1 Juan 1:2 - Ñandeyara Ñe'ẽ

² Upe tekovete ojehechauka va'ekue ha ore rohecha va'ekue, ha péina romombe'u roikuaauka haguã peẽme ko tekovete tapiaguáva, oĩ va'ekue Túva ndive ha ojehechauka va'ekue oréve.

Tûpâ Ñandeyára 1913

² pe tecové voí ñane moingovéva oyecuaáucá vaecue, ja ore rojecha vaecue Ichupe, ja coanga romombeu jecópe ja romojerâcuâ peême, pe tecové ñane moingovéva iyapyra-ŷ-va, yma voi oi vaecue pe Túva ndive, ja oyecuaauca vaecue oreve,

Ñandejára Ñe’ẽ

² Ko jeikove ojehechauka vaekue. Che ahecha ha amombe'u peẽme ko jeikove opa ára peguáva oĩ vaekue Túva ndive ha ojechauka vaekue oréve.

Ñandejara Ñe’ẽ ✟

² Ko jeikove ojehechauka vaekue. Che ahecha ha amombe'u peẽme ko jeikove opa ára peguáva oĩ vaekue Túva ndive ha ojechauka vaekue oréve.

Ñanderuete Ñe’ẽ Porã 2015

² ha pe Tekovete ojehechaukava’ekue ha ore ropytava’ekue techahare añeteguáva ramo, ore romombe’u peẽme. Ko Tekovete tapia g̃uarã oikova’ekue Ñanderuete ndive ha ojehechaukáma oréve.

1 Juan 1:2 Referencias Cruzadas

Juan 1:18

Tupã Ñandejárape máramo avave ndohechái va'ekue; opáichavo, pe Ta'ýra peteĩmí, oĩva Túva corazõ ypypete, oikuaauka va'ekue ñandéve mba'éichapa Ha'e.

Juan 1:4

Ipype voi oĩ va'ekue pe tekove, ha pe tekove voi yvypóra kuéra resapehára.

Juan 10:28

Che ame'ẽ ichupe kuéra tekove tapia guarã, ha noñehundi chéne maramove, ha avave ndoipe'ái chéne che pógui.

Juan 14:6

Jesús he'i ichupe: --Che ha'e pe tape, ha che ha'e pe añete ha che ha'e avei pe tekovete. Che rupi mante ikatu oñeguahẽ che Ru rendápe.

Juan 15:27

Ha peẽ peñe'ẽ vaerã avei che rérape peime hague rehe chendive iñepyrũmby guive.

Juan 16:28

Che asẽ va'ekue che Rúgui ha aju ko yvy ári, ha ko'ãga aheja ko mundo ha aha jevýta che Ru rendápe.

Juan 17:3

Kóva niko ha'e pe tekove tapia guarã, ta nde kuaa hikuái ndéve nde añoiteha Tupã Ñandejára añetegua, ha toikuaa Jesucrístope, pe nde rembou va'ekue.

Juan 17:5

Ko'ãga, aipóramo, che Ru, eme'ẽ chéve pe nde reimehápe upe gloria che areko va'ekue nendive ko mundo oiko ñepyrũ mboyve guive.

Juan 19:35

Upe ohecha va'ekue omombe'u kóva ha he'i pe añetegua, ha ha'e oikuaa he'iha pe añetegua, peẽ avei perovia haguã.

Juan 21:14

Kóva niko mbohapy jevyháma Jesús ojehechauka hague hemimbo'e kuérape oikove jevy rire omanóva apytégui.

Juan 3:13

‘Avave ndojupíri yvágape, pe oguejy va'ekue upéguinte; pe kuimba'éicha ou va'ekue yvy ári pe yvága peguáva.

Juan 7:29

Che katu aikuaa ichupe aju hague rehe hendágui ha ha'e che mboúgui.

Juan 8:38

Che añe'ẽ aína umi mba'e che Ru ohechauka va'ekue chévegui; peẽ katu pejapo peína pe pende ru he'i va'ekue peẽme.

Apostolkuéra 1:22

upe ojebautiza ha'ára guive Juan po rupi, upe ojehupiha ára peve yvágape ñande apytégui, peteĩ ta ñane moirũ pe Jesús oikove jevyha rechahare ramo.

Apostolkuéra 10:41

Ndojechaukái opavavépe, oréve añónte, Tupã Ñandejára ore poravo va'ekuépe ymaite guive mba'e rechaharã ramo. Ore rokaru ha roy'u va'ekue hendive oikove jevy rire omanóva apytégui.

Apostolkuéra 2:32

Ko Jesúspe Tupã Ñandejára omoingove jevy va'ekue ha ore kuéra upéva rechahare.

