Taisbeanadh 6:7

Am Bìoball Gàidhlig 1992

Agus nuair a dh’fhosgail e an ceathramh seula, chuala mi guth a’ cheathramh beò-chreutair ag ràdh, Thig, agus faic.

Iomraidhean Croise

Mata 27:66

Agus dh’imich iad, agus rinn iad an uaigh cinnteach, a’ cur seula air a’ chloich, maille ri faire.

Taisbeanadh 4:7

Agus bha an ciad bheò-chreutair cosmhail ri leòmhann, agus an dara beò-chreutair cosmhail ri laogh, agus bha aig an treas beò-chreutair aghaidh mar dhuine, agus bha an ceathramh beò-chreutair cosmhail ri iolair ag itealaich.

Taisbeanadh 6:1

Agus chunnaic mi, nuair a dh’fhosgail an t‑Uan aon de na seulachan, agus chuala mi aon de na ceithir beò-chreutairean ag ràdh, mar le fuaim tàirneanaich, Thig, agus faic.

Taisbeanadh 6:3

Agus nuair a dh’fhosgail e an dara seula, chuala mi an dara beò-chreutair ag ràdh, Thig, agus faic.

Taisbeanadh 6:5

Agus nuair a dh’fhosgail e an treas seula, chuala mi an treas beò-chreutair ag ràdh, Thig, agus faic. Agus dh’amhairc mi, agus, feuch, each dubh, agus bha aig an tì a shuidh air, meidh na làimh.