1 Juan 4:3 - Ñanderuete Ñe’ẽ Porã 2015

³ ha upe pytu he’íva ndaupeichaiha, ndoúi Ñanderuetégui, upéva ningo crísto gua’uha, pe anticrísto pytu voi, pehendúma voi pe crísto gua’u outaha ha oiméma voi ko yvy apére.

Tûpâ Ñandeyára 1913

³ ja oime ramo ânga rejegua omomârâva Jesuspe, upéva na Tûpâ Ñandeyára rejeguavái, ja cóva voi pe Cristo reje iyaé-ŷ-va rejegua, pejendu jague ou vaerâjá, ja coanga voi oime yby ári.

Ñandejára Ñe’ẽ

³ Upe ndoikuaaséiva mba'eve Jesúsgui, ndoguerekói Tupã Espíritu. Upéva rangue oguereko pe Crístore opu'ãva espíritu. Peẽ pehendúma ko espíritu ou vaerãha, ha che ha'e peẽme oĩmaha yvy ári.

Ñandeyara Ñe'ẽ

³ umi oguerovia'ỹva Jesús ou hague kuimba'e teetéicha katu ndoguerekói pe Tupã Ñandejára Espíritu, umíva oguereko pe anticristo espíritu uvei. Peẽ pehendúma va'ekue upe espíritu ou va'erãha, ha ko'ãga voi oĩma hína ko múndope.

Ñandejara Ñe’ẽ ✟

³ Upe ndoikuaaséiva mba'eve Jesúsgui, ndoguerekói Tupã Espíritu. Upéva rangue oguereko pe Crístore opu'ãva espíritu. Peẽ pehendúma ko espíritu ou vaerãha, ha che ha'e peẽme oĩmaha yvy ári.

1 Juan 4:3 Referencias Cruzadas

Matéo 24:5

Heta oĩ oútava gueteri che rérape ha he’ítava: Che ha’e pe Crísto ha ombotavýta hetápe.

1 Juan 2:18

Peẽ penaceramóvape ha’ese pe hóra paha og̃uahẽmaha, ha pehendu haguéicha pe crísto gua’u (pe anticrísto) opu’ãtaha; ha oúmagui heta crísto gua’u, ñande jaikuaáma pe hóra paha og̃uahẽmaha.

1 Juan 2:22

Mávapa pe ijapúva, ndaha’éirõ pe ombotovéva Hesúpe ha he’íva Ha’e ndaha’eiha pe Crísto. Upéva ningo pe crísto gua’u ombotove pe Túva ha Ita’ýrape.

2 Juan 1:7

Heta mbotavyhára oñemyasãima yvy apére, umía ombo’e Hesu Crísto ndoúi hague kuimba’e ramo. Umíva ningo mbotavyhára ha crísto gua’u.