Marcus 3:22

Am Bìoball Gàidhlig 1992

Agus thubhairt na sgrìobhaichean a thàinig a‑nuas o Ierusalem, Tha Beelsebub aige, agus is ann tro phrionnsa nan deamhan a tha e a’ tilgeadh a‑mach dheamhan.

Iomraidhean Croise

2 Rìgh 1:2

Agus thuit Ahasiah sìos tro chliath-uinneig na sheòmar uachdarach a bha ann an Samaria, agus bha e tinn; agus chuir e teachdairean uaithe, agus thubhairt e riu, Rachaibh, fiosraichibh de Bhàal-sebub, dia Ecroin, an tig mi on tinneas seo.

Salm 22:6

Ach is cnuimh mise, agus cha duine; masladh dhaoine, agus tàir an t‑sluaigh.

Mata 10:25

Is leòr don deisciobal a bhith mar a mhaighistir, agus don t‑seirbhiseach a bhith mar a thighearna: ma ghoir iad Beelsebub de fhear an taighe, nach mò na sin a ghoireas iad e de a mhuinntir?

Mata 11:18

Oir thàinig Eòin chan ann ag ithe no ag òl, agus tha iad ag ràdh, Tha deamhan aige.

Mata 12:24

Ach nuair a chuala na Pharasaich seo, thubhairt iad, Chan eil am fear seo a’ tilgeadh a‑mach dheamhan ach tro Bheelsebub, prionnsa nan deamhan.

Mata 15:1

An sin thàinig sgrìobhaichean agus Pharasaich o Ierusalem gu Iosa ag ràdh,

Mata 9:34

Ach thubhairt na Pharasaich, Tro phrionnsa nan deamhan tha e a’ tilgeadh a‑mach dheamhan.

Marcus 7:1

Agus chruinnicheadh na Pharasaich da ionnsaigh, agus dream àraidh de na sgrìobhaichean a thàinig o Ierusalem.

Lùcas 11:15

Ach thubhairt cuid dhiubh, Is ann tro Bheelsebub, ceannard nan deamhan, a tha e a’ tilgeadh a‑mach dheamhan.

Lùcas 5:17

Agus thàrladh air là àraidh, nuair a bha e a’ teagasg, gu robh nan suidhe an sin Pharasaich agus luchd-teagaisg an lagha, a thàinig as gach uile bhaile de Ghalile, agus de Iudèa, agus o Ierusalem: agus bha cumhachd an Tighearna an làthair a‑chum an slànachadh.

Eòin 10:22

Agus bha fèill-chuimhne an ath-choisrigidh ann an Ierusalem, agus b’e an geamhradh a bha ann.

Eòin 7:20

Fhreagair an sluagh agus thubhairt iad, Tha deamhan agad: cò a tha ag iarraidh do mharbhadh?

Eòin 8:48

An sin fhreagair na h‑Iùdhaich, agus thubhairt iad ris, Nach math a thubhairt sinn gur Samaritanach thu, agus gu bheil deamhan agad?

Eòin 8:52

An sin thubhairt na h‑Iùdhaich ris, A‑nis tha fhios againn gu bheil deamhan agad. Fhuair Abrahàm bàs, agus na fàidhean; gidheadh tha thusa ag ràdh, Ma choimheadas duine m’fhacal-sa, cha bhlais e bàs am feasd.