Filemónpe 1:6 - Ñandejara Ñe’ẽ ✟

⁶ Ha ajerure Tupãme, ne rembiapo voi oikuaauka haguã ndéve opa mba'e porã ikatúva jajapo Crístope jahayhúgui.

Tûpâ Ñandeyára 1913

⁶ Ayerure voi aina che ñemboepe co mbae pôrâ jaecuera ojupity vaecue pende yerovia rupi oñatôi jaguâ ipype cuera ojechacuaáucápávo ichupecuera ñande pyapôrâjá, ja ñande yayae pôrâ Cristo reje.

Ñandejára Ñe’ẽ

⁶ Ha ajerure Tupãme, ne rembiapo voi oikuaauka haguã ndéve opa mba'e porã ikatúva jajapo Crístope jahayhúgui.

Ñandeyara Ñe'ẽ

⁶ Ajerure Tupã Ñandejárape, umi nde rupi ogueroviáva toikuaa porãve umi mba'e porãita jarekóva Cristo Jesús rupi.

Ñanderuete Ñe’ẽ Porã 2015

⁶ Pe jerovia, ñande jarekóva Hesu Crísto rehe, tokakuaave ndepype reikuaa porãve hag̃ua opaichagua mba’eporã ñande jarekóva Hesu Crísto rupi.

Filemónpe 1:6 Referencias Cruzadas

Matéo 25:16

Upe 5.000 ohupyty vaekue, oho omomba'apo pe iviru ha omomemby 5.000 jey.

Matéo 5:16

Péicha aveíke, peñeha'ã peẽ pehesape opavave renondépe. Ha ha'e kuéra ohechávo pene rembiapo porãngue, omomba'e guasúta pende Ru, yvágape oĩvape.

1 Corintoyguakuérape 14:25

Ha upéicha hesakã porãta chupe ipy'apy ha omomba'e guasúta Tupãme ñesũháme, ha ohecha kuaáta Tupã añetehápe oĩha pende apytépe.

1 Corintoyguakuérape 16:9

okẽ niko ojepe'a porã chéve hína amba'apo haguã, oimérõ jepe heta ndaija'éiva che rehe.

Filipoyguakuérape 4:8

Ipaharã, che pehẽngue kuéra, pejepy'a mongeta umi mba'e iporãvare, umi mba'e ojeapo vaerã mba'érõ rehe, opa hekópe guávare, opa ipotĩvare, opa oporombovy'ávare, opa herakuã porãvare. Pejepy'a mongeta opaichagua teko marangatúre, opa ojererohory vaerãre.

Colosayguakuérape 1:9

Upévare ore, roikuaa ypy guive, roñembo'e pende rehe ha rojerure Tupãme oikuaauka porã haguã peẽme hembipota, pene moarandu ha oikuaauka porã haguã peẽme pe mba'e kuaa oúva Espíritu Sántogui.

Colosayguakuérape 3:10

ha peikóta jeikove pyahúpe, pe kuimba'e pyahu rekovépe, oñemyatyrõva ohóvo ojogua haguã Tupã, Ijapoharépe, peikuaa porã haguã chupe.

Títope 3:14

Umi ñande reheguáva toikuaa avei ojapo vaerãha iporãva, ha oipytyvõ oikotevẽvape, hekove kuéra ou porã haguã hapicha kuérape.

hebreoyguakuerape 6:10

Tupã niko heko joja hína ha ndahesarái mo'ãi umi pejapo vaekuégui ha mborayhu pehechauka vaekue chupe peipytyvõvo umi imba'évape, pejapoháicha gueteri peikóvo.

Tiágo 2:14

Che pehẽngue kuéra, mba'épe piko iporã ja'e jajeroviaha ha ndojapói mba'eve iporãva? Ikatu nga'u piko peichagua jerovia ñane renohẽ ivaívagui?

Tiágo 2:17

Upéicha avei jerovia añónte, ha ojechauka'ỹva tembiapokue rupi, výro rei.

1 Pédro 2:12

Peiko porã umi heko jeroviaha'ỹva apyte rupi. Upéicharõ ha'e kuéra, oñe'ẽ ramo jepe ko'ágã pende rehe, peẽ mba'e vai apoha ramo guáicha, ohechávo hikuái umi mba'e porãita pejapóva oguerohorýne Tupãme oguahẽvo ára ha'e oporandutaha chupe kuéra hekove kuerakuére.

1 Pédro 3:1

Upéicha avei peẽ tembireko, peñemoĩ vaerã pene ména poguýpe, oimérõ ndogueroviái pe marandu pyahu, ikatu haguã ohecha kuaa añeteha. Upéicharõ natekotevẽ mo'ãi peñe'ẽ chupe kuéra,

1 Pédro 3:16

Ha upéva pejapo pejejapo'ỹre ha peporomomba'évo. Peiko pende py'a guapy haguãicha, ikatu haguã umi oñe'ẽ vaíva pende reko porãre, Cristo reroviaha ramo, otĩ hikuái iñe'ẽgui.

2 Pédro 1:8

Peẽ perekopa ramo ko'ã mba'e ha péicha peiko ramo, ndapeiko rei mo'ãi ha Ñandejára Jesucrístope ndapeikuaa rei mo'ãi.