Taisbeanadh 18:4

Am Bìoball Gàidhlig 1992

Agus chuala mi guth eile o nèamh, ag ràdh, Thigibh a‑mach aisde, mo phoball, a‑chum nach bi sibh com-pàirteach de a peacaidhean, agus nach faigh sibh cuid de a plàighean;

Iomraidhean Croise

Genesis 19:14

Agus chaidh Lot a‑mach, agus labhair e ra chleamhnan, a phòs a nigheanan, agus thubhairt e, Eiribh, rachaibh a‑mach as an àite seo, oir tha an Tighearna gus am baile seo a sgrios. Ach bha e mar neach a bha ri fanaid ann an sùilean a chleamhnan.

Salm 50:18

Ma chunnaic thu gadaiche, dh’aontaich thu leis, agus maille ri luchd adhaltranais bha do chuibhreann.

Isaiah 48:20

Rachaibh a‑mach o Bhàbilon; teichibh o thìr nan Caldèanach; le guth gàirdeachais innsibh, cuiribh seo an cèill; sgaoilibh an sgeul gu iomall na talmhainn; abraibh, Shaor an Tighearna a òglach fhèin, Iàcob.

Isaiah 52:11

Imichibh, imichibh; rachaibh a‑mach as a sin; na beanaibh ri nì neòghlan; rachaibh a‑mach as a meadhon; bithibh-se glan, a tha a’ giùlan soithichean an Tighearna.

Ieremiah 50:8

Gluaisibh a‑mach à meadhon Bhàbiloin, agus imichibh à tìr nan Caldèanach, agus bithibh mar na gobhraichean fireann air toiseach nan treudan.

Ieremiah 51:45

Rachaibh-se a‑mach as a meadhon, O mo shluagh-sa, agus tèarnaibh gach aon a anam o chorraich ghairg an Tighearna.

Ieremiah 51:50

Sibhse a chaidh as on chlaidheamh, imichibh romhaibh, na fanaibh nur seasamh: cuimhnichibh an Tighearna o chèin, agus thigeadh Ierusalem nur n‑aire.

Ieremiah 51:6

Teichibh a‑mach à meadhon Bhàbiloin, agus sàbhaladh gach neach a anam, mun gearrar as sibh na h‑aingidheachd; oir is i seo aimsir dìoghaltas an Tighearna; ìocaidh e luigheachd dhi.

Ieremiah 51:9

B’àill leinne Bàbilon a leigheas, ach chan eil i air a leigheas; trèigibh i, agus rachamaid gach aon da dhùthaich fhèin: oir ràinig a breitheanas na nèamhan, agus thogadh suas e gus na speuran.

Mata 23:30

Agus ag ràdh, Nam bitheamaid ann an làithean ar n‑athraichean, cha bhitheamaid compàirteach riu ann am fuil nam fàidhean.

2 Corintianach 6:17

Uime sin thigibh a‑mach as am meadhon, agus dealaichibh riu, tha an Tighearna ag ràdh, agus na beanaibh ris an nì neòghlan; agus gabhaidh mise am ionnsaigh sibh,

1 Timòteus 5:22

Na leag do làmhan gu h‑obann air duine sam bith, agus na biodh com-pàirt agad de pheacaidhean dhaoine eile: coimhead thu fhèin glan.

2 Eòin 1:11

Oir ge bè neach a their ris, Guma subhach dhut, tha compàirt aige de a dhroch obraichean.