Filemónpe 1:16 - Ñanderuete Ñe’ẽ Porã 2015

¹⁶ Nanerembiguaivéima ramo, ñane hermáno jahayhúva ramo uvei. Che ningo ahayhuete ichupe, nde katuete rehayhuetevéta ichupe, ha’e ñande rapichaháre ha ko’ág̃a avei ñane hermanoháre Hesu Crísto rupi.

Tûpâ Ñandeyára 1913

¹⁶ anive jaguâ rereco ichupe tembiguaicha, te rereco ichupe tuvichavé tembiguai gui, peteî ñanderejeguaicha catu yepe, che ajaŷjuetéva catuetei ja nde rejaŷjúetévéva yepe ichupe cuimbaeicha nde rejeguajá reje ja Ñandeyára rejeguaja reje avei.

Ñandejára Ñe’ẽ

¹⁶ ndaha'e véima tembiguáicha, iporãvéva tembiguáiguima katu, peteĩ ne pehẽngue rehayhúvaicha. Che ahayhu eterei chupe. Ha nde, rehayhuve vaerã katu chupe, ha ndaha'éi yvypóraicha añónte. Ne pehẽngue Ñandejára reheguáva ramo katu avei.

Ñandeyara Ñe'ẽ

¹⁶ ha na tembiguaivéima ramo, tembiguái ramo rangue nde ryvy rehayhúva ramo uvei. Che niko ahayhu Onésimope, opáichavo, nde oime vaerã rehayhueteve reína ichupe, ndaha'éi katuete nde rapicha kuimba'e hague rehe ñande ryvyha rehe avei Ñandejára rupi.

Ñandejara Ñe’ẽ ✟

¹⁶ ndaha'e véima tembiguáicha, iporãvéva tembiguáiguima katu, peteĩ ne pehẽngue rehayhúvaicha. Che ahayhu eterei chupe. Ha nde, rehayhuve vaerã katu chupe, ha ndaha'éi yvypóraicha añónte. Ne pehẽngue Ñandejára reheguáva ramo katu avei.

Filemónpe 1:16 Referencias Cruzadas

Matéo 23:8

Ha peẽ ani peipota peñehenói mbo’ehára, peteĩnte pene mbo’ehára, ha peẽ katu hermanokuéra meme.

Apostolkuéra 9:17

Upérõ Ananías oho ha oike Júdas rógape, ha omoĩvo ipo Sáulo ári he’i: Sáulo, che hermáno, Ñandejára Hesu Crísto ojehechaukava’ekue ndéve pe tape reju haguérupi, Ha’e chembou ne rendápe rehecha jevy hag̃ua ha nerenyhẽ hag̃ua Pytu Porãmbávagui.

1 Corintoyguakuérape 7:22

Pe tembiguáipe oñeme’ẽma sãso, opyta Hesu Crísto rembiguáirõ, ha pe karai oikomava’ekue sãsóme opyta Hesu Crísto rembiguáirõ (ojeroviágui hese).

Colosayguakuérape 3:22

Peẽ tembiguaikuéra (esclávo) peneñe’ẽrendu opaite mba’épe pende jára yvy ariguápe (patrónpe), anítei pemba’apo porãnte pende jára yvy arigua resa renondépente, pembovy’a hag̃ua ichupe, tapiákena pemba’apo porã uvei pende py’aite guive, pekyhyjégui Ñanderuetégui.

1 Timotéope 6:2

Ha umi tembiguái oguerekóva peteĩ patron ojeroviáva avei Hesu Crísto rehe, tomomba’ete ichupe, iñermánogui, ha toservi porãve ichupe, ha’e ojeroviágui avei Ñanderuete rehe, ha ha’e oikóma Hesu Crísto rayhupára ramo; pe patron toñeha’ãmba avei tohechauka ipy’aporãha hembiguaikuéra ndive. Che aipota nde rehekombo’e ko’ã mba’e ko’ãvare.

hebreoyguakuerape 3:1

Upévare che hermanokuéra heko potĩva, Ñanderuete ohenoimava’ekuépe imba’erã ramo, pema’ẽ porãke Hesu Crísto rehe, Ñanderuete ombouva’ekue pa’iguasu ramo, jajerovia hag̃ua hese.

1 Juan 5:1

Oimeraẽ ogueroviáva Hesu ha’eha pe Crísto, ha’éma Ñanderuete ra’y térã itajýra, ha upévare ha’ekuéra ojohayhuva’erã Ñanderuete mborayhu reheve.