Nahum 2:1

Am Bìoball Gàidhlig 1992

Tha esan a phronnas ann am bloighdean air teachd a‑nìos fad chomhair; glèidh an daingneach, cuir faire air an t‑slighe, dèan do leasraidh làidir, neartaich gu treun do chumhachd.

Iomraidhean Croise

2 Eachdraidh 25:8

Ach mas àill leat imeachd, dèan; bi làidir airson a’ chatha; bheir Dia ort tuiteam ron nàmhaid; oir tha Dia comasach air còmhnadh a dhèanamh, agus air tilgeadh sìos.

Salm 50:14

Iobair ìobairt-bhuidheachais do Dhia, agus ìoc do bhòidean don Tì as àirde.

Salm 65:2

O thusa a dh’èisdeas ri ùrnaigh, thugadsa thig gach feòil.

Isaiah 14:6

Esan a bhuail na slòigh ann am feirg, le buille gun sgur; esan a thug fo ghèill na cinnich ann an corraich; tha e air a dhian-ruagadh, gun neach a’ bacadh.

Isaiah 29:7

Agus amhail bruadar, aisling na h‑oidhche, bidh mòr-shluagh nan uile chinneach, eadhon na h‑uile a tha a’ cogadh rithe fhèin, agus ri a daingneach, agus a tha ga teannachadh.

Isaiah 29:8

Agus amhail duine acrach a chì aisling, agus, feuch, tha e ag ithe, ach air dùsgadh dha, tha a anam cìocrach; agus amhail duine tartmhor a chì aisling, agus, feuch, tha e ag òl, ach air dùsgadh dha, feuch, tha e fann agus anam a’ miannachadh; mar sin tàrlaidh do mhòr-chuideachd nan uile chinneach a tha a’ cogadh an aghaidh sliabh Shioin.

Isaiah 52:7

Cia maiseach air na slèibhtean casan an teachdaire aoibhinn a tha ag èigheach sìthe; teachdaire an deagh sgeòil, a tha ag èigheach slàinte, a tha ag ràdh ri Sion, Is e do Dhia as rìgh ann!

Ieremiah 25:9

Feuch, cuiridh mi fios, agus bheir mi leam uile mhuinntir na h‑àird a tuath, deir an Tighearna, agus Nebuchadresar rìgh Bhàbiloin m’òglach, agus bheir mi iad an aghaidh na tìre seo, agus an aghaidh a luchd-àiteachaidh, agus an aghaidh nan cinneach seo uile mun cuairt, agus sgriosaidh mi gu tur iad, agus nì mi iad nan uamhas, agus nan sgeig, agus nam fàsach gu bràth.

Ieremiah 50:23

Cionnas a bhriseadh agus a spealgadh òrd an domhain uile! Cionnas a dh’fhàs Bàbilon na fàsach sgaoilte am measg nan cinneach!