Rut 2:7

Am Bìoball Gàidhlig 1992

Agus thubhairt ise, Guidheam ort, leig dhomh dìoghlam, agus tional am measg nan sguab an dèidh nam buanaichean: agus thàinig i, agus dh’fhuirich i eadhon on mhadainn gus a‑nis, ach gun d’fhan i tamall beag a‑staigh.

Iomraidhean Croise

Gnàth-fhacal 13:4

Miannaichidh anam an leisgein, agus cha bhi aige; ach nìthear anam nan dìcheallach sultmhor.

Gnàth-fhacal 15:33

Is e eagal an Tighearna fòghlam a’ ghliocais; agus ro urram tha irioslachd.

Gnàth-fhacal 18:23

Le impidhean labhraidh an duine bochd; ach freagraidh an duine saoibhir gu garbh.

Gnàth-fhacal 22:29

Ma chì thu fear a bhios ealamh na ghnothaichean, seasaidh e an làthair rìghrean; cha seas e an làthair dhaoine ìosal.

Eclesiastes 9:10

Ge bè nì a gheibh do làmh ra dhèanamh, dèan e led dhìcheall; oir chan eil obair, no innealachd, no eòlas, no gliocas anns an uaigh, da bheil thu a’ dol.

Mata 5:3

Is beannaichte iadsan a tha bochd nan spiorad: oir is leo rìoghachd nèimh.

Ròmanaich 12:11

Gun a bhith leisg ann an gnothaichean; dùrachdach nur spiorad; a’ dèanamh seirbhis don Tighearna;

Galàtianach 6:9

Agus na sgìthicheamaid de mhath a dhèanamh: oir ann an àm iomchaidh buainidh sinn, mura fannaich sinn.

Ephèsianach 5:21

Air dhuibh a bhith umhail da chèile ann an eagal Dhè.

Rut 2:2

Agus thubhairt Rut, a’ bhan-Mhòabach, ri Naòmi, Leig dhomh a‑nis dol don achadh, agus diasan arbhair a dhìoghlam an dèidh an tì sin aig am faigh mi deagh-ghean na shùilean. Agus thubhairt i rithe, Falbh, mo nighean.

Rut 2:21

Agus thubhairt Rut, a’ bhan-Mhòabach, Mar an ceudna thubhairt e riumsa, Làimh rim òganaich-sa fanaidh tu, gus an crìochnaich iad m’fhoghar uile.

Rut 2:6

Agus fhreagair an t‑òglach a chuireadh os cionn nam buanaichean, agus thubhairt e, Is i seo an òg‑bhean Mhòabach, a thàinig air a h‑ais maille ri Naòmi à fearann Mhòaib:

Rut 2:8

An sin thubhairt Bòas ri Rut, Nach cluinn thu, mo nighean? Na gabh a dhìoghlam ann an achadh eile, agus na falbh à seo, ach fan an seo làimh rim ghruagaichean-sa.