Juan 1:4 - Ñanderuete Ñe’ẽ Porã 2015

⁴ Ipype oĩva’ekue pe Tekove, ha pe Tekove ningo umi kuimba’e ha kuñakuéra Resapehára.

Tûpâ Ñandeyára 1913

⁴ Upe oñemoingo ypy vaecue ipype voí, upéva voí pe Tecové, ja pe Tecové jae voí umi ybypóra cuera resapéjá.

Ñandejára Ñe’ẽ

⁴ Upe ñe'ẽme oĩ vaekue tekovete, ha pe tekovete ohesape yvypóra kuéra rekove.

Ñandeyara Ñe'ẽ

⁴ Ipype voi oĩ va'ekue pe tekove, ha pe tekove voi yvypóra kuéra resapehára.

Ñandejara Ñe’ẽ ✟

⁴ Upe ñe'ẽme oĩ vaekue tekovete, ha pe tekovete ohesape yvypóra kuéra rekove.

Juan 1:4 Referencias Cruzadas

Salmokuéra 49:6

Ha’ekuéra ningo ojerovia imba’erepyeta rehe, ha oñembotuicha ipirapire heta rehe.

Salmokuéra 84:11

Ñanderuete ñanemo’ã porã ha kuarahýicha ñanderesape. Jeporiahuvereko ha terakuã porã Ñanderuete ome’ẽkuaa. Ha umi heko potĩvape Ha’e ohovasava’erã.

Isaías 42:16

Ha aisãmbyhýta umi hesatũvape tape oikuaa’ỹva rupi, amboguatáta ichupekuéra tape oikuaa’ỹva rehe ha pe ypytũ oĩva henonderãme amyesakãmbáta ha aguenohẽta umi ita oĩva hapépe oguata hag̃ua tape potĩ rehe. Ko’ã mba’e katuete ajapóta ichupekuéra g̃uarã, ha ndapoimo’ãi che ñe’ẽgui ajapopa peve.

Malaquías 4:2

Peẽ katu, pekyhyje ha pejeroviáva che réra rehe pehupitýta che justícia, ha pemimbíta ku kuarahy osẽ ramoguáicha ha ipepo rehe oguerúta pende salvacion ha pesẽta cherug̃uaitĩvo ha pepopóta vy’apópe ku vakara’ýicha osẽva ikorágui.

Matéo 4:16

umi tetãygua oikóva pytũnguýpe ohecha peteĩ tesape ndetuicháva ha umi oguapýva pe ñemano’ãme g̃uarã ohesape peteĩ tesape ndetuicháva, (Isaías 9,1-2).

Lúcas 2:32

Ha ko Salvador kóva opyta hag̃ua tesape añeteguáva ramo, ojehechaukátava opaite tetãnguérape g̃uarã ha oguerovy’a hag̃ua ne retã Israélpe, (Isaías 42,6; 49,6).

Juan 11:25

Upérõ Hesu he’i ichupe: Che ningo pe jeikove jevy ha pe tekovete. Oimeraẽ ojeroviáva guive cherehe, omano ramojepe, oikove jevyva’erã.

Juan 12:35

Ha Hesu ombohovái ichupekuéra: Pe Tesape ndahi’aremo’ãvéima pende apytépe. Upévare peguata, peguereko aja pe tesape, ha ho’a mboyve pe pytũ pende’ári, ha upe oguatáva pytũnguýpe ndoikuaái moõ rupípa oguatáta.

Juan 12:46

Che ningo pe Tesape ha aju ko yvy apére, opaite cherehe ojeroviáva ani hag̃ua opyta pytũnguýpe.

Juan 14:6

Hesu he’i ichupe: Che ningo pe tape, pe añetegua ha pe tekovete, avave ndaikatúi og̃uahẽ che Ruete rendápe cherehe’ỹ. Cherupímante uvei ikatu oñeg̃uahẽ Ñanderuete rendápe.

Juan 3:19

Kóva ningo pe ñembojovake oúva Tesape rupi ko yvy ape ári, tetãyguakuéra ohayhuve pe pytũme tesapégui, ha ndohechaséi hembiapokuéra ivaiha.

Juan 5:21

Pe túva omoingove jevy háicha omanova’ekuépe, peichaite avei Ita’ýra, Ha’e omoingove avei Ha’e oipotávape guive.

Juan 5:26

Pe Túva oikove háicha ijehegui voínte, péicha ome’ẽ avei Ita’ýrape pe tekove (añeteguáva) oikove hag̃ua avei ijehegui.

Juan 8:12

Hesu he’i jevy ichupekuéra: Che ningo ko múndo resape. Upe oúva che rapykuéri ndoikomo’ãvéima pytũnguýpe, oguerekóma uvei pe tekove resape.

Juan 9:5

Che aiko aja ko yvy ári, che’aĩna ko múndo resapehára.

Apostolkuéra 26:23

Ha’ekuéra voi he’imava’ekue Hesu Crísto ohasa asytaha, ha omano rire oikove jevytaha, ogueru hag̃ua pe tesape Israelguakuérape ha tetã ambueyguakuérape avei.

1 Corintoyguakuérape 15:45

Upéicha ojehaiva’ekue pe Adan peteĩha oñemoingove peteĩ ánga oikóva reheve, pe Adan ipaha pegua katu Pytu Porã oporomoingovéva reheve.

Efesoyguakuérape 5:14

Opaite mba’e Ha’e ohechaukáva ningo tesape, upévare Ñanderuete kuatiañe’ẽme he’i avei: Epáy nde rekéva, ha epu’ã omanóva apytégui, ha Hesu Crísto nderesapéta.

Colosayguakuérape 3:4

Hesu Crísto ningo ñande rekove, ha Ha’e ouha ára pejupáta avei hendive Hesu Crísto rekojajaipa rendápe.

1 Juan 1:1

Ore rohai pe Ñe’ẽ tekovete rehegua rehe, oikova’ekue ñepyrũ guive, ha ore rohenduva’ekue ichupe ore apysatee rupi, ore rohechava’ekue ichupe ore resatee rupi, ore ropokova’ekue hese ore potee rupi,

1 Juan 1:2

ha pe Tekovete ojehechaukava’ekue ha ore ropytava’ekue techahare añeteguáva ramo, ore romombe’u peẽme. Ko Tekovete tapia g̃uarã oikova’ekue Ñanderuete ndive ha ojehechaukáma oréve.

1 Juan 5:11

Ha Ñanderuete me’ẽmby ñandéve g̃uarã ningo kóva: Tekove tapia g̃uarãva, ha ko tekove tapia g̃uarãva oĩ Ita’yrapype.

Apocalípsis 22:1

Upéi pe yvága rembiguái ohechauka chéve pe ysyry oporomoingovéva, hesakãva ita veráicha, osẽva Ñanderuete ha Ovechara’y guapyhaguasúgui.

Apocalípsis 22:16

Che, Hesu, amondo che yvága rembiguái aikuaauka hag̃ua peẽme, che iglesiayguakuérape umi mba’e oikova’erãva. Che ningo David rapo, ha iñemoñare, pe jasytata ojajái porãva ko’ẽjúvo.