Taisbeanadh 10:10

Am Bìoball Gàidhlig 1992

Agus ghlac mi an leabhran à làimh an aingil, agus dh’ith mi suas e; agus bha e nam bheul milis mar mhil; agus nuair a dh’ith mi e, rinneadh mo bhrù searbh.

Iomraidhean Croise

Salm 104:34

Bidh mo smuaintean air milis; nì mi gàirdeachas anns an Tighearna.

Salm 119:103

Cia milis lem bhlas do bhriathran! Nas mìlse tha iad na mil dom bheul.

Salm 19:10

Nas mò rin iarraidh tha iad na an t‑òr, seadh, na mòran den òr fhìorghlan; agus nas mìlse na a’ mhil, seadh, na a’ mhil a shileas as na cìrean-meala.

Gnàth-fhacal 16:24

Mar chìr-mheala tha briathran taitneach, milis don anam agus nan slàinte do na cnàmhan.

Eseciel 2:10

Agus sgaoil e fam choinneamh e; agus bha e sgrìobhte a‑staigh agus a‑muigh: agus bha sgrìobhte ann tuireadh, agus bròn, agus truaighe.

Eseciel 3:14

An sin thog an spiorad suas mi, agus thug e leis mi, agus dh’imich mi ann an searbhadas, ann an teas mo spioraid, ach bha làmh an Tighearna treun orm.

Eseciel 3:3

Agus thubhairt e rium, A mhic an duine, thoir air do bhroinn ithe, agus lìon do chom leis an ròla seo a bheir mi dhut. An sin dh’ith mi, agus bha e ann am bheul mar mhil air mhìlsead.

Taisbeanadh 10:11

Agus thubhairt e rium, Is èiginn dhut a‑rìs fàidheadaireachd a dhèanamh am fianais shlògh, agus chinneach, agus theangaidhean, agus rìghrean lìonmhor.

Taisbeanadh 10:9

Agus chaidh mi a dh’ionnsaigh an aingil, agus thubhairt mi ris, Thoir dhòmhsa an leabhran: agus thubhairt esan rium, Glac, agus ith suas e; agus nì e do bhroinn searbh, ach bidh e nad bheul milis mar mhil.