1 Juan 1:3 - Ñanderuete Ñe’ẽ Porã 2015

³ Upévare, umi mba’e ore rohecha ha rohenduva’ekue romombe’u peẽme, peẽ peñembopy’apeteĩ hag̃ua orendive, ha ñaĩ hag̃ua Ñanderuete ha ita’ýra Hesu Crísto ndive.

Tûpâ Ñandeyára 1913

³ upe rojecha ja rojendu vaecue, upéva pe ore romojerâcuâva roina peême, icatu jaguâ peyejeá peê avei orereje ñandepa oyoyuejegua jaguâ. Ja co ñande cuera yayejeájá oyoyuejeguaramo, ja upeicharamo avei, yayejeá pe Túva reje ja Tayra Jesu Cristo reje ñande oyoyuejegua jendive cuera.

Ñandejára Ñe’ẽ

³ Amombe'u peẽme aipórõ pe ahecha ha ahendu vaekue, peẽ peime haguã che ndive, che aimeháicha Tupã pe Túva ha Ita'ýra Jesucristo ndive.

Ñandeyara Ñe'ẽ

³ Roikuaauka peẽme upe rohecha ha rohendu va'ekue, peẽ peime haguã avei orendive, pe ore roime háicha añetete Tupã Ñandejárape Túva ha Ta'ýra Jesucristo ndive.

Ñandejara Ñe’ẽ ✟

³ Amombe'u peẽme aipórõ pe ahecha ha ahendu vaekue, peẽ peime haguã che ndive, che aimeháicha Tupã pe Túva ha Ita'ýra Jesucristo ndive.

1 Juan 1:3 Referencias Cruzadas

Job 13:1

Pema’ẽ porãke, opaite ko’ã mba’ére che resa ohecháma, ha che apysa ohendu ha oikuaa porã.

Salmokuéra 2:7

Che amyasãita iñe’ẽ, Ñanderuete he’i voi chéve: Nde ningo che Ra’y, ha ko ára Che romoñemoña.

Salmokuéra 22:22

Upéramo amombe’úta nde réra che ryvykuérape ha romomba’eguasúta umi heko potĩva atýpe.

Isaías 66:19

Ijapytepekuéra amoĩta peteĩ mba’e techaukaha, ha umi hembýva ichuguikuéra amondóta ambue tetãme, Tarsíspe, Put ha Lúdpe, umi oipysóva guyrapa. Tubal ha Javánpe, ha umi tetã oĩva y rembe’y mombyrýpe, ha ndoikuaáiva mba’evete chehegui ni ndohechái Che reko jajaipa; ha’ekuéra katu omombe’úta che reko jajaipa umi tetã apytépe.

Números 10:32

Reju ramo orendive nde rehupitýta avei mba’eporã Ñanderuete ojapótava oréve g̃uarã.

Juan 17:11

Che ningo ndapytamo’ãvéi ko yvy ári, ko’ãva katu opytatahína gueteri, Che katu aháta ne rendápe. Che Ruete nde reko potĩete rasa ha hekoitépe reñangareko umi Nde reme’ẽmava’ekue chéve rehe nde réra rehehápe, oiko hag̃ua peteĩ ñe’ẽme, ñande jaiko háicha.

Juan 17:21

Opavavete oiko hag̃ua oñondive peteĩ py’ápe, Nde reiko háicha chepype, ha Che aiko háicha ndepype, upéicha ha’ekuéra oiko hag̃ua avei ñandepype, yvyariguakuéra oguerovia hag̃ua Nde chembou hague.

Juan 17:25

Che Ruete, nde reko ningo iporãite, tetãyguakuéra apytépe heta ningo nandekuaáiva, oĩ katu umi ndekuaáva, Che roikuaa háicha ndéve ha ha’ekuéra oikuaáma Nde voi chembou hague ko yvy ári.

