1 Juan 1:7 - Ñanderuete Ñe’ẽ Porã 2015

⁷ Jaiko ramo tesapépe, Ha’e oĩ háicha tesapépe, upéicharamo jaiko porã avei oñondive, ha Hesu Crísto ruguy ñanemopotĩ opaichagua tembiapo vaígui. Hesu Crísto Ñanderuete Ra’y voi.

Tûpâ Ñandeyára 1913

⁷ Ñande yaico ramo yaicovo ojesapéjápe, Jae oi jaicha ojesapéjápe, ñande yayejeá ñaina oyueje, ja Tayra Jesu Ruguy ñane mopôtí opaichagua angaipa gui.

Ñandejára Ñe’ẽ

⁷ Ha jaiko ramo tesapeha rendýpe, Tupã oikoháicha tesapeha rendýpe, upéicharõ ñaime oñondive peteĩ py'ápe, ha Ita'ýra Jesús ruguy ñane mopotĩ ñane angaipágui.

Ñandeyara Ñe'ẽ

⁷ Jaiko ramo tesapeha rendýpe katu, pe Tupã Ñandejára oĩ háicha tesape rendýpe, upéicharamo ñaime oñondive kuéra peteĩ py'ápe ha Ta'ýra Jesucristo ruguy ñane mopotĩ opa ñande pecádogui.

Ñandejara Ñe’ẽ ✟

⁷ Ha jaiko ramo tesapeha rendýpe, Tupã oikoháicha tesapeha rendýpe, upéicharõ ñaime oñondive peteĩ py'ápe, ha Ita'ýra Jesús ruguy ñane mopotĩ ñane angaipágui.

1 Juan 1:7 Referencias Cruzadas

Salmokuéra 104:2

Nde reñeñu’ã tesapépe, ku pónchope oñemonde háicha, ha Nde rejepyso umi yvága ojepyso háicha peteĩ cárpa óga ape ári.

Salmokuéra 51:2

Chejohéi che ñaña rekógui, ha chemopotĩ che rembiapo vaígui.

Salmokuéra 56:13

Nde reguenohẽ haguére che ánga ñemanógui ha che py ñepysãngágui, aguata porã hag̃ua che Ruete renondépe, pe oikovéva resapépe.

Salmokuéra 89:15

Ovy’aite pe tetã nembovy’áva, ha oguatáva nde rapére, che Ruete resa renondépe.

Salmokuéra 97:11

Tesape oñemyasãi heko potĩvape g̃uarã, ha vy’a umi ipy’a potĩvape g̃uarã.

Isaías 2:5

Peju, Jacóbo rogaygua ha jaguata Ñanderuete rapére.

Isaías 33:24

Ha umi upépe oikóva nde’imo’ãvéima: Cherasy, umi tetãygua rembiapo vaikue oñeperdonámagui.

Isaías 6:7

ha omboja che jurúre, ha he’i: Péina ápe kóa oja ne rembe rehe, ojepe’a hag̃ua ndehegui ne angaipa, ha nepotĩ hag̃ua ne rembiapo vaígui.

Amos 3:3

Oguatánepa mokõi oñondive, ndoikói ramo peteĩ ñe’ẽme.

Zacarías 13:1

Upe ára upévape oĩta peteĩ yvu David ñemoñarenguéra ha umi Jerusalenguápe g̃uarã, ojohéi hag̃ua hi’angaipa ha hembiapo vai.

Matéo 6:12

Ha eperdonamína ore rembiapo vaikue, ore roperdona haguéicha ore rapichápe hembiapokue ojapo vaiva’ekue orerehe.

Juan 1:29

Ambue árape ha’e ohecha Hesu Crístope, ouvahína hendápe, ha Juan he’i: Pema’ẽ porãke, péva ningo Ñanderuete Ovecha Ra’y oipe’áva tetãyguakuéra angaipa.

Juan 12:35

Ha Hesu ombohovái ichupekuéra: Pe Tesape ndahi’aremo’ãvéima pende apytépe. Upévare peguata, peguereko aja pe tesape, ha ho’a mboyve pe pytũ pende’ári, ha upe oguatáva pytũnguýpe ndoikuaái moõ rupípa oguatáta.

Juan 5:4

Peteĩ ángel sapy’a py’a oguejy Ñanderuete rekohágui ha omomýi pe y. Ha upe oike raẽva pe y oñemomýi jave, okuera opytávo oimeraẽ mba’asy oguerekóvagui.

Romayguakuérape 13:12

Iko’ẽmbátama, ha pe ára og̃uahẽmbotáma, upévare tekotevẽ jaheja pe tembiapo vai ha jajapyhy pe ñorãirõ rembiporu tesape rendy reheguáva.

