Nehemiah 2:1

Am Bìoball Gàidhlig 1992

Agus thàrladh ann am mìos Nisain, anns an fhicheadamh bliadhna de Artacsercses an rìgh, gu robh fìon fa chomhair; agus ghabh mi am fìon, agus thug mi e don rìgh. Agus cha robh mise roimhe sin dubhach na fhianais.

Iomraidhean Croise

Genesis 40:11

Agus bha cupan Phàraoh am làimh; agus ghabh mi na fìon-dhearcan, agus dh’fhàisg mi iad ann an cupan Phàraoh, agus thug mi an cupan do làimh Phàraoh.

Genesis 40:21

Agus thug e an t‑àrd-bhuidealair a‑chum a bhuidealaireachd a‑rìs; agus thug e an cupan do làimh Phàraoh:

Esra 4:7

Agus ann an làithean Artacsercseis, sgrìobh Bislam, Mitridat, Tabeel, agus a’ chuid eile den cuideachd, gu Artacsercses rìgh Phersia; agus bha sgrìobhadh na litreach ann an sgrìobhadh nan Sirianach, agus air a mhìneachadh anns a’ chànain Shirianaich.

Esra 7:1

Agus an dèidh nan nithean sin, ri linn Artacsercseis rìgh Phersia, chaidh Esra mac Sheraiah, mhic Asariah, mhic Hilciah,

Esra 7:7

Agus chaidh cuid de chloinn Israeil, agus de na sagartan, agus de na Lèbhithich, agus den luchd-seinn, agus de na dorsairean, agus de na Netinich, suas gu Ierusalem, anns an t‑seachdamh bliadhna de Artacsercses an rìgh.

Nehemiah 1:1

Briathran Nehemiah mhic Hachaliah. Agus thàrladh anns a’ mhìos Chisleu, anns an fhicheadamh bliadhna, nuair a bha mi ann an Susan an lùchairt.

Nehemiah 1:11

A Thighearna, guidheam ort, biodh do chluas a‑nis furachair ri ùrnaigh do sheirbhisich, agus ri ùrnaigh d’òglaich, leis am miann eagal d’ainme a bhith orra: agus soirbhich, guidheam ort, led sheirbhiseach an‑diugh, agus thoir dha tròcair ann an sealladh an duine seo. A‑nis bha mise am ghille-cupain aig an rìgh.

Esteir 3:7

Anns a’ chiad mhìos (is e sin mìos Nisain) anns an dara-bliadhna-deug de rìgh Ahasuerus, thilgeadh Pur, is e sin an crannchur, an làthair Hàmain, o là gu là, agus o mhìos gu mìos, gus an dara-mìos-deug, is e sin mìos Adair.

Daniel 9:25

Aithnich uime sin agus tuig, o dhol a‑mach na h‑àithne, gu Ierusalem aiseag agus a thogail suas, gu Mesiah am Prionnsa, gum bi seachd seachdainean, agus trì-fichead agus dà sheachdain: togar an t‑sràid a‑rìs agus am balla, eadhon ann an aimsirean carraideach.