Juan 17:3

Ha pe tekove tapia g̃uarãva ningo kóva: Tandekuaa hikuái ndéve, Ndémante Ñanderuete añeteguáva, ha toikuaa avei pe Nde rembouva’ekue, Hesu Crísto.

Juan 19:35

Ha upe ohechava’ekue opaite ko’ã mba’e, opytáma techahare ramo, ha opaite mba’e ha’e he’íva guive hi’añete, peẽ pejerovia hag̃ua avei Hesu rehe.

Apostolkuéra 13:32

Ha ore ningo romombe’u peẽme Hesu Crísto evangélio oñeprometeva’ekue ñande ypykuérape,

Apostolkuéra 13:41

Pema’ẽ porãke, peẽ pemboykéva Ñanderuete rembiapo, ha peñembohorýva hese, cháke, peẽ peñemondyiva’erã ha peñehundiva’erã, Che ajapótagui peteĩ tembiapo peẽ ndapegueroviáitava, oñemombe’u ramojepe peẽme che rembiaporã, (Habacuc 1,5).

Apostolkuéra 2:42

Ha’ekuéra oiko umi apóstol ombo’e haguéicha ichupekuéra, ha oñembyatývo oiko peteĩ ñe’ẽme ha peteĩ py’apyetépe, oñembo’e, ocena oñondive ha ho’u avei pe céna Hesu Crísto reheguáva (céna del Señor).

Apostolkuéra 20:27

Che ningo amombe’u peẽme opaite Ñanderuete rembipota añomi’ỹre mba’eve.

Apostolkuéra 4:20

Ore ningo ndaikatúi roguerokirirĩ umi mba’e ore rohecha ha rohenduva’ekue.

Romayguakuérape 15:27

Vy’apópe oipytyvõ hikuái hermáno mboriahúpe. Israelguakuéra omboja’o haguéicha tetã ambueyguakuérape imba’e yvága pegua, péva he’ise imba’e pytu porã megua, ko’ág̃a tetã ambueygua omyengoviava’erã avei ichupekuéra imba’e yvy árigua, Jerusalengua ohasa asýgui.

1 Corintoyguakuérape 1:30

Ñanderuete rupi ñande jaiko Hesu Cristopype, Ha’érupi jahupity Ñanderuetégui: Arandu, justícia (tekojoja), teko potĩ ha salvacion,

1 Corintoyguakuérape 1:9

Ñanderuete reko noñemoambuéi, Ha’e nopyrũi iñe’ẽ rehe araka’eve, Ha’e ningo penerenoiva’ekue peñembopy’apeteĩ hag̃ua ita’ýra, Ñandejára Hesu Crísto ndive.

1 Corintoyguakuérape 15:1

Che hermanokuéra, pomomandu’ase avei ningo, Ñanderuete ñe’ẽ porãite (evangélio) amombe’uva’ekue rehe peẽme, peẽ peñemomba’eva’ekue hese ha peikopeína ipype,

Efesoyguakuérape 3:6

Ko’ágã Ñanderuete ohechaukáma Ipytu Porãite rupi umi tetã ambueygua ohupitymaha avei Israelguakuéra ndive Ñanderuete jopói, oiko hag̃ua peteĩ teterõguáicha Israelguakuéra ndive, ha ichupekuéra oñeme’ẽma avei Ñanderuete promésa Hesu Crísto evangélio rupi.

Filipoyguakuérape 1:7

Péicha apensa opavave penderehe, che poguerekógui che py’apýpe ha aĩ ramojepe cárcelpe térã mbojovakehára renondépe peẽ chemoirũ (pende pytu porãme) amombe’u porã hag̃ua Ñanderuete ñe’ẽ ha apyta hatã hag̃ua Ñanderuete mborayhúpe.

Filipoyguakuérape 2:1

Pende apytépe oime ramo oikotevẽva tekombo’e rehe, toñeme’ẽ ichupe Hesu Crísto oipota háicha, oñemokyre’ỹ jevy hag̃uáicha, oñekotevẽ ramo ñemoangapyhy rehe, toñeme’ẽ mborayhu reheve, péichamante pe ñembopy’apeteĩ, pe mborayhu ha pe poriahuvereko okakuaa porãvéta pende apytépe.

