Rut 3:14

Am Bìoball Gàidhlig 1992

Agus laigh i sìos aig a chasan gu madainn: agus dh’èirich i mun robh e an comas do dhuine duine eile aithneachadh. Agus thubhairt e, Na biodh fhios aig neach air bith gun tàinig bean a‑steach don ùrlar-bhualaidh.

Iomraidhean Croise

Eclesiastes 7:1

Is fheàrr deagh ainm na ola-ungaidh luachmhor, agus là bàis na là breith neach.

Ròmanaich 12:17

Na ìocaibh olc airson uilc do dhuine sam bith. Ullaichibh nithean ciatach am fianais nan uile dhaoine.

Ròmanaich 14:16

Air an adhbhar sin na labhrar olc mu ur math.

1 Corintianach 10:32

Na tugaibh adhbhar oilbheim do na h‑Iùdhaich, no do na Greugaich, no do eaglais Dhè:

2 Corintianach 8:21

Air dhuinn a bhith a’ solar nithean ciatach, chan ann a‑mhàin am fianais an Tighearna, ach mar an ceudna am fianais dhaoine.

1 Tesalònianaich 5:22

Seachnaibh gach uile choslas uilc.

1 Peadar 2:12

Air dhuibh deagh chaitheamh-beatha a bhith agaibh am measg nan Cinneach; a‑chum an àite olc a labhairt umaibh mar luchd mì‑ghnìomh, gun dèan iad o ur deagh obraichean a chì iad, Dia a ghlòrachadh ann an là an fhiosrachaidh.

Rut 3:15

Mar an ceudna thubhairt e, Thoir an seo am brat a tha agad umad, agus cùm e. Agus chùm i e, agus thomhais e sia tomhaisean eòrna, agus chuir e oirre iad: agus chaidh i a‑steach don bhaile.