avei opa umi oha'arõ va'ekuépe mborayhu reheve iju.

Títope 2:13

Pe imborayhu ñane mbo'e ñaha'arõkuaa haguã oiko peve hekopete upe he'i va'ekue ñandéve, ou ramo guarã mimbipápe Tupã Ñandejára mba'eguasu etéva ha ñande Salvador Jesucristo.

hebreoyguakuerape 9:28

upéicha avei Cristo peteĩ jevy añónte ome'ẽ va'ekue hekove oipe'a haguã hetágui ipecádo kuéra; ha upéi katu ou jevy vaerã ndaha'evéima ogueraha haguã pecado, osalva haguã umi ichupe oha'arõvapente.

1 Pédro 1:7

Pe óro opa vaerã ramo jepe niko oñembohyku tatápe oñemopotĩ haguã, ha pe pende jerovia iporãitevéva órogui, ko'ã jehasa asy rupi kena toñemoporã, tojererohory ha toñemomba'e Jesucristo ojehechauka ha'ára.

1 Pédro 5:4

Ha ojehechauka ha'ára umi ovecha rerekua kuéra Ruvicha, oñeme'ẽ vaerã peẽme pene rembiapokue rehe peteĩ premio imbojojaha'ỹva oñembyai'ỹ vaerã araka'eve.

1 Juan 2:1

Che ra'y kuéra, amoĩ kuatia rehe peẽme ko'ã mba'e, ani haguã pepeca. Opáichavo, oime ramo opecáva jareko abogado, pe Túva ndive guarã, Jesucrístope, pe imarangatúva.

1 Juan 3:2

Che ryvy kuéra ahayhuetéva, ko'ãga voi ñande Tupã Ñandejára ra'ýma, ha ndojehechaukái gueteri mba'e va'erãpa gueteri ñande. Opáichavo, jaikuaa Jesucristo ojehechauka ha'ára ha'eichataha ñande jahecháta rehe ichupe ha'e ha'e haichaite.

1 Juan 3:21

Upéicha rupi, che ryvy kuéra pohayhuetéva, ñande py'apy noñandukái ramo ñandéve mba'eve jajeroviakuaa Tupã Ñandejára rehe;

1 Juan 4:17

Ha upéicha ramo pe mborayhu oĩ hekopete ñande pype jakyhyje'ỹ haguã pe juicio árape, Jesucrístoichagui ñande kuéra ko múndope.

1 Juan 5:14

Jajerovia niko Tupã Ñandejára rehe, ha'e ñane rendúgui pe jajerurévape, jajerure ramo pe ha'e oipota háicha.

Apocalípsis 1:7

Péina, Cristo ou arai apytépe ha opavave ohecha vaerã ichupe, umi ikutuhare jepe ha yvypóra kuéra oĩ haguéicha ojahe'opa vaerã ohechávo ichupe. Upéicha vaerã. Amén.