1 Juan 2:1 - Ñandeyara Ñe'ẽ

¹ Che ra'y kuéra, amoĩ kuatia rehe peẽme ko'ã mba'e, ani haguã pepeca. Opáichavo, oime ramo opecáva jareko abogado, pe Túva ndive guarã, Jesucrístope, pe imarangatúva.

Tûpâ Ñandeyára 1913

¹ Che raŷcuera, che jaéucá peême co cuatia ñeê me coambae reje, anichene jaguâ peêcuera peñemo angaipa. Oime ramo peteî ñandéva oñemo angaipa vaecue, oime yareco oñeêjarâ ñandereje Túvape, pe Jesu Cristo pe jecoitepegua.

Ñandejára Ñe’ẽ

¹ Che ra'y kuéra pohayhu etéva: ahai peẽme ko'ã mba'e ani haguã pejapo ivaíva. Opáichavo, jajapórõ ivaíva, jareko Jesucrístope ojeruréva ñande rehe Itúvape. Ha'e imarangatu.

Ñandejara Ñe’ẽ ✟

¹ Che ra'y kuéra pohayhu etéva: ahai peẽme ko'ã mba'e ani haguã pejapo ivaíva. Opáichavo, jajapórõ ivaíva, jareko Jesucrístope ojeruréva ñande rehe Itúvape. Ha'e imarangatu.

Ñanderuete Ñe’ẽ Porã 2015

¹ Che ra’ykuéra ha rajykuéra, ko’ã mba’e ningo ahai peẽme ani hag̃ua pejapo mba’e ivaíva. Opáichavo oimérõ sapy’a peteĩ ñande apytépe ho’ára’e angaipápe, (anítei péva opyta hi’angaipápe), jarekógui ñane pytyvõhára (abogádo) Ñanderuete ndive g̃uarã, Hesu Crísto, Ha’e oñe’ẽta ñanderehe.

1 Juan 2:1 Referencias Cruzadas

Lúcas 10:22

‘Che Ru omoĩ che pópe opaite mba'e. Ha avave ndoikuaái pe Ta'ýrapa máva, Túva añó mante, ha avave ndoikuaái mávapa pe Túva, pe Ta'ýra añó mante, ha upe oikuaaukasévape pe Ta'ýra.

Juan 13:33

Che ra'y kuéra, nda che are mo'ãvéima penendive. Che rekáta, ha ha'e haguéicha umi Israelítape ha'e peẽme avei ko'ãga: Ndaikatu mo'ãi peho pe che ahatahápe.

Juan 14:16

Ha che ajeruréta che Rúpe, ha ha'e omboúta peẽme ambue Pytyvõhára, pe Espíritu añetegua, opyta haguã penendive tapia guarã.

Juan 14:6

Jesús he'i ichupe: --Che ha'e pe tape, ha che ha'e pe añete ha che ha'e avei pe tekovete. Che rupi mante ikatu oñeguahẽ che Ru rendápe.

Juan 21:5

Ha he'i ichupe kuéra: --Lo mitã, ¿na penohẽi piko mba'eve? Ha ha'e kuéra he'i ichupe: --Mba'evete.

Juan 5:14

Upéi Jesús ojuhu ichupe tupaópe, ha he'i ichupe: --Ema'ẽ, ko'ãga ne resãima ramo kena anivétei repeca ani haguã ojehu ndéve ivaivéva.

Juan 5:36

Che katu areko oñe'ẽ porãvéva che rehe pe Juan he'i va'ekuégui. Umi mba'e che ajapóva, umi mba'e che Ru ojapouka va'ekue voi chéve, umíva ohechauka sakã porã añetehápe che Ru che mbou hague.

Juan 6:27

Anína pemba'apo pe tembi'u opa vaerã rehe, pemba'apóna pe tembi'u opa'ỹva ha pene moingove vaerã tapia guarã rehe uvei. Upéva ha'e pe tembi'u che, Kuimba'éicha aju va'ekue yvy ári, ame'ẽ vaerã peẽme, Tupã Ñandejára, che Ru, ome'ẽgui chéve autoridad upevarã.

Juan 8:11

Pe kuña he'i ichupe: --Ahániri, Karai. Upéramo Jesús he'i ichupe: --Che avei norocondenái; ko'ãga tereho ha anive repeca jevýtei.

Apostolkuéra 7:52

¿Máva umi ñemoñe'ẽhárapepa ndoguereko asýi raka'e pende ypykuéra? Ha'e kuéra ojuka va'ekue umi omoherakuã va'ekuépe ymaite guive ou va'erãha pe Imarangatuetéva, ha ko'ãga oúma ramo katu peẽ petraiciona ha pejuka.

Romayguakuérape 5:10

Pe ndajahayhúi ramo gueteri ichupe, Tupã Ñandejára ñane moingo porã va'ekue ondive Ta'ýra mano rupi, ko'ãgama katu niko hekove rupi jajesalva vaerã ñande ñaime porãpype hendive.

