Salm 127:2

Am Bìoball Gàidhlig 1992

Is dìomhain dhuibhse a bhith ag èirigh gu moch, a bhith a’ suidhe gu h‑anmoch, ag ithe aran a’ bhròin, nuair a bheir esan cadal do fhear a’ ghràidh.

Iomraidhean Croise

Iob 11:18

Agus earbaidh tu, oir bidh dòchas agad; agus cladhaichidh tu, agus gu tèarainte gabhaidh tu tàmh.

Salm 3:5

Laigh mi sìos agus chaidil mi: dhùisg mi, oir chùm an Tighearna suas mi.

Salm 4:8

Ann an sìth araon laighidh mi, agus caidlidh mi; oir is tusa a‑mhàin, a Thighearna, a bheir orm còmhnaidh a ghabhail gu tèarainte.

Salm 60:5

A‑chum gun teasairgear iadsan as ionmhainn leat, saor thusa led dheas-làimh, agus èisd rium.

Gnàth-fhacal 10:22

Nì beannachadh an Tighearna saoibhir, agus cha chuir e doilgheas na chuideachd.

Eclesiastes 1:14

Chunnaic mi na h‑uile obraichean fon ghrèin; agus, feuch, is dìomhanas iad uile, agus buaireadh spioraid.

Eclesiastes 4:8

Tha duine ann leis fhèin, agus chan eil lethbhreac aige: seadh, chan eil leanabh no bràthair aige; gidheadh chan eil crìoch air a shaothair uile, agus cha sàsaichear a shùil le saoibhreas; cha mhò a their e, Cò airson a bheil mi a’ saothrachadh, agus a’ fàgail m’anama a dh’easbhaidh maith? Is dìomhanas seo mar an ceudna, agus is saothair ghoirt e.

Eclesiastes 5:12

Tha cadal obraiche milis, co‑dhiù a dh’itheas e beagan no mòran: ach chan fhuiling sàsachd an t‑saoibhir dha cadal.

Eclesiastes 6:7

Tha uile shaothair an duine airson a bheòil, agus gidheadh chan eil a mhiann sàsaichte.

Ieremiah 31:26

An sin mhosgail, agus chunnaic mi, agus bha mo chadal taitneach dhomh.

Eseciel 34:25

Agus nì mise coicheangal sìthe riu, agus cuiridh mi cosg air na droch bheathaichean anns an fhearann; agus gabhaidh iad còmhnaidh gu tèarainte anns an fhàsach agus caidlidh iad anns na coilltean.