Marcus 9:49

Am Bìoball Gàidhlig 1992

Oir saillear gach aon neach le teine, agus saillear gach aon ìobairt le salann.

Iomraidhean Croise

Eseciel 43:24

Agus ìobraidh tu iad an làthair an Tighearna, agus tilgidh na sagartan salann orra, agus ìobraidh iad suas iad mar ìobairt-loisgte don Tighearna.

Lebhiticus 2:13

Agus gach tabhartas-bìdh a bheir thu leat, nì thu blasda le salann: cha mhò a leigeas tu le salann coicheangal do Dhè a bhith a dh’easbhaidh air do thabhartas-bìdh: led thabhartasan uile bheir thu seachad salann.

Mata 5:13

Is sibhse salann na talmhainn: gidheadh ma chailleas an salann a bhlas, ciod leis an saillear e? Chan eil feum ann o sin suas, ach a thilgeadh a‑mach, agus a shaltairt fo chasan dhaoine.

Marcus 9:48

Far nach bàsaich a’ chnuimh, agus nach tèid an teine as.

Marcus 9:50

Is math an salann: ach ma chailleas an salann a shaillteachd, ciod e leis an dèan sibh deagh-bhlasda e? Biodh agaibh salann annaibh fhèin, agus bithibh sìochail ri chèile.