Apostolkuéra 3:15

Pejuka pe jeikove ome'ẽvape upe Tupã Ñandejára omopu'ã jevy va'ekue omanóva apytégui, ha ore kuéra upéva rechahare.

Apostolkuéra 5:32

Ore ko'ã mba'e rechahare ha Espíritu Santo avei, Tupã Ñandejára ome'ẽva umi ichupe iñe'ẽ rendúvape.

Romayguakuérape 8:3

Tupã Ñandejára niko ojapo ñande rehe pe ley ikatu'ỹ va'ekue ojapo nda ipu'akáigui pe ñande kuéra yvypóra reko rehe. Tupã Ñandejára ombou va'ekue Ta'ýra teetépe pe ñande kuéra yvypóra reko ipecádova reheguáicha, omano haguã pecado rehe, ha upéicha ocondena pe ñande yvypóra kuéra reko rehegua pecado.

Galaciayguakuérape 4:4

Oguahẽma ramo pe ára, katu Tupã Ñandejára ombou va'ekue Ta'ýra, onace va'ekue kuñágui ha onace va'ekue pe ley poguýpe.

1 Timotéope 3:16

Mba'eguasuete añete pe ko'ãga ojekuaaukáva: Tupã Ñandejára ojehechauka va'ekue yvypóraicha, pe Espíritu he'i hese imarangatuha, ángel kuéra ohecha va'ekue ichupe, oñemoherakuã opa tetãme, yvypóra kuéra ojerovia hese ha ojehupi va'ekue yvágape.

2 Timotéope 1:10

Ha ohechauka ñandéve ko'ãga oúma ramo ñande Salvador Jesucristo, upe ombyai va'ekue pe mano pu'aka, pe ñe'ẽ evangelio rehegua rupi ha oguenohẽ tesapehápe pe tekovete opa'ỹva.

Títope 1:2

ha pe ñaha'arõva pe tekove tapia guarãva. Tupã Ñandejára ijapu'ỹva, ko mundo oiko ñepyrũ mboyve voi, he'i va'ekue ome'ẽtaha ko tekove,

1 Pédro 5:1

Mbo'ehára kuéra pende apytépe oĩvape ajerure, che niko mbo'ehárante avei hendive kuéra, ha pe Cristo jehasa asy rechahare ha ahupity vaerã avei pe iglória ojehechauka ha'ára.

1 Juan 1:1

Romoĩ peẽme kuatia rehe pe tekovete rehegua ñe'ẽ, oikóma va'ekue voi opa mba'e oñepyrũ ramo guare guive. Rohendu va'ekue, ha rohecha va'ekue ore resa teete rupi voi; romaña va'ekue hese, ha ropoko va'ekue hese.

1 Juan 2:25

Ha Jesucristo ete voi he'i va'ekue ome'ẽ va'erãha ñandéve pe tekove tapia guarãva.

1 Juan 3:5

Peikuaáma háicha, Jesucristo ou hague oipe'a haguã ñande pecado, ha ha'e ndoguerekói ojehe mba'eveichagua pecado.

1 Juan 3:8

Pe oikóva opeca katu Aña mba'e, Aña opecágui iñepyrũmby guive. Pe Tupã Ñandejára Ra'y ou va'ekue ombyai haguã voi pe Aña rembiapokue.

1 Juan 4:14

Ha ore voi rohecha va'ekue ha romombe'u pe Túva ombou hague Ta'ýrape osalva haguã yvypóra kuérape.

1 Juan 4:2

Kóicha ikatúta peẽ peikuaa Tupã Ñandejára Espíritupa: opa umi he'íva Jesucristo ou hague kuimba'e teetéicha, oguereko pe Tupã Ñandejára Espíritu;

1 Juan 5:11

Pe Tupã Ñandejára rembikuaauka niko kóva: ome'ẽ hague ñandéve tekove tapia guarãva, ha pe tekovete oĩ Ta'ýrape.

1 Juan 5:13

Amoĩ niko peẽme kuatia rehe ko'ã ñe'ẽ peikuaa haguã perekoha pe tekove tapia guarãva, peẽ pejeroviáva Tupã Ñandejára Ra'y rehe.

1 Juan 5:20

Jaikuaa avei Tupã Ñandejára Ra'y ou hague, ha ome'ẽ hague ñandéve akã porã jaikuaa haguã pe Tupã Ñandejára añetetévape. Ñaime pe Tupã Ñandejára añetetévape ñaimégui peteĩ py'ápe Ta'ýra Jesucristo ndive. Ha'e niko pe Tupã Ñandejára añetetéva, ha pe tekove tapia guarãva.