1 Corintoyguakuérape 6:11

Koichaguaréva oiko pende apytépe, ko’ág̃a katu oñemopotĩma Hesu Crísto réra rupi, ha Ñanderuete Pytu Porãite pu’aka rupi oñemopotĩ porãma.

Efesoyguakuérape 1:7

Hesu Crísto ruguy ñandesalva ha Ha’e operdona avei ñane rembiapo vai, ipy’aporã ituichaitégui.

Efesoyguakuérape 5:8

Ymave ningo peikova’ekue avei pytũguýpe, ko’ág̃a katu peikóma Ñanderuete ndive tesapehápe. Upéicha ramo peikóna avei tesape ra’y ha itajýra ramo.

1 Timotéope 6:16

Ha’eñoite oguereko pe tekove tapia g̃uarãva, Ha’e oikóva tesape ojeike’ỹháme: Ndaipóri yvyarigua apytépe ohecháva ichupe ha ndaikatúi voi ohecha ichupe; toñemomba’eguasu ha toñembotuicha ichupe tapia g̃uarã, taupéicha (amen).

Títope 2:14

Ha’e voi ome’ẽ hekove ñandesalva ha ñandepe’a hag̃ua aña reko vaígui, ñanemopotĩ ha jaiko hetã potĩva ramo ichupe g̃uarãnte, ha ñande ñanekyre’ỹve jahávo jajapo hag̃ua tembiapo porã.

hebreoyguakuerape 9:14

Hesu Crísto katu ome’ẽ huguy, ho’a’ỹre angaipápe, Ñanderuete Pytu Porãite pu’aka tapia g̃uarãva rupi, ha huguy ningo pe kuave’ẽmby añeteguávante Ñanderuetépe g̃uarã, upévare Ha’émante omopotĩva’erã ñande py’apyñe’ẽ ñane angaipágui jaservi hag̃ua Ñanderuete oikovévape.

Tiágo 1:17

Opaite me’ẽmby iporãva ha opaite jopói hekoite peguáva ou yvatégui, Ñanderuetégui; Ha’e ningo pe tesape Ru, Ha’e noñemoambuéi ha hendive ndaipóri ypytũ.

1 Pédro 1:19

Ha’e ñandejoguava’ekue Hesu Crísto ruguy porãite rupínte, ijovecha ra’y imarã’ỹ ha oñemongy’a’ỹvaicha.

1 Juan 1:3

Upévare, umi mba’e ore rohecha ha rohenduva’ekue romombe’u peẽme, peẽ peñembopy’apeteĩ hag̃ua orendive, ha ñaĩ hag̃ua Ñanderuete ha ita’ýra Hesu Crísto ndive.

1 Juan 1:5

Ko ñe’ẽ porãite kóva ore rohendu Hesu Crístogui ha rombohasase peẽme: Ñanderuete ningo tesape, ha mba’eveichagua pytũ ndaipóri ipype, (Tiágo 1,17).

1 Juan 5:6

Hesu Crísto ningo ouva’ekue y ha tuguy rupi, nda’y añói rupi, y ha tuguy rupi uvei. Ha pe Pytu Porãmbáva ningo oikuaauka péva, pe Pytu Porãmbáva ha’égui pe añetegua.

1 Juan 5:8

pe Pytu Porãmbáva, y ha tuguy, ha mbohapyve oĩ oñoñe’ẽme oñondive.

2 Juan 1:4

Che ningo avy’aite ajohu haguére ne membykuéra apytépe umi oguatáva pe añetegua rapére, Ñanderuete he’iuka haguéicha ñandéve.

3 Juan 1:4

Chéve ndaipóri vy’a tuichavéva kóvagui, ahendu ramo che ra’ykuéra ha che rajykuéra pytu porã reheguáva oguata porãha oikóvo pe añetegua rapére.

Apocalípsis 1:5

ha Hesu Crístogui, pe techahare heko peguáva ha pe oiko jey tenonde omanóva apytégui ha pe oikóva yvy ruvichaitevéva ramo tetã ruvichakuéra apytépe. Ha’e voi ningo ñanderayhuvahína ha ñandejoheiva’ekue ñane angaipágui huguytee rupi.

Apocalípsis 12:11

Ha’ekuéra ombopoguy katu ichupe pe Ovechara’y ruguy rupi, ha omyasãi porã haguére Hesu Crísto iñe’ẽ ha hekove rupi, ha nahakate’ỹi hekovekuéra rehe, tekotevẽ ramojepe omano Hesu Crísto rehehápe.

Apocalípsis 7:14

Ha che ambohovái ichupe: Che jára, nde ningo reikuaa. Ha ha’e he’i chéve: Ko’ãva ningo umi ouva’ekue upe jehasa asyguasúgui, ha’ekuéra ojohéi ha omomorotĩva’ekue ijaokuéra pe Ovechara’y ruguýpe.