Marcus 16:11

Am Bìoball Gàidhlig 1992

Agus iadsan, nuair a chuala iad gu robh e beò, agus gum facadh leatha-se e, cha do chreid iad.

Iomraidhean Croise

Iob 9:16

Nan gairminn, agus gum freagradh e mi, cha chreidinn gun d’èisd e rim ghuth:

Ecsodus 6:9

Agus labhair Maois mar sin ri cloinn Israeil; ach cha d’èisd iad ri Maois, trìd chràdh spioraid, agus trìd chruaidh dhaorsa.

Mata 28:17

Agus nuair a chunnaic iad e, rinn iad adhradh dha: ach bha cuid aca fo amharas.

Marcus 9:19

Ach fhreagair esan, agus thubhairt e ris, O chinnich gun chreideamh, cia fhad a bhios mi maille ribh? Cia fhad a dh’fhuilingeas mi sibh? Thugaibh e am ionnsaigh.

Lùcas 24:11

Agus mheasadh am briathran leòsan mar sgeulan faoine, agus cha do chreid iad iad.

Lùcas 24:41

Agus air dhaibh a bhith fhathast mì‑chreidmheach tro aoibhneas, agus iad fo iongantas, thubhairt e riu, A bheil biadh sam bith agaibh an seo?

Eòin 20:25

Uime sin thubhairt na deisciobail eile ris, Chunnaic sinne an Tighearna. Ach thubhairt esan riu, Mura faic mise aileadh nan tàirngean na làmhan, agus mura cuir mi mo mheur ann an aileadh nan tàirngean, agus mura cuir mi mo làmh na thaobh, cha chreid mi.