Marcus 16:7

Am Bìoball Gàidhlig 1992

Ach imichibh, innsibh da dheisciobail agus do Pheadar gu bheil e a’ dol romhaibh do Ghalile: chì sibh an sin e, mar a thubhairt e ribh.

Iomraidhean Croise

Mata 26:32

Ach an dèidh dhòmhsa èirigh a‑rìs, thèid mi romhaibh do Ghalile.

Mata 28:10

An sin thubhairt Iosa riu, Na biodh eagal oirbh: imichibh, abraibh rim bhràithrean iadsan a dhol do Ghalile, agus an sin chì iad mi.

Mata 28:7

Agus imichibh gu luath, agus innsibh da dheisciobail gun d’èirich e o na mairbh: agus, feuch, tha e a’ dol romhaibh do Ghalile; an sin chì sibh e; feuch, thubhairt mise ribh e.

Marcus 14:28

Ach an dèidh dhomh èirigh, thèid mi romhaibh do Ghalile.

Marcus 14:50

Agus air do na h‑uile a thrèigsinn, theich iad.

Marcus 16:8

Agus air dol a‑mach dhaibh, theich iad on uaigh; oir bha ball-chrith agus uamhann orra: agus cha dubhairt iad nì sam bith ri neach air bith; oir bha eagal orra.

Eòin 21:1

An dèidh nan nithean sin dh’fhoillsich Iosa e fhèin a‑rìs da dheisciobail aig muir Thiberiais; agus air an dòigh seo nochd e e fhèin:

Gnìomharan 13:31

Agus chunnacas e rè mòran làithean leòsan a chaidh suas maille ris o Ghalile gu Ierusalem, dream a tha nam fianaisean dhàsan don t‑sluagh.

1 Corintianach 15:5

Agus gum facas e le Cèphas, na dhèidh sin leis an dà‑fhear-dheug.

2 Corintianach 2:7

Ionnas air an làimh eile, gur mò as còir dhuibh maitheanas agus comhfhurtachd a thoirt dha, air eagal gum biodh a leithid seo de dhuine air a shlugadh suas le anabarr doilgheis.