Marcus 5:5

Am Bìoball Gàidhlig 1992

Agus bha e a‑ghnàth, a là agus a dh’oidhche, anns na beanntan, agus anns na h‑ionadan-adhlaic, a’ glaodhaich agus ga ghearradh fhèin le clachan.

Iomraidhean Croise

1 Rìgh 18:28

Agus dh’èigh iadsan le guth àrd, agus gheàrr iad iad fhèin a rèir an gnàtha le claidheamhan agus le lannan, gus an do thaom an fhuil a‑mach orra.

Marcus 5:4

Oir chaidh a cheangal gu tric le gèimhlean agus le slabhraidhean, agus tharraing e na slabhraidhean as a chèile, agus mhion-bhris e na gèimhlean. Agus cha b’urrainn duine sam bith a cheannsachadh.

Marcus 5:6

Ach nuair a chunnaic e Iosa fada uaithe, ruith e agus shleuchd e dha,

Eòin 8:44

Tha sibhse o ur n‑athair an diabhal, agus is iad ana-miannan ur n‑athar as toil leibh a dhèanamh: bha esan na mhortair o thùs, agus cha d’fhan e anns an fhìrinn, a chionn nach eil fìrinn ann. Nuair a labhras e breug, is ann uaithe fhèin a tha e a’ labhairt: oir is breugair e, agus is e athair na brèige.