Romayguakuérape 6:15

¿Upéicharamopa mba'e? ¿Japecátapa nañaiméi haguére ley guýpe, ñaime haguére Tupã Ñandejára mborayhúpente uvei? ¡Mba'evéicharamo!

Romayguakuérape 8:34

¿Mávapa ikatúta ocondena ichupe kuéra? Cristo niko pe omano va'ekue, ha hi'ariete ha'e pe oikove jevy va'ekue ha oĩva Tupã Ñandejára akatúape ha ojeruréva ñande rehe.

1 Corintoyguakuérape 15:34

Pepáykena tekotevẽ háicha ha ani pepeca, oĩ niko pende apytépe oikuaa'ỹva Tupã Ñandejárape, ha'e peẽme ko'ã mba'e pomotĩ haguã.

2 Corintoyguakuérape 5:21

Cristo ndopecái va'ekue, opáichavo, ñande rayhupápe Tupã Ñandejára oguereko va'ekue ichupe pecador ramo, ñañe mopeteĩvo Cristo ndive ikatu haguã jahupity pe teko potĩ Tupã Ñandejára ome'ẽva.

Galaciayguakuérape 4:19

Che ra'y kuéra, che rasyete jevy pende rehe, hasy háicha pe sy imembýtava hína, Cristo oñembohete peve pende pype.

Efesoyguakuérape 2:18

Ha upéicha Cristo rupi opavave, taha'e Israelita terã taha'e'ỹ, ikatúma ñaguahẽ Túva rendápe peteĩ Espíritu añó rupi.

Efesoyguakuérape 4:26

Pende pochy ramo, ani pepeca ha ani oike jepe kuarahy pende pochy poi haguã.

1 Timotéope 2:5

Tupã Ñandejára niko peteĩnte ha peteĩnte avei pe omoingo porãva yvypóra kuérape Tupã Ñandejára ndive, Jesucristo kuimba'éva avei.

1 Timotéope 3:14

Aha'arõ aha pya'ete nde rechávo, opáichavo, sapy'a che are ramo guarã ajapo ndéve ko kuatiañe'ẽ reikuaa haguã mba'éichapa reiko vaerã Tupã Ñandejára rogaygua kuéra apytépe, upéva niko hína pe Tupã Ñandejára iglésia, pe añete guapyha ha ijejokoha.

hebreoyguakuerape 9:24

Cristo ndoikéi va'ekue pe tabernáculo yvypóra rembiapokuépe, pe añetetéva joguahápe, oike va'ekue yvagaitépe voi katu, upe ko'ãga oihápe Tupã Ñandejára renondépe ñande rehehápe.

Tiágo 1:27

Pe religión añetetéva ha potĩva Tupã Ñandejára ñande Ru renondépe, niko kóva: jajehu umi ityre'ỹvape ha umi viúdape ohasa asy jave, ha ñañeñangareko mba'e vai ko mundo peguágui.

Tiágo 3:9

Pe ku rupi oñemomba'eguasu Tupã Ñandejára ñande Rúpe ha oñeñe'ẽ vai yvypóra rehe Tupã Ñandejára ojapo va'ekue ijoguaha ramo.

1 Pédro 2:22

Ha'e ndojapói va'ekue mba'eveichagua ivaíva, ha noporombotavýi va'ekue araka'eve;

1 Pédro 3:18

Cristo ohasa asy va'ekue avei, omano va'ekue ñande pecado kuéra rehe peteĩ jevýnte; ha'e imarangatúva, omano umi imarangatu'ỹva rehe, ñande reraha haguã Tupã Ñandejárape. Hete omano va'ekue, ijespíritu katu oikove jevy va'ekue.

1 Juan 3:18

Che ra'y kuéra, japorohayhu vaerã ndaha'éi ñande jurúpente jahechauka vaerã uvei pe ñane mborayhu iñañeteha ñane rembiapokue rupi.

1 Juan 3:5

Peikuaáma háicha, Jesucristo ou hague oipe'a haguã ñande pecado, ha ha'e ndoguerekói ojehe mba'eveichagua pecado.

1 Juan 3:7

Che ra'y kuéra, ani peñembotavyka, upe ojapóva pe hekoite pegua heko potĩ Jesucrístoicha.

1 Juan 4:4

Che ra'y kuéra, peẽ niko Tupã Ñandejára mba'e, ha pende pu'aka umi tekove japu rehe, ipu'akavégui pe Espíritu oĩva pende pype pe espíritu umi yvypórape oĩvagui.

1 Juan 5:17

Opa tembiapo vai niko pecado, upéicharamo jepe oĩ pecado ndaha'éiva manorã.

1 Juan 5:21

Che ra'y kuéra, peñeñangarekóke pe ta'anga ñemomba'eguasúgui. Amén.

3 Juan 1:4

Ndaipóri mba'eve che mbovy'avéva kóvagui ahendu ramo che ra'y kuéra oikoha pe añetépe.