1 Juan 2:27 - Ñandeyara Ñe'ẽ

²⁷ Peẽ katu pereko pe Espíritu Santo Jesucristo ome'ẽ va'ekue peẽme, ha upéicha rupi napeikotevẽi avave pene mbo'e, pe Espíritu voi pene mbo'epa rehe ha upe ha'e ombo'éva añete ha ndaha'éi japu. Upéva rehe kena peñemopeteĩ Cristo ndive, pe Espíritu oporombo'e háicha.

Tûpâ Ñandeyára 1913

²⁷ Peême voi iya gueteri upe puaca pe peñemongaraí jague Jaérupi, ja upeareje na peicôtevêi avave pene mboe vaerâ reje. Upea rangue co peñembo puacajá rupi, Jaé pene mboe opa mbae reje. Cova añete nda yapuiri, ja upéva penemboe jagueicha peê pepyta Jesegua ramo.

Ñandejára Ñe’ẽ

²⁷ Peẽ katu pereko Espíritu marangatu, Jesucristo pene mboyke hague rupi imba'erã, ha napeikotevẽi avave pene mbo'e, pe Espíritu ha'e ome'ẽ vaekue pende reko mbo'e rupi opa mba'ére, ha umi hemimbo'epy añetegua hína, ndaha'éi japu. Pepytáke peteĩ py'ápe Cristo ndive, Espíritu pene mbo'e haguéicha.

Ñandejara Ñe’ẽ ✟

²⁷ Peẽ katu pereko Espíritu marangatu, Jesucristo pene mboyke hague rupi imba'erã, ha napeikotevẽi avave pene mbo'e, pe Espíritu ha'e ome'ẽ vaekue pende reko mbo'e rupi opa mba'ére, ha umi hemimbo'epy añetegua hína, ndaha'éi japu. Pepytáke peteĩ py'ápe Cristo ndive, Espíritu pene mbo'e haguéicha.

Ñanderuete Ñe’ẽ Porã 2015

²⁷ Ha pehupity haguéicha pe Pytu Porãmbáva ñemona Ñanderuetégui pepyta hatãkena ipype, ha napeikotevẽvéima avave penembo’e. Pe Pytu Porãmbáva voi ningo penembo’e opaite mba’e rehe ha hendive oĩ pe añetegua, ha Ha’e ndaijapúi; Ha’e penembo’e haguéicha pévape pepyta, peñemopeteĩvo Hesu Crísto ndive.

1 Juan 2:27 Referencias Cruzadas

Matéo 13:11

Jesús he'i ichupe kuéra: --Tupã Ñandejára niko oikuaauka peẽme umi mba'e ñemimby iréino rehegua ha ichupe kuéra katu ahániri.

Juan 14:16

Ha che ajeruréta che Rúpe, ha ha'e omboúta peẽme ambue Pytyvõhára, pe Espíritu añetegua, opyta haguã penendive tapia guarã.

Juan 14:17

Yvypóra kuéra ndaikatúi orecibi ichupe ndaikatúigui ohecha terã oikuaa ichupe; peẽ katu peikuaáma ichupe oikógui penendive ha opytátagui pende pype tapia guarã.

Juan 14:26

pe Espíritu Santo, che Ru omboútava che rérape Pytyvõhára ramo katu pene mbo'e ha pene momandu'a vaerã opa umi mba'e che ha'e va'ekue peẽme rehe.

Juan 16:13

Pe Espíritu añetegua ou rire katu, ha'e oikuaaukáta peẽme opa añetegua; noñe'ẽ mo'ãigui ojehegui rei, he'íta uvei opa ha'e ohendúva ha oikuaaukáta peẽme umi mba'e ojehútava.

Juan 4:14

pe hoy'úva pe ý che ame'ẽvagui ichupe katu máramo nda ijyuheivéima vaerã. Pe ý che ame'ẽva ichupe oikótagui peteĩ yvu opupu vaerã ipype tekove apyre'ỹ meve guarã.

Juan 6:45

Ñemoñe'ẽhára kuéra Kuatiañe'ẽme he'i kóicha: “Tupã Ñandejára ombo'éta opavavépe.” Ha upéicha opa umi ohendúva che Rúpe, ha oikuaáva ichugui, ou che rendápe.

1 Corintoyguakuérape 2:12

Ñandéve oñeme'ẽ va'ekue ndaha'éi ko yvy arigua espíritu, pe Tupã Ñandejára Espíritunte, jaikuaa haguã umi mba'e Tupã Ñandejára ome'ẽ va'ekue ñandéve imborayhu rupi.

1 Corintoyguakuérape 2:13

Ha ñañe'ẽ ko'ã mba'e rehe ndaha'éi ñe'ẽ jaikuaáva ñane arandu rupi, umi ñe'ẽ Tupã Ñandejára Espíritu ñane mbo'e va'ekue rupínte uvei ha ñamombe'u ko'ã mba'e pe Espíritu Santo rehegua ñe'ẽme.

2 Corintoyguakuérape 1:21

Ha Tupã Ñandejára ha'e pe oréve ha peẽme ñane mombaretéva Cristo rupi, ha pe ñane momarangatu va'ekue.

Efesoyguakuérape 4:21

Pehendu va'ekue ichugui, ha pejerovia rehe hese peñehekombo'e va'ekue pe Jesús rehegua añete rehe.

Colosayguakuérape 2:6

Upéva rehe, peẽ perecibi haguéicha Ñandejára Jesucrístope, upéicha avei peiko vaerã ñemopeteĩme hendive,

1 Tesalonicayguakuérape 2:13

Ha upéva rehe rome'ẽ tapiáva las gracias Tupã Ñandejárape, pehendu ramo guare peẽ pe Tupã Ñandejára ñe'ẽ romoherakuã va'ekue peẽme, perovia va'ekue ndaha'éi kuimba'e ñe'ẽnguéicha, Tupã Ñandejára ñe'ẽ ramo voi katu. Ha Tupã Ñandejára ñe'ẽ voi añete upe pene mboheko porãva peẽ peroviávape.

1 Tesalonicayguakuérape 4:9

Pe mborayhu oñondive kuéra rehe guarã katu, na tekotevẽi añemoñe'ẽ peẽme, Tupã Ñandejára ete voi pene mbo'égui pejuayhu va'erãha.

1 Timotéope 2:7

Upevarã che añemoĩ va'ekue ñemoñe'ẽhára ha Apóstol ramo, ambo'e haguã upe jerovia ha añetegua rehe umi Israelita'ỹvape. Añeteguánte ha'e ajeroviágui Cristo rehe, ha nda che japúi.

1 Pédro 1:23

Peẽ niko penace jevy pyahu va'ekue, ndaha'éi ru yvypóra kuéra omano vaerã reheguágui, pe Tupã Ñandejára ñe'ẽ oikovéva tapia guarãguinte uvei.

1 Juan 2:28

Ko'ãga che ra'y kuéra, pepyta hatã Cristo ndive, jajerovia haguã ha'e ojehechauka ha'ára ha ani haguã ñatĩ henondépe ha'e ou ha'ára.

1 Juan 3:24

Pe ojapóva Tupã Ñandejára rembiapoukapy, oĩ Tupã Ñandejára ndive, ha Tupã Ñandejára oĩ ipype, ha jaikuaa Tupã Ñandejára oiha ñande pype pe Espíritu ome'ẽ va'ekue ñandéve rupi.

2 Juan 1:2

jarekógui pe añete ñande pype ha oĩ vaerã ñande pype tapia guarã.