Taisbeanadh 7:7

Am Bìoball Gàidhlig 1992

De threubh Shimeoin sheulaicheadh dà‑mhìle-dheug. De threubh Lèbhi sheulaicheadh dà‑mhìle-dheug. De threubh Isachair sheulaicheadh dà‑mhìle-dheug.

Iomraidhean Croise

Genesis 29:34

Agus dh’fhàs i torrach a‑rìs, agus rug i mac; agus thubhairt i, A‑nis anns an uair seo, dlùth-leanaidh m’fhear rium, do bhrìgh gun do rug mi dha triùir mhac: uime sin thug i Lèbhi mar ainm air.

Genesis 30:18

Agus thubhairt Lèah, Thug Dia dhomh mo dhuais, a chionn gun tug mì mo bhanoglach dom fhear; agus thug i Isachar mar ainm air.

Genesis 35:23

Mic Lèah: Reuben ciad-ghin Iàcoib, agus Simeon, agus Lèbhi, agus Iùdah, agus Isachar, agus Sebulun;

Genesis 49:11

A’ ceangal a shearraich ris an fhìonain, agus loth a asail ris an fhìonain thaghte; nigh e a aodach ann am fìon, agus a thrusgan ann am fuil nam fìondhearc:

Genesis 49:5

Is bràithrean Simeon agus Lèbhi: tha innealan aingidheachd nan àitean-còmhnaidh.

Ecsodus 6:16

Agus is iad seo ainmean mic Lèbhi, a rèir an ginealaichean: Gerson, agus Cohat, agus Merari: agus b’iad bliadhnachan beatha Lèbhi ceud agus seachd-bliadhna-deug ar fhichead.

Àireamh 1:22

De chloinn Shimeoin, a rèir an ginealaichean, a rèir an teaghlaichean, a rèir taighean an athraichean, iadsan a chaidh àireamh dhiubh, a rèir àireamh nan ainmean a rèir an ceann, gach fireannach o fhichead bliadhna a dh’aois agus os a chionn, gach aon a b’urrainn dol a‑mach gu cogadh;

Àireamh 25:14

A‑nis b’e ainm an Israelich a mharbhadh, eadhon a mharbhadh maille ris a’ bhan-Mhidianaich, Simri mac Shalu, ceannard prìomh thaighe am measg nan Simeonach.

Àireamh 26:14

Is iad sin teaghlaichean nan Simeonach, fichead agus dà mhìle agus dà cheud.

Iosua 19:1

Agus thàinig an dara crannchur a‑mach do Shimeon, eadhon do threubh chloinn Shimeoin, a rèir an teaghlaichean: agus bha an oighreachd-san am meadhon oighreachd chloinn Iùdah.

Iosua 19:17

Thàinig an ceathramh crannchur a‑mach do Isachar, airson chloinn Isachair, a rèir an teaghlaichean.

Taisbeanadh 7:6

De threubh Aseir sheulaicheadh dà‑mhìle-dheug. De threubh Nephtalim sheulaicheadh dà‑mhìle-dheug. De threubh Mhanaseis sheulaicheadh dà‑mhìle-dheug.

Taisbeanadh 7:8

De threubh Shabuloin sheulaicheadh dà‑mhìle-dheug. De threubh Iòseiph sheulaicheadh dà‑mhìle-dheug. De threubh Bheniàmin sheulaicheadh dà‑mhìle-dheug.

Britheamhan 1:3

Agus thubhairt Iùdah ri Simeon a bhràthair, Thig a‑nìos maille riumsa dom chrannchur, a‑chum gun cog sinn an aghaidh nan Canàanach, agus thèid mise mar an ceudna maille riutsa dod chrannchur-sa. Agus chaidh Simeon maille ris.