Taisbeanadh 19:17

Am Bìoball Gàidhlig 1992

Agus chunnaic mi aingeal àraidh na sheasamh anns a’ ghrèin; agus ghlaodh e le guth àrd, ag ràdh ris an eunlaith uile, a bha ag itealaich ann am meadhon nèimh, Thigibh, agus cruinnichibh sibh fhèin a‑chum suipear an Dè mhòir;

Iomraidhean Croise

Isaiah 29:2

Gidheadh teannaichidh mise Ariel, agus bidh caoidh agus bròn ann; agus bidh e dhòmhsa mar Ariel.

Isaiah 56:9

O! uile bheathaichean na machrach thigibh a‑chum ithe; O! uile bheathaichean na frìthe!

Ieremiah 12:9

Bha m’oighreachd dhòmhsa mar eun breac; O euna fuileachdach, thigibh-se na h‑aghaidh air gach taobh; cruinnichibh, uile bheathaichean na machrach, thigibh a‑chum ithe suas.

Eseciel 31:13

Air a bhallachan briste gabhaidh uile eunlaith an adhair còmhnaidh, agus bidh uile bheathaichean na machrach air a gheugan:

Taisbeanadh 14:6

Agus chunnaic mi aingeal eile, ag itealaich ann am meadhon nèimh, aig an robh an soisgeul sìorraidh ri shearmonachadh dhaibhsan a tha nan còmhnaidh air an talamh, agus do gach uile chinneach, agus threubh, agus theangaidh, agus shluagh,

Taisbeanadh 19:21

Agus mharbhadh a’ chuid eile le claidheamh an Tì a bha na shuidhe air an each, a thàinig a‑mach as a bheul: agus bha an eunlaith uile air an lìonadh lem feòil.

Taisbeanadh 8:13

Agus dh’amhairc mi, agus chuala mi aingeal ag itealaich ann am meadhon nèimh, ag ràdh le guth àrd, Is truagh, truagh, truagh, do luchd-àiteachaidh na talmhainn, airson guthan eile trompaid nan trì aingeal a tha fhathast gu sèideadh!

1 Samuel 17:44

Agus thubhairt am Philisteach ri Daibhidh, Thig am ionnsaigh-sa, agus bheir mi d’fheòil do eunlaith an adhair agus do bheathaichean na machrach.