Rut 2:22

Am Bìoball Gàidhlig 1992

Agus thubhairt Naòmi ri Rut a ban-chliamhainn, Is fheàrr dhut, mo nighean, dol a‑mach maille ra ghruagaichean, a‑chum nach coinnich iad thu ann an achadh sam bith eile.

Iomraidhean Croise

Gnàth-fhacal 27:10

Na trèig do charaid fhèin, no caraid d’athar, agus na rach a‑steach do thaigh do bhràthar ann an là d’àmhghair: is fheàrr coimhearsnach am fagas na bràthair fad as.

Dàn Sholaimh 1:8

Mura bheil fhios agad, O thusa as àillidh am measg bhan, imich a‑mach air luirg an treud, agus ionaltair do mhinn làimh ri bùthan nan aodhairean.

Marcus 14:66

Agus air do Pheadar a bhith shìos anns an talla, thàinig aon de bhanoglaich an àrd-shagairt:

Rut 2:21

Agus thubhairt Rut, a’ bhan-Mhòabach, Mar an ceudna thubhairt e riumsa, Làimh rim òganaich-sa fanaidh tu, gus an crìochnaich iad m’fhoghar uile.

Rut 2:23

Dh’fhan i uime sin làimh ri gruagaichean Bhòais a dhìoghlam, gus an do chrìochnaicheadh foghar an eòrna, agus foghar a’ chruithneachd; agus ghabh i còmhnaidh maille ra màthair-chèile.