Filipoyguakuérape 3:10

Che aikuaa porãseve Hesu Crístope ha Ñanderuete pu’aka, omoingove jevyva’ekue Ita’ýra omanova’ekue apytégui, ha che amoirũ ichupe avei ijehasa asýpe, che ajoguave hag̃ua ichupe avei iñemanóme.

Colosayguakuérape 1:13

Ñanderuete ñaneguenohẽ Satana rembiapo ypytũ vai poguýgui ha ñandeguerova Ita’ýra ohayhuetéva retãguasúpe.

1 Tesalonicayguakuérape 1:10

ha mba’éichapa peẽ peha’ãrõ Hesu Crísto ou jevy hag̃ua yvagakuéragui, Ñanderuete omoingoveva’ekue ichupe omanova’ekue apytégui, ha Ha’e ñandesalváta pe ñembojovakerã pohyietégui.

1 Timotéope 6:2

Ha umi tembiguái oguerekóva peteĩ patron ojeroviáva avei Hesu Crísto rehe, tomomba’ete ichupe, iñermánogui, ha toservi porãve ichupe, ha’e ojeroviágui avei Ñanderuete rehe, ha ha’e oikóma Hesu Crísto rayhupára ramo; pe patron toñeha’ãmba avei tohechauka ipy’aporãha hembiguaikuéra ndive. Che aipota nde rehekombo’e ko’ã mba’e ko’ãvare.

hebreoyguakuerape 2:12

Ñanderuete ñe’ẽ he’i voi: Amombe’úta nde réra che hermanokuérape, Che romomba’eguasuve umi oñehenoiva’ekue ijatyguasuhápe (he’ise ijiglésiape), (Salmokuéra 22,23),

hebreoyguakuerape 3:1

Upévare che hermanokuéra heko potĩva, Ñanderuete ohenoimava’ekuépe imba’erã ramo, pema’ẽ porãke Hesu Crísto rehe, Ñanderuete ombouva’ekue pa’iguasu ramo, jajerovia hag̃ua hese.

hebreoyguakuerape 3:14

Ñande, Crísto reheguáva, jajejoko hatãkena ñande jerovia rehe ipaha peve, jarekóva iñepyrũha guive,

1 Pédro 5:1

Che poavisase peẽ karai ancianokuérape, (pemyakãva pe iglésia rembiapo), che voi peteĩ pende reheguáva, che ningo peteĩ techahare ohechava’ekue Hesu Crísto ohasa asy hague, ha oñeme’ẽta chéve che rendag̃ua Ha’e ou vove heko jajaipa reheve.

2 Pédro 1:16

Ore roikuaauka peẽme Hesu Crísto pu’aka ha ijeju jevy ndaha’éi ñe’ẽ gua’u rei, ore ningo hechaharete voi, ha rohecha ore resatee rupi heko jajái pu’aka.

1 Juan 1:1

Ore rohai pe Ñe’ẽ tekovete rehegua rehe, oikova’ekue ñepyrũ guive, ha ore rohenduva’ekue ichupe ore apysatee rupi, ore rohechava’ekue ichupe ore resatee rupi, ore ropokova’ekue hese ore potee rupi,

1 Juan 1:5

Ko ñe’ẽ porãite kóva ore rohendu Hesu Crístogui ha rombohasase peẽme: Ñanderuete ningo tesape, ha mba’eveichagua pytũ ndaipóri ipype, (Tiágo 1,17).

1 Juan 1:7

Jaiko ramo tesapépe, Ha’e oĩ háicha tesapépe, upéicharamo jaiko porã avei oñondive, ha Hesu Crísto ruguy ñanemopotĩ opaichagua tembiapo vaígui. Hesu Crísto Ñanderuete Ra’y voi.