1 Juan 2:19 - Ñandeyara Ñe'ẽ

¹⁹ Ha'e kuéra osẽ va'ekue ñande apytégui; upéicharamo jepe ndaha'éi va'ekue ñande rehegua, ñande rehegua rire na ñande rejái vaerã mo'ã. Upéicha ojehu ojehechakuaa porã haguã nda opavavéi ñande reheguaha.

Tûpâ Ñandeyára 1913

¹⁹ Jaecuera ore rejegua rire mo jiaré rae orendive. Umiva osê vaecue oyecuaáucá jaguâ nda opavavei umichagua ore rejeguajá.

Ñandejára Ñe’ẽ

¹⁹ Ha'e kuéra osẽ vaekue ñande apytégui, añetehápe katu ndaha'éiva ra'e ñande rehegua, ha'e rire ramo niko opyta vaerã mo'ã ñane ndive. Ha upéicha ojehu ojekuaa porã haguã nda opavaveiha ñande reheguáva.

Ñandejara Ñe’ẽ ✟

¹⁹ Ha'e kuéra osẽ vaekue ñande apytégui, añetehápe katu ndaha'éiva ra'e ñande rehegua, ha'e rire ramo niko opyta vaerã mo'ã ñane ndive. Ha upéicha ojehu ojekuaa porã haguã nda opavaveiha ñande reheguáva.

Ñanderuete Ñe’ẽ Porã 2015

¹⁹ Osẽ hikuái ñande apytégui, ndaha’éi ramojepe ñande reheguáva, ñande reheguáva rire, opytava’erãmo’ã ñande apytépe; osẽ uvei hikuái ojehecha hag̃ua ndaopavavéi ñande reheguaha.

1 Juan 2:19 Referencias Cruzadas

Matéo 24:24

Heta ou va'erãgui he'íva ojehe ha'eha pe Cristo ha Tupã Ñandejára remimbouha; ha ojapo vaerã mba'eguasu ha techapyrã ombotavy haguã ikatu ramo umi Tupã Ñandejára rembiporavo pyrépe jepe.

Márcos 13:22

Opu'ã vaerã tekove japu he'íva ojehe ha'eha pe Cristo, ha ñemoñe'ẽhára japu ojapóva mba'eguasu ha techapyrã oporombotavy haguã ikatu ramo umi jeporavopyrépe jepe.

Lúcas 8:13

Umi itatýpe ho'a va'ekue niko umi ohendúva pe ñe'ẽ ha ogueroviáva torypápe; ha upéicharamo jepe, nda hapo pypukúiri, oguerovia sapy'ánte, ha ojepy'ara'ã vove katu oñemomombyry.

Juan 15:2

Ha'e oikytĩ oimeraẽva che rakã kuéra hi'a'ỹva, umi hakã hi'áva katu ohakã'o ha omopotĩ hi'a porãve haguã.

Juan 4:14

pe hoy'úva pe ý che ame'ẽvagui ichupe katu máramo nda ijyuheivéima vaerã. Pe ý che ame'ẽva ichupe oikótagui peteĩ yvu opupu vaerã ipype tekove apyre'ỹ meve guarã.

Apostolkuéra 15:24

Roikuaa oimeha oho va'ekue ko'águi ojehegui rei ha pene moangekói iñe'ẽme kuéra ha pende sarea, he'ívo peẽme peñecircuncidauka ha pejapo va'erãha Moisés kuatiañe'ẽme he'íva.

Apostolkuéra 20:30

Ha pende apytégui voi opu'ã vaerã máva oporombo'éva japu rehe añetegua rehe rangue, ogueraha haguã hapykuéri umi ojeroviávape Jesús rehe.

Romayguakuérape 9:6

Ndaha'éi oiko'ỹgui pe Tupã Ñandejára ñe'ẽ he'íva, nda opa Israel ñemoñare Israelita etéguinte uvei.

1 Corintoyguakuérape 11:19

¡Oiko mante vaerã voi niko upéicha pende apytépe ikatu haguã ojekuaa mávapa añete umi hekopeguáva!

2 Timotéope 2:10

Upéva rehe aropu'akapa umi Tupã Ñandejára oiporavo va'ekue rehehápe, ikatu haguã ha'e kuéra avei oguereko pe salvación tuichaitéva ha tapia guarãva Cristo Jesús rupi.

2 Timotéope 2:19

Upéicharamo jepe Tupã Ñandejára omoĩ peteĩ cimiento opyta hatãva, oguerekóva sello ramo ko ñe'ẽ: “Ñandejára oikuaa umi imba'évape”; ha: “Opa umi ohenóĩva Cristo réra tekotevẽ ojeheja mba'e vaígui.”

2 Timotéope 3:9

Upéicharamo jepe ndoho mombyry mo'ãi, opavave ohechakuaátagui ivýro hague, ojehu haguéicha umi Moisés rehe oñemoĩ va'ekuépe.

hebreoyguakuerape 10:39

Ñande kuéra katu ndaha'éi umi ojevýva ñehundirã rehegua, umi ojeroviáva reheguánte uvei katu salvacionrã.

2 Juan 1:7

Ko mundo niko henyhẽ ohóvo umi oporombotavývagui, he'íva Jesucristo ndoúi hague kuimba'eichaite. Umi he'íva ko'ã mba'e, ha'e hína umi oporombotavýva ha pe anticristo.

Júdas 1:1

Che Judas, Jacobo ryvy, Jesucristo rembiguái, amoĩ ko'ã ñe'ẽ kuatia rehe umi oñehenói va'ekuépe guarã Tupã Ñandejára ñande Ru ohayhúva ha oñangarekóva hese kuéra Jesucristo mba'erã.

Júdas 1:19

Ko'ãva oporomoingo vai, heko yvypóra reko ha ndoguerekói pe Espíritu Santo.