1 Juan 2:22 - Ñandeyara Ñe'ẽ

²² ¿Mba'épa aipóramo, pe japu? Japu niko hína ku oje'e ramo Jesús ndaha'eiha pe Cristo. Upéva he'íva ijapu ha upéva ha'e hína pe anticristo, omomba'e'ỹva pe Túvape ha Ta'ýrape upéichante avei.

Tûpâ Ñandeyára 1913

²² ¿Mavapa upe iyapúva? Pe omomârâvante Jesúspe ja jeiva Jae ndajaeijá Cristo. Cova pe Cristo reje iyaé-ŷ-va, pe omomârâva pe Túva ja pe Taŷrape.

Ñandejára Ñe’ẽ

²² Mávapa pe ijapúva? Upe he'íva Jesús ndaha'eiha pe Cristo. Upéva hína pe Crístore opu'ãva ndoikuaaséigui mba'eve Túva ha Ta'ýragui.

Ñandejara Ñe’ẽ ✟

²² Mávapa pe ijapúva? Upe he'íva Jesús ndaha'eiha pe Cristo. Upéva hína pe Crístore opu'ãva ndoikuaaséigui mba'eve Túva ha Ta'ýragui.

Ñanderuete Ñe’ẽ Porã 2015

²² Mávapa pe ijapúva, ndaha’éirõ pe ombotovéva Hesúpe ha he’íva Ha’e ndaha’eiha pe Crísto. Upéva ningo pe crísto gua’u ombotove pe Túva ha Ita’ýrape.

1 Juan 2:22 Referencias Cruzadas

Matéo 24:24

Heta ou va'erãgui he'íva ojehe ha'eha pe Cristo ha Tupã Ñandejára remimbouha; ha ojapo vaerã mba'eguasu ha techapyrã ombotavy haguã ikatu ramo umi Tupã Ñandejára rembiporavo pyrépe jepe.

Matéo 24:5

Heta ou vaerã che rérape ha he'i vaerã: “Che ha'e pe Cristo”, ha ombotavy vaerã hetápe.

Juan 8:44

Pende ru niko Aña; ha peẽ imba'e, ha pejapose hembipota. Aña niko porojukahára va'ekue iñepyrũha guive, ha ijapu eterei ha ndaiporiete pe añeteguamíva ipype. Oñe'ẽ ramo japu mante he'i; ijapúgui ha japu rúgui voi ha'e.

1 Juan 1:6

Ja'e ramo ñaimeha hendive ha jaiko ave pytũnguýpe, ñande japu upe ja'éva ha jajapóvape.

1 Juan 2:18

Che ra'y kuéra, hora pahaitéma niko. Peẽ niko pehendúma va'ekue ou va'erãha pe anticristo, opu'ã haguã Cristo rehe; ha péina ko'ãga voi oĩma heta anticristo, ha upéva rehe jaikuaa hora pahaitemaha.

1 Juan 2:23

Upe omomba'e'ỹva pe Ta'ýrape, ndoguerekói Tupã Ñandejárape Túva ramo; ha upe omomba'éva pe Ta'ýrape katu, oguereko Túva ramo Tupã Ñandejárape.

1 Juan 2:4

Oime ramo he'íva: “Che aikuaa ichupe”, ha ndojapói pe hembiapoukapy, ijapu ha nde'íri pe añetegua.

1 Juan 4:20

Oime ramo he'íva: “Che ahayhu Tupã Ñandejárape”, ha ndaija'éi ave iñehermano rehe, ijapu. Pe ohayhu'ỹva iñehermano ohechávape, ¿piko mba'éicha ohayhúta Tupã Ñandejára ha'e ohecha'ỹvape?

1 Juan 4:3

umi oguerovia'ỹva Jesús ou hague kuimba'e teetéicha katu ndoguerekói pe Tupã Ñandejára Espíritu, umíva oguereko pe anticristo espíritu uvei. Peẽ pehendúma va'ekue upe espíritu ou va'erãha, ha ko'ãga voi oĩma hína ko múndope.

1 Juan 5:1

Opa ogueroviáva Jesús ha'eha pe Cristo, upéva Tupã Ñandejára ra'y, ha pe ohayhúva pe túvape, ohayhu avei pe túva ra'ýpe.

2 Juan 1:7

Ko mundo niko henyhẽ ohóvo umi oporombotavývagui, he'íva Jesucristo ndoúi hague kuimba'eichaite. Umi he'íva ko'ã mba'e, ha'e hína umi oporombotavýva ha pe anticristo.

Júdas 1:4

Oimégui oike ensuguy va'ekue pende apytépe, umíva rehe pe Tupã Ñandejára Kuatiañe'ẽme oikóma va'ekue voi mandu'a ymaite guive condenacionrã. Tekove vai, oiporúva pe Tupã Ñandejára py'aporã omo'ã haguã pe hekove kuéra ky'a, ha onega Ñandejára Jesucrístope, ñande ruvicha peteĩnteva.

Apocalípsis 3:9

Upéva rehe, amondóta ne rendápe umi Satanás sinagoga pegua kuérava he'íva ojehe kuéra Israelitaha ha ndaha'éi, ijapu uvei katu ha amoñesũta ne renondépe, ha oikuaa haguã hikuái rohayhu hague.